Daniela 6:3 - Jinghpaw Common Language Bible 2009

³ Kade n na yang, Daniela gaw kaga reng hkang ai marai lahkawng hte munggyi ni hta grau mai kaja ai amu bungli galaw lu wu ai hpe madun dan nga ai. Shi gaw grai laklai ai myit nyan hpaji chye ai wa rai nna hkawhkam wa mung hkawseng mungdan ting hpe woi hpareng na matu shi hpe san da na myit da nga wu ai.

Jinghpaw Hanson Version Bible

³ Ndai Daniela hta nyan kaja rawng ai majaw, shi gaw munggyi kaba ni hte kaga munggyi ni hta ningtawn ningla rai nga nna, shi hpe mungdan ting a ntsa e tawn da na, hkawhkam wa myit ra nga ai.

Daniela 6:3 ပူးပေါင်းရင်းမြစ်များ

EZRA 4:22

Nye a akyu loi mi mung n mai machyi hkra nga ai majaw dai amu hpe alawan galaw mu.”

NEHEMIA 7:2

Ngai gaw Yerusalem mare hpe up hkang hpareng na masha lahkawng san da nngai; shan gaw ngai nau Hanani hte hpyen dap hpe up hkang nga ai Hanania yan rai nga ai. Hanania gaw kam hpa mai ai hte Karai Kasang hpe grau nna hkrit kamyin ai wa rai nga ai.

ESHTA 10:3

Yuda masha Mordehkai gaw Hkawhkam Ahasuru a lawu hprut arawng aya hkam la lu ai wa rai nna shagrau sha-a hkrum ai hte shi a Yuda manaw manang ni shi hpe grai yu sharawng nga ma ai. Shi gaw shi a amyu masha ni a matu ngamu ngamai lam hte shanhte a amyu matu ni yawng a shim lam hpe galaw ya nga ai.

GA SHAGAWP 17:27

Tinang kadai rai nga ai hpe chye na ai wa gaw aten shagu hta ga n shaga nga ai; atsin sha nga ai wa gaw myit kraw hpaji hpe teng teng lu la nga ai.

GA SHAGAWP 22:29

Bungli galaw kangka ai masha ngai hpe madun dan e; shaloi, hkawhkam ni a manang tai ging ai hte kaga ni law law hta kaja htum ai wa hpe nang hpe madun na nngai.

HPAJI NINGLI 2:13

Oh, “Nhtoi gaw nsin hta grau kaja nga ai zawn, hpaji byeng-ya gaw angawk angak re ai hta grau kaja nga ai hpe ngai chye nngai.

Daniela 5:12

Shi gaw laklai ai atsam marai hte hpaji rawng ai wa rai nna, yup mang lachyum htai ya ai lam hta kung kyang ai, gumwai ga ni hpe chye hpyan ai hte makoi magap da ai amu ni hpe lachyum chye shapraw nga ai majaw Belteshaza ngu nna hkawhkam wa shamying ya ai dai Daniela gaw ndai lachyum yawng mayawng nang hpe tsun dan na ra ai,” ngu nna tsun wu ai.

Daniela 5:14

Nang hta chyoi pra ai karai ni a wenyi rawng nna chye chyang ai nyan hte hpaji byeng-ya kung kyang nga ndai hpe ngai na se ai.

Daniela 5:7

Shi gaw gumhpan hpan ai ni, hpyi lamum sara ni hte jan shata shagan yu ai ni hpe jashawn la na matu marai langai ngai hpe jahtau tsun wu ai. Shanhte du shang wa ai shaloi, hkawhkam wa gaw shanhte hpe, “Ya ndai ka da ai lam hte de a lachyum htai dan lu ai wa kadai hpe mung shaba pu nsam rawng ai hkawhkam wa a palawng galu hpun lu nna shi a du grup grup hta shagrau sha-a ai ja kachyi gali lu nhtawm ndai mungdan hta masum ngu na daru magam n-gun rawng htum ai wa tai lu na rai nga ai,” ngu nna tsun wu ai.

Daniela 9:23

Nang Karai Kasang kaw hpyi nem hpang wa ai shaloi, shi nang hpe htan ya nga ai. Shi nang hpe tsaw ra nga ai, dai rai nna ngai gaw dai mahtai nang hpe sa tsun dan nngai. Ya chyawm gaw ngai shingran tsun shaleng nga yang, myit maju jung nga u.