Daniela 6:8 - Jinghpaw Common Language Bible 2009

⁸ Dai re ai majaw madu hkawhkam wa gaw galoi mung n galai mat lu ai Medi hte Persi masha ni a tara nga ai hte maren, dai tara hpe n hkan n mai shagrin da nna, ta masat dawk nhtawm htuk shapraw u,” ngu nna tsun ma ai.

Jinghpaw Hanson Version Bible

⁸ Ya, hkawhkam wa e, n galai mat lu ai Medi hte Persi masha ni a htung hte maren, ndai tara hpe shagrin da nna, dai laika hpe amying dazik shakap u,” ngu nna, tsun mu ai.

Daniela 6:8 ပူးပေါင်းရင်းမြစ်များ

ESHTA 1:19

Washti hpe hkawhkam wa a man e galoi mung bai n dawng pru lu nu ga, dai lam hpe Madu hkawhkam ra sharawng ai rai yang, hkawhkam ahkang aya hte ndau dip shabra u; dai gaw galoi mung n galai mat lu u ga, Persi hte Medi a tara ni hta ka da u ga. Dai hpang shi a hkawhkam jan aya hpe grau kaja ai numsha hpe jaw kau na mai nga ai.

ESHTA 3:12

Dai re ai majaw shawng shata a shi masum ya shani e, Haman gaw hkawhkam wa a amu madu ni hpe shaga la nna ndau shabra laika langai ka let ga amyu shagu hku gale la ai hte ka nna up hkang du ni, munggyi ni hte du salang ni yawng hpang de shabra dat mu ai; dai hpe Hkawhkam Ahasuru a mying hte ka shapraw nna shi a lachyawp hte dazik dawk da nga ai.

ESHTA 8:10

Mordehkai gaw Hkawhkam Ahasuru a mying gang nna laika ni hpe ka nhtawm hkawhkam dazik hte dawk la nna hkawhkam gumra lawng na kagat laram ai gumra ni hta jawn ai ni a lata hta laika shagun dat wu ai.

ESHTA 8:3

Shaloi Eshta gaw hkawhkam wa hpe bai shaga na nga, shi a lagaw nhpang e gum dagup let hkrap nga wu ai. Yuda masha ni hpe hkap daw na nga, Agag amyu matu na Haman a n hkru ai maw mawn lam hpe jahkring kau na matu shi hpe hpyi nem wu ai.

ESHTA 8:8

Rai ti mung, hkawhkam wa a mying gang let hkawhkam wa a dazik hte dawk shakap sai ndau laika hpe dawm la kau lu sai n rai; hpa mi rai tim, nan ra sharawng ai hpa lam mi rai rai, Yuda masha ni hpang de ka mai nga myit dai. Nye a mying gang let nan laika ka nhtawm hkawhkam dazik hte dai hpe dawk mai nga myit dai,” ngu nna tsun wu ai.

SHAKAWN KUNGDAWN 94:21

Shanhte gaw kaja ai masha ni hpe n hkru ai hku maw mawn nhtawm, mara n kap ai masha ni hpe si ari jaw nga ma ai.

ESAIA 10:1

Nanhte gaw dingnye hkrum nga myit dai! Nanhte gaw n teng n man ai tara ni hpe galaw shapraw nna nye a amyu masha ni hpe dip gamyet da nga myit dai.

Daniela 5:28

Ga karan mat ai: Na a mungdan gaw ga karan mat nna Medi hte Persi masha ni a lata de ap kau nu ai.”

Daniela 6:12

Daniela hpe mara shagun na matu, shanhte yawng hkawhkam wa hpang de rau sa mat wa ma ai. Shanhte gaw, “Madu hkawhkam e, nang hta kaga karai kaw na mung, masha kaw na mung, nhtoi sumshi ya laman hpa mung hpyi lajin ai wa hpe hkanghkyi ni hte hpring ai nhkun de kabai bang kau ai hkrum na wu ai ngu ai hkang da ai ga hpe dazik dawk da nga nit dai,” ngu nna tsun ma ai. Hkawhkam wa mung, “Rai sa, n galai mat lu ai Medi hte Persi ni a tara gaw laja lana re ai hkang da ai lam rai nga ai,” ngu nna tsun htang wu ai.

Daniela 6:15

Dai hpang dai masha ni gaw hkawhkam wa hpang de nhtang sa wa nna shi hpe, “Hkawhkam wa htuk shapraw dat sai tara gaw Medi hte Persi masha ni a tara ni hte maren, n galai kau mai sai nga ai hpe hkawhkam wa chye nga ndai,” ngu nna tsun ma ai.

MAHTE 24:35

Sumsing lamu hte ginding aga lai mat wa ti mung, nye a ga gaw n lai mat na li ai.