Daniela 8:11 - Jinghpaw Common Language Bible 2009

¹¹ Dai gaw sumsing lamu luksuk a Hkawhkam Kasha hpe pyi hkap daw nna shi hpe nawng jau ya ai shani shagu na shagu hkungga ni hpe dawm kau nhtawm Nawku Htingnu hpe awu asin di kau wu ai.

Jinghpaw Hanson Version Bible

¹¹ Dai hta n-ga, dai nrung gaw, zaw nawng zaw wa ni a madu hpe du hkra, tinang hkum hpe shagrau shatsaw nna, tutnawng nawng ya ai wan nat hkungga hpe shi kaw na dawm la nna, shi a chyoi pra ai shara hpe run kau ya wu ai.

Daniela 8:11 ပူးပေါင်းရင်းမြစ်များ

ESAIA 37:23

Kadai hpe nang n kaw n law di nna asawng kau nga n ni? Nang gaw ngai, Israela a chyoi pra ai Karai Kasang hpe n gawn n sawn di kau nit dai.

ESAIA 37:29

Na a n-yun bu ai shiga hte na a gumrawng gumtawng ai ga ni hpe ngai lu la nngai, ya chyawm gaw, na ladi hta lashoi shoi ya nna na a n-gup hta runghtung bang let, nang du sa wa ai lam hku bai nhtang mat wa shangun na de ai.”

YEREMIA 48:26

Dai Madu gaw, “Moba gaw ngai hpe gumlau ai majaw, shi hpe chyaru nang kau shangun mu. Moba gaw shi a nhpat hta galwi la na ra ai, masha ni gaw shi hpe mani asawng kau na mara ai.

YEREMIA 48:42

Moba mung gaw ngai hpe gumlau nga ai majaw, dai mungdan gaw jahten sharun kau hkrum ai hte galoi mung amyu hku tai na ra ai n rai.

EZEKELA 46:14

Jahpawt shagu shadung pawng manga hte rau tsanlun sau palin mi hte kayau da ai shadung hpe mung shapraw ya na ndai. Dai Madu a matu nawng jau na ndai shadung hkungga gaw htani htana hte seng ai hkang da ai tara ni rai nga ai.

Daniela 11:22

Shi hte nhtan shai ai ni kadai mung Karai Kasang a Hkinjawng Kaba wa du hkra pyi magawn kau ai yeng seng kau hkrum na ra ai.

Daniela 11:31

Shi a hpyenla nkau mi mahtang Nawku Htingnu hpe awu asin di na mara ai. Shanhte gaw shani shagu na shagu hkungga hpe pat shingdang kau ya nna, dai Hkrit Si na zawn re ai wa hpe sharawt da na mara ai.

Daniela 12:11

“Shani shagu shagu hkungga nawng ya nga ai aten hpe hkum pat kau ya ai aten ngu na Dai Hkrit Si na zawn re ai wa hpe shadun da ai aten kaw nna nhtoi 1,290 lai mat wa na ra ai.

Daniela 5:23

Nang gaw sumsing lamu Madu hpe ninghkap nhtawm shi a Nawku Htingnu na la wa ai gawm ni hte wan ni hpe la jashawn nga ndai. Nang mung, na a du magam ni mung, na a madu jan ni hte na a lashi num ni mung dai ni hta sabyi ntsin lu nhtawm, ja, gumhpraw, magri mang, hpri, hpun hte nlung ni hte galaw nna, myi n mu, na n na, hpa hpe mung n chye ai karai ni hpe shakawn kungdawn myit dai. Nang mahtang na a asak sumri sumdam hte nang galaw ai lam magup hpe yu hkang nga ai Karai Kasang hpe shagrau sha-a nga ndai n rai.

Daniela 7:25

Shi gaw Tsaw Htum ai Karai Kasang hpe tsun ninghkap nna, Karai Kasang a amyu masha ni hpe dip gamyet kau na ra ai. Shi gaw shanhte a makam masham tara ni hte lusha poi ni hpe galai kau mayu na ra ai. Karai Kasang a amyu masha ni mung shi a daru magam n-gun npu hta masum ning jan taw nga na mara ai.

