Daniela 7:9 - Jinghpaw Common Language Bible 2009

⁹ Ngai mada yu nga yang, tingnyang ni hpe shara hte shara tawn da nga ai. Htani htana ahkrung nga ai wa chyawm gaw tingnyang langai a ntsa e dung nga ai. Shi a hpun palawng ni gaw hkyen zawn hpraw nna kara gaw jet ai sagu mun hte bung nga ai. Shi a tingnyang gaw wan grung nga ai dingsen ni a ntsa e shadun da nna,

Jinghpaw Hanson Version Bible

⁹ Shaloi tingnyang ni hpe shadun da nna, moi chyaloi nhkoi na wa langai mi dung nga ai du hkra, ngai mu mada nngai; shi a hpun palawng hkyen zawn hpraw nna, shi a kara seng ai sagu mun hte bung nga ai; shi a tingnyang wan shinglet, de a dingsen ni grung ai wan rai nga ai.

Daniela 7:9 ပူးပေါင်းရင်းမြစ်များ

1 HKAWHKAM 22:19

Mihkaia gaw ning ngu nna matut tsun wu ai: “Dai Madu hpa tsun ai ga hpe ya madat u! Dai Madu gaw sumsing lamu na shi a tingnyang hta dung nga nna, shi a lamu kasa ni yawng mung shi a makau e tsap nga ma ai hpe ngai mu nngai.

2 HKAWHKAM LABAU 18:18

Mihkaia gaw ning ngu nna matut tsun wu ai: “Dai Madu hpa tsun ai ga hpe ya madat u! Dai Madu gaw sumsing lamu na shi a tingnyang hta dung nga nna shi a lamu kasa ni yawng mung shi a makau e tsap nga ma ai hpe ngai mu nngai.

SHAKAWN KUNGDAWN 45:8

Na a hpun palawng ni gaw mura, achyaw ni hte manam pyaw nga ai; tingse dum ai ni mung magwi kawng hte mawn sumli da ai hkawhkam htingnu ni hta nang hpe shangwi shapyaw ya nga ma ai.

SHAKAWN KUNGDAWN 90:2

Bum ni hpe garai n hpan da ai hte mungkan ga garai n lat ai aten kaw nna, nang gaw chyi nma pri npra Karai Kasang rai nga ndai; htum ngu n nga ai htani htana Karai Kasang mung nang rai nga ndai.

SHAKAWN KUNGDAWN 93:2

Madu e, na a tingnyang gaw shawng npawt kaw nna ngang grin nga sai, nang gaw aten ahkying ni a shawng kaw nna pyi, nga nga nit dai.

ESAIA 6:1

Hkawhkam Uzia si mat ai shaning hta, ngai gaw Madu hpe mu nngai. Shi gaw tsaw ai shi a tingnyang hta dung nga ai hte shagrau shatsaw hkrum nga ai, shi a palawng galu gaw Nawku Htingnu ting hpring nga ai.

ESAIA 9:6

Anhte a matu kasha langai shangai sai! Anhte hpe shadang sha jaw mi ai! Shi gaw anhte a up hkang du tai na ra ai. Shi gaw, “Mauhpa Wa, Hpaji Daw Ai Wa, Chyahtum Chyalai N-gun Rawng Ai Karai Kasang, Htani Htana Kawa, Ngwi pyaw Sim Sa Ai A Hkawhkam Kasha,” ngu nna shamying hkrum na ra ai.

YEREMIA 49:38

Shanhte a hkawhkam ni hte ningbaw ni, hpe ngai shamyit kau nna, dai shara hta nye a tingnyang hpe shadun na nngai.

EZEKELA 1:26

Dai lamu madin a ntsa e nila lung seng hte galaw da ai tingnyang zawn re ai lama mi mung naw nga nga ai; dai tingnyang a ntsa e masha zawn san ai wa langai mi dung nga ai.

Daniela 7:13

Shana e ndai shingran mu nga ai laman, shinggyim masha hte bung ai langai mi ngai mu nngai. Shi gaw ngai kaw shani sa wa nna, sumwi ni hte gawan da let htani htana ahkrung nga sai wa hpang de sa nhtawm shi a man e nga nga ai.

Daniela 7:22

Dai hpang htani htana ahkrung nga yu sai wa sa nna, Tsaw Htum ai Karai Kasang a amyu masha ni a man e, tara jeyang na tsun ndau nga ai. Karai Kasang a amyu masha ni hkawhkam daru magam n-gun hkam la na aten gaw du nga sai.

MIHKA 5:2

Dai Madu gaw, “Nang Betlehem Ehprat e, nang gaw Yuda mung na mare ni hta kaji htum rai nga ti mung, Israela a matu up hkang du langai nang kaw na pru wa na ra ai; shi a dinghku ru sai mung moi chyaloi nhkoi kaw nna nga nga ai wa rai nga ai,” ngu nna tsun ai.

