Daniela 9:13 - Jinghpaw Common Language Bible 2009

¹³ Mawshe a Tara hta ka da ai ari ahpri yawng anhte hpe jaw nga ndai. Rai ti mung, ya chyawm gaw, O Madu anhte a Karai Kasang e, anhte a yubak ni kaw nna kayin mat wa nhtawm na a teng man ai lam hta hkan sa ai hku nang hpe awng sharawng shangun ga ai n rai.

Jinghpaw Hanson Version Bible

¹³ Mawshe tara laika hta ka da ai hte maren, ndai tsin-yam tsindam yawng, anhte a ntsa e du sai: rai timung, anhte gaw, anhte a shut hpyit ai lam koi kau nna, na a tengman ai lam hpe chye na lu hkra, anhte a Karai Kasang Yehowa a chyeju hpe lu la na, tawngban saga ai n rai.

Daniela 9:13 ပူးပေါင်းရင်းမြစ်များ

2 HKAWHKAM 22:16

ning nga nna tsun ai lam wa tsun dan na matu shanhte hpe tsun wu ai: “Laika hta ka da sai hpe hkawhkam wa hti yu nu ai hte maren, Yerusalem mare hte dai hta nga ai amyu masha ni yawng hpe ngai ari jaw na we ai.

YOBA 36:13

Karai kata ni gaw masin apawt nga nna shanhte ari jaw hkrum yang pyi, karum la na matu akyu hpyi ma ai n rai.

SHAKAWN KUNGDAWN 119:18

Nye a myi ni hpe hpaw ya e, shaloi, na a tara hta na mauhpa teng man ai lam ni hpe ngai mu lu na nngai.

SHAKAWN KUNGDAWN 119:27

Na a tara ni hpe chye na lu na matu, ngai hpe karum la e; na a mauhpa sharin achyin ai lam ni hpe ngai myit aru yu nga na nngai.

SHAKAWN KUNGDAWN 119:73

Nang ngai hpe hpan da nna shim lum ai hte tawn da nga ndai; na a tara ni hpe sharin la lu n ga, chye chyang ai nyan ngai hpe jaw ya e.

SHAKAWN KUNGDAWN 85:4

Anhte a hkye la Madu Karai Kasang e, anhte hpe mi na hte maren bai hkap la mi, anhte hpe n yu ra hkum rai nu yaw!

ESAIA 31:1

Karum la lam a matu Egutu mung de yu sa ai ni gaw dingnye hkrum nga ai! Shanhte gaw Egutu mung a law htam ai hpyen n-gun, gumra ni, hpyen leng ni hte hpyenla ni hpe shamyet shanat nga ma ai. Rai ti mung shanhte gaw dai Madu Israela a chyoi pra ai Karai Kasang hta shamyet shanat ma ai n rai, karum la na matu shi kaw hpyi lajin ma ai n rai.

ESAIA 42:9

Ngai tau tsun da ai amu ni gaw ya teng nga sai. Ya chyawm gaw dai lam ni garai n byin hpang ai rai tim, ngai nang hpe amu nnan lam ni tsun dan na nngai.”

ESAIA 43:22

Dai Madu gaw, “Rai ti mung Israela e, nang nye a lam hki ba mat nit dai; nang gaw ngai hpe nawku ndai n rai.

ESAIA 64:6

Anhte yawng gaw yubak mara kap ai ni rai nga saga ai; anhte a kaja htum ai magam bungli ni pyi npawt kaw nna ndung hkren matsat shabat amu hkrai rai nga ai. Anhte galaw shut ai yubak mara ni a majaw, anhte gaw nyui mat nna nbung e shapoi kau ai hpun lap ni zawn rai nga ga ai.

ESAIA 64:7

Akyu hpyi let nang kaw kayin wa ai masha kadai n nga nga ai; karum la na matu nang kaw kadai n sa nga ai. Nang gaw na hkum hpe anhte kaw na makoi kau nhtawm anhte galaw ai yubak mara ni a majaw anhte hpe kau da nga nit dai.

ESAIA 9:13

Chyahtum Chyalai N-gun rawng ai dai Madu gaw shanhte hpe ari jaw tim pyi, Israela amyu masha ni myit malai ma ai n rai, shanhte shi kaw nhtang wa ma ai n rai.

YEREMIA 2:30

Ngai nang hpe ari jaw nngai, rai ti mung dai gaw mai kaja lam hpa mung n galaw ya nga ai; nang gaw ngai hpe shading sharai shangun nga ai n rai. N-yun bu ai hkanghkyi langai zawn na a myihtoi ni hpe nang sat kau nit dai.

YEREMIA 30:14

Nanhte hpe tsaw ra ai ni yawng nanhte hpe malap kau manit dai; shanhte gaw nanhte hpe galoi mung yu lajang ma ai n rai. Nanhte a yubak mara ni law nga ai hte nanhte galaw ai n hkru ai amu kaba nga ai majaw, ngai gaw nanhte hpe gumlau hpyen wa hpe zawn htim gasat ni ai, nanhte hkam la na ari gaw laja lana rai nga ai.

YEREMIA 31:18

“Ngai gaw Israela a amyu masha ni tsun ai yawn hkyen nsen hpe na nngai, Shanhte gaw, ‘Madu e, anhte gaw zai ai dusat zawn rai mat saga ai, rai ti mung, nang gaw anhte hpe madat mara na matu sharin ya nga nit dai. Anhte hpe woi nhtang wa mi; anhte gaw dai Madu anhte a Karai Kasang hpang de nhtang wa na matu jin jin rai nga saga ai.

