Daniela 6:7 - Jinghpaw Common Language Bible 2009

⁷ Anhte yawng ngu na a hkawseng mungdan hpe up hkang nga ai-reng hkang ai ni, munggyi ni, mung du ni hte kaga du salang ni gaw nang madu hkawhkam wa kaw nna n hkan sa n mai re ai tara langai htuk shapraw ya mi ga, myit hkrum da saga ai. Dai gaw nang madu hkawhkam wa hta kaga karai kaw nna mung, masha kaw nna mung, ndai nhtoi sumshi ya laman, arai lama ma hpyi lajin na ahkang kadai hpe mung n lu jaw na lam hkang da u. Dai hkang da ai ga hpe tawt lai ai wa kadai mung hkanghkyi ni hte hpring nga ai nhkun kata de kabai bang ai hkrum lu na ra ai.

Jinghpaw Hanson Version Bible

⁷ Nang hta kaga, hpara hpe mung, masha hpe mung, nhtoi sumshi ya laman e, akyu hpyi ai wa kadai mung, hkanghkyi nhkun hta jahkrat bang kau ai hkrum u ga, nga nna n galai mat lu ai hkawhkam mungga shapraw na matu, munggyi kaba ni, du ni, munggyi ni, bawmung ni hte hpyen du ni yawng, bawng hkrum saga ai.

Daniela 6:7 ပူးပေါင်းရင်းမြစ်များ

SHAKAWN KUNGDAWN 10:9

Shi gaw hkanghkyi langai zawn lagyim shara hta la nga nhtawm; matsan mayan ni hpe gamu rim la na shi la nga let, shi gaw shi a mahkam hta shanhte hpe rim bang ai hte shanhte hpe tsan tsan de garawt mat wa wu ai.

SHAKAWN KUNGDAWN 2:2

Dai Madu hte shi lata san da ai Hkawhkam wa hpe shanhte a hkawhkam ni gumlau nna, mung du ni mung ninghkap na matu jawm mayun bawng nga ma ai.

SHAKAWN KUNGDAWN 59:3

Yu u! Shanhte gaw ngai hpe sat na matu ala nga ma ai; mazut ai masha ni ngai hpe hkap daw na matu zup hpawng nga ma ai. O Madu e, shanhte gaw shanhte a shara ni hta gasat na matu jin jin rai nga ai lam gaw, ngai galaw shut kau sai shut hpyit lam, shing n rai, yubak a majaw mung n rai, dai sha n ga, nye a mara langai ngai a majaw mung n rai nga ai.

SHAKAWN KUNGDAWN 59:5

Chyahtum Chyalai n-gun rawng ai Madu Karai Kasang e, rawt u, ngai hpe karum la na sa rit; Israela a Karai Kasang e, nang hkum nan yu yu u! Rawt nna maigan masha ni hpe ari jaw u: gumle gumlau sadi n dung ai masha ni hpe matsan dum ai myit hkum madun nga et!

SHAKAWN KUNGDAWN 62:4

Shi hpe shagrau shatsaw da ai shara kaw nna chyu sha nanhte shi hpe gang jahkrat kau mayu nga myit dai, nanhte gaw masu magaw ga tsun na hpe ra sharawng nga myit dai. Shaman ga ni hpe nanhte tsun nga myit ti mung, nanhte shi hpe nanhte a myit masin kata kaw nna dagam dala ga tsun nga myit dai.

SHAKAWN KUNGDAWN 83:5

Shanhte gaw shanhte a yaw shada ai lam hpe jawm myit hkrum da ma ai, nang hpe gumlang na matu, jinghku hpung langai hpe jawm hpaw ninghtan da nga ma ai:

SHAKAWN KUNGDAWN 94:20

N tara ai amu hpe tara shang hkra chye galaw nna, dai zawn re ai gumhpraw marin ai tara agyi ni hte nang hpa mung n seng nga ndai.

Daniela 2:4

Shanhte gaw hkawhkam wa hpe, “Madu hkawhkam gaw htani htana hkrung nga u ga law! Anhte hpe na a yup mang tsun dan mi, anhte nang hpe htai dan na ga ai,” ngu nna Aramik ga hte tsun ma ai.

