Daniela 7:21 - Jinghpaw Common Language Bible 2009

²¹ Ngai mada yu nga yang, dai nrung gaw Karai Kasang a amyu masha ni hpe gasat dang kau nga ai.

Jinghpaw Hanson Version Bible

²¹ Kaning rai nme law, ngai mada yu yang, moi chyaloi nhkoi na Wa du nna, Tsaw Htum ai Wa a chyoi pra ai ni gaw tara dara na ahkang lu la ai hte,

Daniela 7:21 ပူးပေါင်းရင်းမြစ်များ

Daniela 11:31

Shi a hpyenla nkau mi mahtang Nawku Htingnu hpe awu asin di na mara ai. Shanhte gaw shani shagu na shagu hkungga hpe pat shingdang kau ya nna, dai Hkrit Si na zawn re ai wa hpe sharawt da na mara ai.

Daniela 12:7

Dai lamu kasa gaw lamu de lata lahkawng sharawt nhtawm Htani Htana a Karai Kasang a mying ningsang hta dagam shaka let ga sadi tawn da wu ai. Shi gaw, “Dai aten gaw masum ning a chyen mi rai na ra ai. Karai Kasang a amyu masha ni hpe zingri zingrat ai aten htum jang, ndai lam yawng mayawng byin wa na ra ai,” ngu nna tsun ai ga hpe ngai na nngai.

Daniela 7:20

Ngai gaw de a baw hta tu ai nrung shi a lam mung, hpang e tu lung wa ai nrung hte nrung masum hkrat mat ai lam ni hpe mung chye mayu nngai. Dai ni hta myi ni tu nna, shakawng shakat gumrawng gumtawng ai hte tsun chye ai n-gup langai rawng nga ai. Dai wa mahtang kaga ni hta grau nna hkrit kajawng shangun nga ai.

Daniela 8:12

Amyu masha ni mung shani shagu na shagu hkungga ni hpe htap htuk ai hku nawng ya na malai shut hpyit nga ai hte teng man ai makam masham gaw ga de kabai kau ai hkrum nga ai. Dai nrung gaw shi galaw ai lam magup hta awng dang nga ai.

Daniela 8:24

Shi gaw n-gun ja wa ti mung, shi a daru magam n-gun a majaw n rai nga ai. Hkrit hpa hten byak amu hpe shi shabyin dat ai majaw shi galaw ai lam shagu awng dang na rai wu ai. Shi gaw daru magam n-gun rawng ai masha ni hte Karai Kasang a amyu masha majing ni hpe jahten sharun kau na ra ai.

Daniela 8:9

Ndai nrung mali hta na langai mi hta nrung kaji langai tu wa ai rai nna de a n-gun atsam gaw dingda maga de mung, sinpraw maga hte Ga Sadi Mung maga de mung maden jat mat wa nga ai.

SHINGRAN 17:14

Shanhte gaw Sagu Kasha hpe hpyen gasat na mara ai; rai ti mung dai Sagu Kasha gaw, shi shaga la nna lata la hkrum ai, kangka re ai shi a hpang hkan nang ai ni hte rau awng padang lu na ra ai. Hpa majaw nga yang, shi gaw Madu ni a Madu, Hkawhkam ni a Hkawhkam rai nga ai,” nga nna ngai hpe tsun ai.

SHINGRAN 17:6

Bai, dai numsha gaw Karai Kasang a masha ni a asai hpe mung, Madu Yesu hta sadi dung ai majaw sat kau hkrum ai ni a asai hpe mung, lu nna nang bam taw nga ai hpe, ngai mu nngai. Shi hpe mu yang, kaja wa dik hkra mau mahka mat nngai.

SHINGRAN 19:19

Dai hpang, dai matse labye mung, ga ntsa na hkawhkam ni hte, shanhte a hpyen luksuk ni mung, dai gumra jawn ai wa hte shi a hpyen luksuk ni hpe gasat na matu zuphpawng nga ma ai hpe ngai mu nngai.