Daniela 8:25 - Jinghpaw Common Language Bible 2009

²⁵ Shi hkalem chye nga ai majaw, shi a masu hkalem ai lam ni hta awng dang wa na ra ai. Shi hkum nan gumrawng gumtawng wa nna sadi jaw ai n nga ai sha masha law law hte hpe jahten kau na ra ai. Shi gaw yawng mayawng hta galu kaba htum ai Hkawhkam wa hpe pyi hkap daw na ra ai. Rai ti mung, shi chyawm gaw masha a n-gun atsam hpa mung n lang ra ai sha, jahten kau ai hkrum na ra ai.

Jinghpaw Hanson Version Bible

²⁵ Shi a hpaji daw ai a marang e, shi a lata hta hkalem hkalau ai lam awng wa na ra ai: shi gaw shi hkum hpe shagrau shatsaw nna, ndum shami e masha law law hpe jahten shabyak kau na ra ai: dai hta n-ga, madu ni a Madu hpe shi hkap daw na ra ai; rai timung, masha lata hte n re ai, shi agrawp kau ai hkrum na ra ai.

Daniela 8:25 ပူးပေါင်းရင်းမြစ်များ

YOBA 34:20

Masha gaw shana e akajawng sha si mat mai nga ai; Karai Kasang gaw masha hpe adup galau ai rai nna; shanhte hten za mat ma ai; shi gaw chyalai n-gun rawng ai ni hpe pyi n shakut shaja ra ai sha sat kau nga ai.

YEREMIA 48:26

Dai Madu gaw, “Moba gaw ngai hpe gumlau ai majaw, shi hpe chyaru nang kau shangun mu. Moba gaw shi a nhpat hta galwi la na ra ai, masha ni gaw shi hpe mani asawng kau na mara ai.

SHARUNG SHAYAWT 4:6

Karai Kasang a lata hta akajawng sha hkrat sum mat ai Sodom mare masha ni a yubak hta, nye a amyu masha ni hkrum sha ai ari gaw grau nna pyi kaba nga ai.

Daniela 11:12

Shi gaw shi a awng padang hte shi sat kau lu ai hpyenla law law a majaw gumrawng gumtawng wa na ra ai, rai ti mung shi gaw matut nna awng dang lu na ra ai n rai.

Daniela 11:45

Shi gaw panglai hte Nawku Htingnu shadun da ai bum yan a lapran hta hkawhkam sum kaba ni hpe pyi sharawt tawn da na ra ai. Rai ti mung dai yang e shi hpe karum la na kadai mung n nga ai sha shi si mat na ra ai.”

Daniela 7:26

Dai hpang sumsing lamu hte seng ai tara rung gaw tara jeyang ai amu hta dung nna shi a daru magam n-gun hpe yeng seng kau nhtawm, shi hpe tsep kawp shamyit kau na mara ai.

Daniela 7:8

Ngai gaw dai nrung ni hpe yu mau nga yang, kaga ni a ka-ang hta nrung kaji tu pru wa nga ai hpe ngai mu nngai. Dai gaw dai yang e nga nga sai nrung masum hpe baw kau nga ai. Ndai nrung hta gumrawng gumtawng ai hte shakawng shakat chye ai masha a myi ni hte n-gup langai rawng nga ai.

Daniela 8:11

Dai gaw sumsing lamu luksuk a Hkawhkam Kasha hpe pyi hkap daw nna shi hpe nawng jau ya ai shani shagu na shagu hkungga ni hpe dawm kau nhtawm Nawku Htingnu hpe awu asin di kau wu ai.

Daniela 9:25

Dai hpe matsing da ai hte dai hpe chye tawn u. Yerusalem hpe bai gaw gap na hkang da ai ga pru wa ai aten kaw nna Karai Kasang lata la hkrum ai ningbaw du sa ai aten du hkra sanit ning sanit lang gaw lai mat wa na ra ai. Yerusalem mung mare lam ni hte ngang ai dahpran shara ni hte bai gaw gap da ai gaw shi lahkawng ning sanit lang na na rai nga ai, rai ti mung dai gaw ru yak tsin-yam tsindam hkrum ai aten rai na ra ai.

KASA 12:23

Dai shaloi jang Herod Hkawhkam gaw Karai Kasang hpe n shagrau n sha-a n kaw n law di wu ai majaw dai Madu a lamu kasa shi hpe kadawng taw mat shangun nna kan shingtai byet manu ni e sha nna si mat wa sai.

2 HTESALONI 2:3

Gara hku rai ti mung, nanhte hpe gade e mung n hkalem kau myit ga. Hpa majaw nga yang, hpang jahtum Karai Kasang hpe gumlau ai lam garai n byin yang, ngarai mung de jahkrat kau hkrum na rai nga ai n hkru Ai Wa garai n paw pru yang dai nhtoi du na ra ai n rai.

2 HTESALONI 2:8

Dai hpang dai N hkru Ai Wa dan pru na ra ai, rai ti mung Madu Yesu du sa ai shaloi N hkru Ai Wa hpe shi a n-gup kaw na pru ai nsa hte sat kau nna, shi a htoi kabrim ai hpung shingkang hte jahten shaza kau na ra ai.

SHINGRAN 17:14

Shanhte gaw Sagu Kasha hpe hpyen gasat na mara ai; rai ti mung dai Sagu Kasha gaw, shi shaga la nna lata la hkrum ai, kangka re ai shi a hpang hkan nang ai ni hte rau awng padang lu na ra ai. Hpa majaw nga yang, shi gaw Madu ni a Madu, Hkawhkam ni a Hkawhkam rai nga ai,” nga nna ngai hpe tsun ai.

SHINGRAN 19:16

Shi a hpun palawng hte magyi hta, “Hkawhkam ni a Hkawhkam, madu ni a Madu,” nga nna ka kap da nga ai.