Daniela 8:15 - Jinghpaw Common Language Bible 2009

¹⁵ Ngai gaw dai shingran a lachyum hpa rai nga ai hpe chye na hkawn hkrang wa hkra shakut nga yang, marai langai mi nye a man e akajawng sha sa tsap nga ai.

Jinghpaw Hanson Version Bible

¹⁵ Ya ngai Daniela gaw dai shingran mu nna, de a lachyum tam sawk yu nga yang, yu u, masha nsan ai wa langai mi nye a man e tsap nga ai.

Daniela 8:15 ပူးပေါင်းရင်းမြစ်များ

ESAIA 9:6

Anhte a matu kasha langai shangai sai! Anhte hpe shadang sha jaw mi ai! Shi gaw anhte a up hkang du tai na ra ai. Shi gaw, “Mauhpa Wa, Hpaji Daw Ai Wa, Chyahtum Chyalai N-gun Rawng Ai Karai Kasang, Htani Htana Kawa, Ngwi pyaw Sim Sa Ai A Hkawhkam Kasha,” ngu nna shamying hkrum na ra ai.

Daniela 10:16

Dai hpang masha zawn rai nga ai lamu kasa gaw shi a lata lalam dat nhtawm nye a nten hpe ahtawk ya nga ai. Shaloi ngai gaw shi hpe, “Madu e, ndai shingran gaw ngai hpe grai n-gun kya kau shangun nga ai rai nna hkrit gari nga ai hpe ngai n jahkring da lu nngai.

Daniela 10:18

Shi gaw ngai hpe lang mi bai jum dat yang, n-gun ja wa ai zawn ngai hkam sha nngai.

Daniela 10:5

Ngai sharawt mada dat yu we yang, lachyit nba bu hpun nna, jet ai ja shingkyit kyit da nga ai masha langai hpe mu nngai.

Daniela 12:8

Shi tsun ai ga hpe ngai na nngai, rai ti mung dai hpe ngai chye na nngai n rai. Dai re ai majaw ngai gaw, “Rai ti mung, Madu e, dai lam yawng mayawng kaning rai htum mat na rai ta?,” ngu nna san we ai.

Daniela 7:13

Shana e ndai shingran mu nga ai laman, shinggyim masha hte bung ai langai mi ngai mu nngai. Shi gaw ngai kaw shani sa wa nna, sumwi ni hte gawan da let htani htana ahkrung nga sai wa hpang de sa nhtawm shi a man e nga nga ai.

Daniela 7:28

Da ndai gaw byin mabyin a hpang jahtum na lam rai nga ai. Ngai gaw grai hkrit kajawng mat ai hte myi man hten mat nngai; ngai gaw lam magup hte hpe nye a kraw e matsing da nngai.

Daniela 8:1

Belshaza hkaw dung ai masum ning hta, ngai gaw lahkawng ngu na shingran mu nngai.

Daniela 8:19

“Karai Kasang a pawt sindawng ai akyu hpa rai na ra ai gaw ngai nang hpe madun dan nga nngai. Dai shingran gaw jahtum na aten hpe lakap nna tsun da nga ai.

ZEHKARIA 1:9

Ngai gaw shi hpe, “Madu e, ndai gumra ni hpa di na lachyum rai ta?,” ngu nna san we ai. Shi gaw, “Dai ni hpa rai nga ma ai gaw, ngai nang hpe madun dan na we ai.

MAHTE 13:36

Dai hpang Yesu gaw shawa masha ni kaw na pru mat wa nna nta hta e shang mat wa ai. Shaloi shi a sape ni shi kaw sit sa wa nna, “Hkauna hta e tu ai tsing ga shadawn a lam, anhte hpe htai dan mi,” ngu mu ai.

MAHTE 24:15

“Myihtoi Daniela tsun dan ai dai ‘Jahten Shabya ai,’ hkrit kajawng matsat na zawn re ai arai hpe nanhte mu na marin dai. Dai gaw, dai chyoi pra ai shara hta tsap nga na ra ai. (Laika hti ai wa, ndai lam hpe ngu mayu ai hpe sadi let chye na ra na re.)

MAHTE 24:30

Dai shaloi e, Masha Kasha a kumla ni gaw sumsing lamu hta e dan pru na ra ai rai nna, shaloi jang ga ntsa na masha ni yawng gaw, dai Masha Kasha daru magam hpung shingkang kaba hte nawng lamu a sumwi ni hta jawn nna du sa ai hpe mu nna sharung shayawt na mara ai.

MARKU 13:14

“Hkrit kajawng matsat si na zawn san ai arai gaw n nga ang ai shara hta nga ai hpe nanhte mu lu na marin dai, (Laika hti ai wa a matu matsing hpa ndai lam hpa re ai hpe atsawm sha chye na nga u ga!) Dai shaloi e, Yuda mung hta nga ai ni gaw, bum lang de hprawng gat mu ga,

MARKU 4:12

Hpa majaw nga yang, ‘Shanhte gaw yu layu e n mu na ma ai, na lana e n chye na ma ai. Lama wa shanhte gaw, tinang yu ai arai hpe mu nna, na ai ga hpe chye na shajang ma ai rai yang gaw, shanhte Karai Kasang hpang de kayin wa na ma ai rai nna, Shi gaw shanhte a yubak mara dat kau ya na rai nga ai,” nga nna Chyum Laika ni hta tsun nga ai,” ngu nna shanhte hpe tsun mu ai.

YAWSHU 5:14

Dai wa gaw, “Gara wa mahtang mung n rai nngai. Dai Madu a hpyen luksuk up hkang ai dap up wa zawn ngai nang e nga nga nngai,” ngu nna htan wu ai. Yawshu mung ga de dingnyawm nawku let, “Madu e, ngai gaw na a shangun ma rai nga nngai. Nang ngai hpe hpa galaw shangun mayu n ta?,” ngu nna tsun wu ai.

SHINGRAN 1:13

dai ni a ka-ang e masha zawn san ai wa langai mi shi a lagaw lahkre du hkra re ai bu hpun palawng bu hpun nna shi a sinda hta ja shingkyit kyit nga ai hpe ngai mu nngai.

SHINGRAN 13:18

Ndai lam hte seng nna hpaji byeng-ya rawng ra nga ai. Zai byeng-ya rawng ai wa gaw dai matse labye a hti hkum a lachyum hpe sawn htai la lu nga ai, hpa majaw nga yang, dai hti hkum gaw masha langai mi a mying rai nga ai. Shi a hti hkum gaw 666 rai nga ai.