Daniela 7:20 - Jinghpaw Common Language Bible 2009

²⁰ Ngai gaw de a baw hta tu ai nrung shi a lam mung, hpang e tu lung wa ai nrung hte nrung masum hkrat mat ai lam ni hpe mung chye mayu nngai. Dai ni hta myi ni tu nna, shakawng shakat gumrawng gumtawng ai hte tsun chye ai n-gup langai rawng nga ai. Dai wa mahtang kaga ni hta grau nna hkrit kajawng shangun nga ai.

Jinghpaw Hanson Version Bible

²⁰ de a baw hta tu ai nrung shi hpe mung, hpang e tu nna, shawng na hta nrung masum hpe jahkrat kau ai hte, masha myi tu nna, ga kaba chye tsun ai n-gup tu ai hte, manang ni hta grau nna hkrit na nsan ai, nrung kaji tu ai lam hpe mung, ngai chye mayu nngai.

Daniela 7:20 ပူးပေါင်းရင်းမြစ်များ

Daniela 7:11

Ngai mada yu nga yang, shakawng shakat gumrawng ai nrung kaji a nsen hpe ngai naw na lu nngai. Ngai mada azi yu nga yang, mali ngu na matse labye dusat gaw sat kau ai hkrum nga ai; de a ashan hpe wan mang kata de kabai bang ai hte jahten kau nga ai.

Daniela 7:19

Dai hpang ngai gaw kaga kadai hte mung n bung ai mali ngu na matse labye dusat a lam hpe grau nna chye mayu nga nngai. Dai jahkrit shama ai matse labye dusat gaw tsin-yam hkrum sha ai ni hpe magri mang lamyin hte hpri awa ni hte agrawp daw kau nna dai ni hpe kabye anut kau nga ai.

Daniela 7:21

Ngai mada yu nga yang, dai nrung gaw Karai Kasang a amyu masha ni hpe gasat dang kau nga ai.

Daniela 7:23

Da ndai gaw ngai hpe jaw ai sanglang lam rai nga ai: “Mali ngu na matse labye dusat gaw ginding aga ntsa e grin nga na ra ai mali ngu na hkawseng mungdan rai nga ai; dai gaw kaga hkawseng mungdan ni yawng hte shai na ra ai. Dai gaw ginding aga ting hpe agrawp daw kau nna dai hpe kabye anut kau na ra ai.

Daniela 7:7

Ngai mada yu nga yang, mali ngu na matse labye dusat paw pru wa nga ai. Dai gaw n-gun rawng nna hkrit kajawng na zawn san ai nsam hte jahkrit ai nsam rawng nga ai. De a kaba ai hpri wa gaw tsin-yam hkrum sha nga ai ni hpe agrawp daw kau nna kabye anut kau nga ai. Dai gaw kaga matse labye dusat ni hte n bung ai sha, shi hta nrung shi tu nga ai.

Daniela 7:8

Ngai gaw dai nrung ni hpe yu mau nga yang, kaga ni a ka-ang hta nrung kaji tu pru wa nga ai hpe ngai mu nngai. Dai gaw dai yang e nga nga sai nrung masum hpe baw kau nga ai. Ndai nrung hta gumrawng gumtawng ai hte shakawng shakat chye ai masha a myi ni hte n-gup langai rawng nga ai.

SHINGRAN 12:3

Bai kaga mauhpa lamik kumla kaba langai mi lamu kata e dan pru wa ai. Baw sanit tu nna, nrung shi tu ai hkyeng ai baren numraw kaba langai mi gaw, shi a baw ni hta janmau langai hpra gup da nga ai.