Daniela 3:11

dai hpe n gum dagup, n nawku ai wa kadai mung grung nga ai wan htung kata de kabai bang kau ai hkrum na rai nga ai, nga nna madu hkawhkam aming htuk shapraw da nga sai.

Daniela 3:2

Dai hpang hkawhkam wa gaw shi a du salang ni yawng ngu na hkawhkam kasha ni, mung du ni, munggyi ni, tara agyi ni, mungdan rap daw tara agyi salang ni hte kaga mungdaw du salang ni yawng sa du shinggyin nga na matu hkang dat wu ai. Shanhte gaw Hkawhkam Nebuhkadneza shadun da ai hkrang sumla ap nawng hpawng de sa hpawng lawm nga ma ai.

Daniela 3:27

Hkawhkam kasha ni, munggyi ni, mung du ni hte kaga du salang ni gaw wan kata e hpa machyi n hkrum nga ai marai masum hpe jawm yu let hpawng nga ma ai. Shanhte a kara singgawng langai mi pyi katip mat ai n rai; shanhte a bu hpun palawng ni hkru mat ai n rai, dai ni hta wan sama pyi n manam nga ai.

Daniela 3:6

N gum dagup ai hte n nawku ai wa kadai mung grung nga ai wan htung de kalang lata kabai bang kau ai hkrum lu na ra ai,” ngu nna jahtau tsun wu ai.

Daniela 6:16

Dai re ai majaw hkawhkam wa mung Daniela hpe rim la na matu ahkang jaw dat wu ai; shi gaw hkanghkyi ni hte hpring nga ai nhkun de kabai bang ai hkrum nga nu ai. Shi gaw Daniela hpe, “Nang grai sadi dung let daw jau nga ai na a Karai Kasang gaw nang hpe hkye mawai la u ga law,” ngu nna tsun wu ai.

Daniela 6:22

Karai Kasang gaw hkanghkyi ni a n-gup ni hpe pat kau ya na matu shi a lamu kasa hpe shangun dat wu ai rai nna, ngai hpe machyi shangun lu ai n rai. Madu hkawhkam wa e, ngai gaw hpa mara n kap nga ai hte nang hpe mung n shut kau nngai gaw shi chye nga ai majaw ndai amu hpe shi galaw wu ai,” ngu nna htan wu ai.

MIHKA 6:5

Nye a amyu masha ni e, Moba Hkawhkam Balak gara hku hpaji daw ai lam hte Beora a kasha Balam shi hpe gara hku htan ai ga dum nga u. Akasia dabang kaw nna Gilgala dabang lapran na hkrun lam hta byin lai wa sai lam ni hpe dum u. Nang gaw ndai lam ni hpe dum nna nang hpe hkye hkrang la na matu ngai galaw lai wa sai amu ni hpe nang bai chye wa lu na ndai,” nga nna tsun ai.

NAHUM 2:12

Hkanghkyi la gaw shi a manang jan hte shi a kasha ni a matu shi a lamyin hte adaw atang di gang amya sat yu nu ai; shi gaw shi a lawng hta ashep je da ai ashan hte jahpring da nga ai.

MAHTE 12:14

Hparishe ni chyawm gaw tara jawng na pru mat wa nna, shi hpe kaning di sat kau lu na lam bawng nga ma ai.

MAHTE 26:4

Yesu hpe kadai n chye ai sha rim la na hte sat kau lu na lam bawng ban lajang nga ma ai.

MARKU 15:1

Jahpawt manap jau jau e, hkinjawng agyi ni gaw, agyi salang ni, tara sara ni hte dai salang kongsi hpawng ting gaw grai tin ai hku bawng jahkrup la nna, Yesu hpe gyit nhtawm, dun mat wa nna, Pilat kaw ap ya mu ai.

YAWHAN 12:10

Dai majaw hkinjawng agyi ni gaw Lazaru hpe mung sat kau na nga nna maw mawn nga ma ai.