Daniela 8:12

Amyu masha ni mung shani shagu na shagu hkungga ni hpe htap htuk ai hku nawng ya na malai shut hpyit nga ai hte teng man ai makam masham gaw ga de kabai kau ai hkrum nga ai. Dai nrung gaw shi galaw ai lam magup hta awng dang nga ai.

Daniela 8:24

Shi gaw n-gun ja wa ti mung, shi a daru magam n-gun a majaw n rai nga ai. Hkrit hpa hten byak amu hpe shi shabyin dat ai majaw shi galaw ai lam shagu awng dang na rai wu ai. Shi gaw daru magam n-gun rawng ai masha ni hte Karai Kasang a amyu masha majing ni hpe jahten sharun kau na ra ai.

Daniela 8:25

Shi hkalem chye nga ai majaw, shi a masu hkalem ai lam ni hta awng dang wa na ra ai. Shi hkum nan gumrawng gumtawng wa nna sadi jaw ai n nga ai sha masha law law hte hpe jahten kau na ra ai. Shi gaw yawng mayawng hta galu kaba htum ai Hkawhkam wa hpe pyi hkap daw na ra ai. Rai ti mung, shi chyawm gaw masha a n-gun atsam hpa mung n lang ra ai sha, jahten kau ai hkrum na ra ai.

Daniela 9:25

Dai hpe matsing da ai hte dai hpe chye tawn u. Yerusalem hpe bai gaw gap na hkang da ai ga pru wa ai aten kaw nna Karai Kasang lata la hkrum ai ningbaw du sa ai aten du hkra sanit ning sanit lang gaw lai mat wa na ra ai. Yerusalem mung mare lam ni hte ngang ai dahpran shara ni hte bai gaw gap da ai gaw shi lahkawng ning sanit lang na na rai nga ai, rai ti mung dai gaw ru yak tsin-yam tsindam hkrum ai aten rai na ra ai.

BU HKAWM 28:3

Ndai ni gaw dai Madu hpe nawng jau na lusha hkungga ni rai nga ai: shani shagu na wan nat hkungga a matu ra n rawng ai hte laning mi ladu hkrum sai sagu la kasha lahkawng hpe nawng na rai myit dai.

LUKA 21:24

Nkau mi gaw nhtu hte sat kau hkrum nna, kaga ni gaw bawng hku masha amyu shagu ni e mungdan kaga ga de rim woi mat wa ai hkrum na mara ai rai nna, maigan amyu ni a matu Karai Kasang ladaw da ai nhtoi htum ai shani du hkra, Yerusalem mare gaw maigan amyu ni e kabye dip up da ai hkrum na ra ai.

2 HTESALONI 2:4

Shi gaw masha ni nawku daw jau nga ai karai ngu ai baw nga manga hpe nhtan shai ninghkap nna, shi hkum nan hpe yawng mayawng a ntsa e hpung shingkang grau rawng ai wa re ngu nna shagrau shatsaw na ra ai. Shi gaw Karai Kasang a Nawku Htingnu kata de pyi sa shang dung nga nna shi hkum dai Karai Kasang re ai ngu nna tsun ndau na ra ai.

HEBRE 2:10

Yawng mayawng hpe hpan da nna bau sin yu lanu lahku nga ai Karai Kasang gaw, kasha ni law law hpe hpung shingkang hkam la shangun lu na matu nni nkri hkam ai hku nna Yesu hpe jahkum shatsup ya wu ai. Ning rai Karai Kasang galaw ai lam gaw mai ang ai lam sha rai nga ai, hpa majaw nga yang, shanhte hkye hkrang la hkrum na matu woi wa ai wa gaw Yesu nan rai nga ai.

SHINGRAN 17:14

Shanhte gaw Sagu Kasha hpe hpyen gasat na mara ai; rai ti mung dai Sagu Kasha gaw, shi shaga la nna lata la hkrum ai, kangka re ai shi a hpang hkan nang ai ni hte rau awng padang lu na ra ai. Hpa majaw nga yang, shi gaw Madu ni a Madu, Hkawhkam ni a Hkawhkam rai nga ai,” nga nna ngai hpe tsun ai.