Daniela 7:19 - Jinghpaw Common Language Bible 2009

¹⁹ Dai hpang ngai gaw kaga kadai hte mung n bung ai mali ngu na matse labye dusat a lam hpe grau nna chye mayu nga nngai. Dai jahkrit shama ai matse labye dusat gaw tsin-yam hkrum sha ai ni hpe magri mang lamyin hte hpri awa ni hte agrawp daw kau nna dai ni hpe kabye anut kau nga ai.

Jinghpaw Hanson Version Bible

¹⁹ Dai hpang, kaga dusat mahkra hte shai nna, grai wa gumshem nga ai, de a awa hpri, de a lamyin magri rai nga nna, shi kawa amya agrawp daw kau ai hte, naw ngam nga ai hpe lagaw e kabye anin kau ai, mali ngu na dusat a lam hpe mung;

Daniela 7:19 ပူးပေါင်းရင်းမြစ်များ

Daniela 7:20

Ngai gaw de a baw hta tu ai nrung shi a lam mung, hpang e tu lung wa ai nrung hte nrung masum hkrat mat ai lam ni hpe mung chye mayu nngai. Dai ni hta myi ni tu nna, shakawng shakat gumrawng gumtawng ai hte tsun chye ai n-gup langai rawng nga ai. Dai wa mahtang kaga ni hta grau nna hkrit kajawng shangun nga ai.

Daniela 7:7

Ngai mada yu nga yang, mali ngu na matse labye dusat paw pru wa nga ai. Dai gaw n-gun rawng nna hkrit kajawng na zawn san ai nsam hte jahkrit ai nsam rawng nga ai. De a kaba ai hpri wa gaw tsin-yam hkrum sha nga ai ni hpe agrawp daw kau nna kabye anut kau nga ai. Dai gaw kaga matse labye dusat ni hte n bung ai sha, shi hta nrung shi tu nga ai.

Daniela 7:8

Ngai gaw dai nrung ni hpe yu mau nga yang, kaga ni a ka-ang hta nrung kaji tu pru wa nga ai hpe ngai mu nngai. Dai gaw dai yang e nga nga sai nrung masum hpe baw kau nga ai. Ndai nrung hta gumrawng gumtawng ai hte shakawng shakat chye ai masha a myi ni hte n-gup langai rawng nga ai.