HABAKU 1:12

Madu e, nang gaw moi chyaloi nhkoi prat kaw nna Karai Kasang rai nga ndai. Nang gaw nye a Karai Kasang rai nna, chyoi pra ai hte htani htana agrin nga ndai. Dai Madu nye a Karai Kasang hte ngai hpe makawp maga ai wa e, nang gaw Babelon masha ni hpe lata la nna shanhte hpe n-gun shaja ya nga ndai, shing rai shanhte gaw anhte hpe ari jaw lu nga ma ai.

MAHTE 17:2

Shaloi, shanhte a man e shi a ahpraw nsam galai mat wa ai hte, shi a myi man gaw, jan zawn htoi kabrim wa nna, shi a hpun palawng ni nhtoi zawn hpraw tu wa lu ai.

MAHTE 28:3

Shi a hpraw nsam myihprap zawn rai nga nna, shi a hpun palawng ni gaw hkyen zawn hpraw nga lu ai.

MARKU 9:3

shi a hpun palawng gaw kabrim kabram wa nna nachying hpraw tu wa lu ai, ndai daram hpraw tu hkra ga ntsa na sumpan chyaw ai kadai wa mung n di lu nga ai.

KASA 2:30

Dai wa gaw myihtoi langai mi rai nga ai rai nna shi a amyu matu hta na langai wa mi hpe Hkawhkam tai na matu san da na nga nna Karai Kasang dagam ga shaka tawn da sai lam shi chye wu ai majaw,

KASA 2:33

Shi hpe Kawa Karai Kasang a hkra maga de dung nga lu ai ahkang aya hte shagrau da nu ai hpang, Kawa Karai Kasang ga ndat jaw da ai Chyoi Pra ai Wenyi hpe hkam la nhhtawm ya nanhte mu lu na lu ai Wenyi hpe anhte a ntsa e ru jaw dat wu ai.

HPILIPI 3:9

Ngai gaw jep ai Tara hpe madat mara hkan sa shadik ai hku nna nye a ding hpring ai hpe n lu la lu nngai. Ya gaw Hkristu hpe kam sham ai a marang e jaw ya ai ding hpring ai hpe ngai lu la nngai. Dai gaw makam masham a marang e Karai Kasang e matsan dum nna jaw ya ai chyeju kumhpa rai nga ai.

1 TIMOHTI 6:16

Shi chyu sha n si n mat ai wa rai nna, shi gaw kadai mung n shani sa lu ai nhtoi hta shanu nga ai. Kadai mung shi hpe n mu yu ai hte kadai mung shi hpe n mu lu nga ai. Shi hta arawng sadang hte htani htana hpung shingkang a nga nga u ga law! Amen.

1 YAWHAN 1:5

Karai Kasang gaw nhtoi rai nga ai hte shi hta nsin hpa mung n rawng nga ai. Ndai mungga hpe shi a Kasha kaw na anhte na yu saga ai majaw nanhte hpe gawn dan ga ai.

SHINGRAN 1:14

Shi a kara gaw hpraw ai sagu mun zawn shing n rai hkyen zawn hpraw nga ai. Shi a myi ni gaw wan shinglet zawn tu nga ai;

SHINGRAN 19:18

Hkawhkam ni a ashan, gumra ni a ashan, gumra jawn ai ni a ashan, masha kaji kaba, shanglawt hte mayam ngu ai masha ni yawng a ashan hpe sha lu na marin dai,” nga nna nsen kaba hte jahtau wu ai.

SHINGRAN 20:4

Dai hpang, tingnyang ni hpe ngai mu nngai; dai tingnyang ni hta dung nga ai ni gaw, tara dara na ahkang aya ap ya da hkrum ai ni rai nga ma ai. Dai hta kaga, Madu Yesu shadan dan ai teng man ai lam hpe mung, Karai Kasang a mungga hpe mung hkaw tsun sakse hkam ai majaw, sat kau hkrum ai ni hte, dai matse labye hpe mung, shi a hkrang sumla hpe mung, n naw n ku ai hte, tinang a lahtan hte lata ni hta dai matse labye a masat dingsat ni hpe n hkam la ai ni a tsu ni hpe mung, ngai mu nngai. Shanhte gaw asak bai hkrung wa nna, hkawhkam ni zawn Madu Yesu hte rau shaning hkying mi tup up nga na mara ai.

SHINGRAN 4:2

Shaloi jang Wenyi hta ngai nawng mat wa nngai. Sumsing lamu hta e tingnyang langai mi nga nga ai rai nna, dai tingnyang hta marai langai mi dung nga ai.