YEREMIA 44:23

Nanhte gaw dai Madu a hkang da ai ga ni hpe n madat n mara ai sha, kaga hpara ni hpe shagu hkungga nawng jau ai hte dai Madu hpe shut kau mu ai majaw, ya ndai mu lu ai tsin-yam tsindam gaw nanhte a ntsa e du nga sai,” ngu nna tsun wu ai.

YEREMIA 44:27

Nanhte gaw ngamu ngamai na myit dai n rai, rai ti mung, shamyit kau hkrum na myit dai. Nanhte kaw na langai mi mung n ngam mat ai aten du hkra, nanhte yawng gaw hpyen majan hte ana zinli hta si htum mat na marin dai.

YEREMIA 5:3

Dai Madu gaw kaja wa kangka ai hpe tam nga ai. Shi nang hpe kayat ti mung, nang hpa zawn n nawn nga ndai; shi nang hpe agrawp mani kau ti mung, sharin la na matu nang ningdang kau nga ndai. Nang gaw du ja nna na a yubak ni kaw na n kayin wa nga ndai.

SHARUNG SHAYAWT 5:21

Madu e, anhte hpe nang hpang de nhtang woi la mi! Anhte hpe nhtang woi la mi! Moi na anhte a arawng sadang hpe bai jaw ya mi!

EZEKELA 16:43

Nang naw kaji nga yang, ngai nang hpe kade lakawn ai hpe mung nang malap kau nhtawm, nang galaw ai amu yawng hte nang ngai hpe pawt sindawng shangun nit dai. Dai lam a majaw, ngai gaw dai amu ni yawng a matu nang hpe matai htang jaw ni ai. Nang galaw ai kaga matsat shabat amu ni yawng hta ngang gayut ai nse nsa amu hpe nang hpa majaw shut hpyit nit ta?” Tsaw Htum ai dai Madu nan tsun nu ai.

Daniela 9:11

Israela amyu ting na a tara ni hpe jahten kau nna nang tsun ai ga hpe hkan madat na, ningdang kau masai. Anhte nang hpe yubak galaw saga ai majaw, na a shangun ma Mawshe a Tara hta ka da sai dagam dala ga ni anhte hpang de la sa ya nit dai.

HOSEA 7:10

Israela amyu masha ni a myit tsaw myit dap ai gaw shanhte a matu sari jahpoi hkrum na lam rai nga ai. Lam magup byin hkrum hkra nga ma tim, shanhte gaw dai Madu shanhte a Karai Kasang ngai hpang de n kayin wa ma ai.

HOSEA 7:14

Shanhte gaw ngai kaw myit malang ai hte akyu n hpyi ma ai, rai ti mung shing rai na malai, shanhte gaw ga de gum dagup nhtawm tara maigan masha ni galaw ai zawn hkrap agru ma ai. Shanhte gaw nai mam nsi naisi hte sabyi hpyi ma ai shaloi, shanhte hkum hpe tara maigan ni zawn gadoi jahpye ma ai. Shanhte hpa baw gumlau nga ma hka!

HOSEA 7:7

“Shanhte a pawt sindawng ai gaw kahtet kang nga ai rai nna, shanhte gaw shanhte a up hkang du ni hpe sat kau ma ai. Shanhte a hkawhkam ni langai hpang langai lagyim sat kau hkrum nga manu ai, rai ti mung kadai mung karum la na matu ngai kaw akyu n hpyi ma ai.”

LUKA 24:45

Dai hpang sape ni, dai Chyum Laika ga ni hpe chye na lu na matu shanhte a myit nyan jahpaw ya mu ai.

YAWHAN 10:35

Karai Kasang gaw shi a mungga jaw da hkrum sai ni hpe ‘karai daw ni,’ ngu nna shamying mu ai rai nna, Chyum Laika hta tsun ai ga ni gaw galoi mung teng man nga ai hpe anhte chye ga ai.

YAWHAN 6:45

Myihtoi laika ni hta, ‘Masha shagu gaw Karai Kasang a sharin achyin ai lu la na mara ai,’ ngu nna ka da nga ai. Dai rai nna, nye Wa tsun ai ga hpe na la nna shi kaw na sharin achyin hkam la ai wa kadai mung ngai hpang de du sa ai.

YAWHAN 8:32

Teng man ai lam mung nanhte chye lu na marin dai rai nna, dai teng man ai gaw, nanhte hpe shalawt dat na ra ai,” ngu nna tsun mu ai.

EHPESU 4:21

Shi a lam hpe nanhte kaja wa na yu manit dai hte Hkristu a hpang hkan nang ai ni rai nga myit dai rai nna Hkristu hta rawng ai dai teng man ai lam hpe nanhte sharin la manit dai.

TARA JAHPRANG 29:4

Rai ti mung dai ni du hkra nanhte hkrum hkra yu manit dai, dai mahkrum madup nanhte hpe chye na hkawn hkrang shangun ai n rai.

YAKU 1:5

Rai ti mung, nanhte hta na langai ngai hpaji ra kadawn nga a yang gaw, shi Karai Kasang kaw akyu hpyi nga u ga, Karai Kasang gaw shi hpe dai lam jaw ya na ru ai; hpa majaw nga yang, shi gaw yawng mayawng hpe n daw n hta chyeju hku nna jaw ya ai wa rai nga ai.