Daniela 8:21 - Jinghpaw Common Language Bible 2009

²¹ Dai bainam la gaw Grik mungdan rai nga ai. Shi a myi lapran hta laklai dan dawng hkra tu ai nrung gaw shawng na hkawhkam rai nga ai.

Jinghpaw Hanson Version Bible

²¹ Mun mazut tu ai namla gaw Heleni hkawhkam rai nga ai: shi a myi lapran e tu ai nrung kaba gaw, shawng na hkawhkam rai nga ai.

Daniela 8:21 ပူးပေါင်းရင်းမြစ်များ

Daniela 10:20

Shi mahtang, “Ngai nang hpang de hpa majaw sa ai lam nang chye nga n ni? Ngai gaw nang hpe Teng Man Ai Laika hta hpa baw ka da ai lam tsun dan na nngai. Ya chyawm gaw ngai naw nhtang wa nna Persi sin langa lamu kasa hpe gasat na nngai. Dai hpang Grik sin langa lamu kasa paw pru na ra ai. Israela a sin langa lamu kasa Mihkaela hta kaga kadai mung ngai hpe karum la nga ai n rai.

Daniela 11:2

Ya nang hpe ngai tsun dan na lam gaw teng man nga ai,” ngu nna tsun wu ai. Lamu kasa gaw, “Persi mung hta e hkawhkam masum naw up na mara ai; mali ngu na gaw kaga ni yawng hta grau nna sut su na ra ai. Shi a daru magam n-gun hte sut gan tsaw lung wa ai aten hta, shi gaw Grik mungdan hpe dakat na ra ai.

Daniela 11:3

“Dai hpang share shagan ai hkawhkam langai gaw pru wa na ra ai. Shi gaw kaba la ai hkawseng mungdan hpe up hkang nna shi ra ai hku galaw na ra ai.

Daniela 2:39

Na a hpang e nang daram n galu kaba ai hkawseng langai paw pru wa na ra ai. Dai hpang masum ngu na magri mang hkawseng mungdan pru wa nna lamu ga ting hpe up na ra ai.

Daniela 7:6

Ngai mada yu nga yang, kaga matse labye dusat langai paw pru wa nga ai. Dai gaw rawnggawk hte bung nna, de a shingma hta ntsa malen u a singkaw hte bung ai singkaw mali nga nga ai, shi hta baw mali tu nga ai. Dai hta ahkang aya lu ai nsam rawng nga ai.

Daniela 8:20

“Nang mu ai nrung lahkawng tu ai sagu la gaw Medi hte Persi mungdan ni rai nga ai.

Daniela 8:22

Dai shawng na nrung daw mat ai shaloi nrung mali tu pru wa ai gaw mungdan mali tai wa ai masha amyu ga karan mat nna shawng na mungdan zawn n-gun rawng na ra ai n rai.

ZEHKARIA 9:13

Ngai gaw Yuda hpe hpyenla langai a ndan zawn, Israela hpe pala ni zawn lang na nngai. Ngai gaw Ziun masha ni hpe nhtu zawn lang nna Grik masha ni hpe gasat na nngai.”