Daniela 8:16 - Jinghpaw Common Language Bible 2009

¹⁶ Ngai gaw Ulai hka nu ntsa kaw nna ning ngu jahtau ai nsen hpe na nngai: “Gabriela e, shi mu nu ai shingran a lachyum shi hpe sanglang dan u.”

Jinghpaw Hanson Version Bible

¹⁶ Bai Ulai hka hkin-gau lapran na masha nsen ngai na nngai: dai nsen gaw, “Gabriela e, ndai wa hpe ya mu ai shingran chye na shangun u,” ngu nna shaga wu ai.

Daniela 8:16 ပူးပေါင်းရင်းမြစ်များ

Daniela 10:14

Na a amyu masha ni du na ra ai aten hta hpa byin wa na mara ai lam nang hpe chye na shangun na matu ngai sa du nngai. Da ndai gaw du wa na aten hte seng ai shingran langai rai nga ai,” ngu nna tsun wu ai.

Daniela 7:16

Ngai gaw dai yang e tsap nga ai marai langai mi hpang de rawt lung wa nna de a lam mahkra sanglang dan na matu shi hpe san we ai. Dai rai nna shi gaw ngai hpe lachyum tsun dan nga ai.

Daniela 8:2

Dai shingran hta, Elam mungdaw na bunghku kum ai Susa mare hta nye hkum hpe ngai akajawng sha mu nngai. Ulai hka nu makau e ngai tsap nga yang,

ZEHKARIA 1:9

Ngai gaw shi hpe, “Madu e, ndai gumra ni hpa di na lachyum rai ta?,” ngu nna san we ai. Shi gaw, “Dai ni hpa rai nga ma ai gaw, ngai nang hpe madun dan na we ai.

ZEHKARIA 2:4

Shawng na wa gaw kaga wa hpe, “Shadawn sumri lang ai shabrang wa hpang de kagat let ning ngu tsun su; Yerusalem hta grai law ai masha ni hte yam nga hpung ni nga nga ma ai majaw bunghku kum na matu nau kaba ai mare tai na ra ai.

LUKA 1:19

Lamu kasa gaw, “Ngai gaw Karai Kasang a man e tsap nga ai Gabriela rai nga nngai; nang hpe tsun dan u nga nna, ndai Kabu Gara Shiga tsun shana ya na ngai hpe shangun dat ni ai.

LUKA 1:26

Elisabet na-um na sin hkum shata kru du ai shaloi, Karai Kasang gaw lamu kasa Gabriela hpe, Galile ginwang, Nazaret mare de shangun dat wu ai.

KASA 10:13

Nsen langai mi ngoi pru ai gaw, “Petru e rawt u, sat sha u,” nga ai.

KASA 9:7

Shi hte rau sa ai manang ni mung ga hkaw mi mung n shaga ai sha hkring tsap mat ma ai. Shanhte dai nsen hpe na ti mung kadai hpe mung n mu ma ai.

HEBRE 1:14

Dai rai yang gaw, lamu kasa ni gaw kadai ni rai nga ma ta? Shanhte gaw hkye hkrang la ai sali wunli hkam la na ni hpe karum na matu Karai Kasang e shangun dat hkrum ai hte Karai Kasang hpe daw jau nga ai wenyi ni rai ma ai.

SHINGRAN 1:12

Shing rai ngai hpe shaga nga ai wa gaw kadai wa rai nga ai kun? ngu mu lu na matu ngai kayin yu dat yang, ngai gaw ja pyengdin sanit hte,

SHINGRAN 22:16

“Ngai Yesu gaw, Hpung kata hta nga nga ai nanhte hpe ndai lam ni tsun shana sakse hkam ya u ga, ngu nna nye a lamu kasa hpe ngai shangun dat nngai. Ngai gaw Dawi a lakung kaw na yu hkrat wa ai wa re. Htoi tu ai jahpawt manap na nhtoi gintawng rai nngai.