Daniela 6:22 - Jinghpaw Common Language Bible 2009

²² Karai Kasang gaw hkanghkyi ni a n-gup ni hpe pat kau ya na matu shi a lamu kasa hpe shangun dat wu ai rai nna, ngai hpe machyi shangun lu ai n rai. Madu hkawhkam wa e, ngai gaw hpa mara n kap nga ai hte nang hpe mung n shut kau nngai gaw shi chye nga ai majaw ndai amu hpe shi galaw wu ai,” ngu nna htan wu ai.

Jinghpaw Hanson Version Bible

²² Nye a Karai Kasang gaw, shi a lamu kasa shangun nna, hkanghkyi ni a n-gup pat kau ya ai hte, ngai hkala nba n hkrum nngai: kaning rai nme law, shi a man e ngai san seng nga nngai; na a man e mung, hkawhkam wa e, ngai hpa n shut nngai,” ngu nna hkawhkam wa hpe htan wu ai.

Daniela 6:22 ပူးပေါင်းရင်းမြစ်များ

NINGPAWT NINGHPANG 40:15

Ngai gaw Hebre masha ni a mung kaw nna shagyeng rim woi la hkrum ai wa rai nga nngai. Ya ndai Egutu mung hta mung htawng e rim bang da hkrum na daram kaba ai ari hte ging dan ai amu hpa hpe mung n galaw shut kau yu nngai,” ngu nna tsun dan wu ai.

2 SAMUELA 22:7

Ngai ru tsang hkrum ai shaloi, dai Madu hpe ngai shaga nngai; karum la na matu nye a Karai Kasang hpe ngai shaga nngai. Shi a htingnu hta nye a nsen hpe shi na wu ai rai nna, karum la na matu nye a hpyi jahtau ai ga hpe shi madat ya nga sai.

1 HKAWHKAM 13:28

Shi jawn mat wa yang, nmaw lam ntsa e myihtoi wa a moi mang taw nga ai hpe, de a makau e lawze hte hkanghkyi tsap nga ai hpe mung sa mu wu ai. Dai hkanghkyi chyawm gaw moi mang mung n sha, lawze hpe mung n amya rai nga la ai.

2 HKAWHKAM LABAU 32:21

Dai Madu gaw lamu kasa langai mi hpe shangun dat nhtawm hpyenla ni hte Asuri hpyen luksuk a du salang ni hpe sat kau wu ai. Dai rai nna hkawseng wa gaw myi man sum let Asuri mung de nhtang mat wa wu ai. Lani mi na aten hta shi a karai a nawku shara hta nga nga yang, shi a kasha nkau mi mahtang shanhte a nhtu ni hte shi hpe sat kau ma ai.

SHAKAWN KUNGDAWN 118:28

Nang gaw nye a Karai Kasang rai nga ndai ngai nang hpe chyeju shakawn nga na nngai; na a galu kaba ai lam hpe ngai htawn tsun nga na nngai.

SHAKAWN KUNGDAWN 26:6

Madu e, ngai mara n kap nga nngai hpe madun lu na matu, nye a lata hpe ngai kashin nngai; nawku daw jau na matu na a tawn hkungri hpe shinggrup hkawm nngai.

SHAKAWN KUNGDAWN 31:14

Rai ti mung, O Madu e, nye a kam hpa ai gaw nang hta nga nga li ai; Nang gaw nye a Karai Kasang rai nga ndai.

SHAKAWN KUNGDAWN 34:7

Madu hpe shagrau sha-a ai ni hpe shi a lamu kasa ni bau sin nga ma ai; hkrithpa shara kaw na mung, shanhte hpe mawai la nga ai.

SHAKAWN KUNGDAWN 38:21

Madu e, ngai hpe hkum kau da et; nye a Karai Kasang e, ngai hte tsan tsan hkum nga et.

SHAKAWN KUNGDAWN 84:11

Madu gaw anhte hpe makawp maga ai wa hte hpung shingkang hte hpring ai hkawhkam wa rai nna; matsan dum ai myit hte arawng sadang anhte hpe shaman ya nga ai. Shi gaw teng man ai amu galaw ai ni hpe mai kaja ai lam hpa hpe mung jaw ya na, ningdang ai n rai.

ESAIA 3:10

Ding hpring ai wa gaw a lu na ra ai, arai shagu shanhte a matu mai kaja na ra ai. Shanhte gaw shanhte galaw ai amu a majaw kabu gara na mara ai.

ESAIA 63:9

shanhte hkam sha ai nni nkri yawng kaw na hkye hkrang la nga ai. Dai gaw lamu kasa galaw ai n rai, rai ti mung dai Madu shi nan shanhte hpe hkye la nu ai. Shi a tsaw ra myit hte matsan dum la ai myit a jaw e, shi shanhte hpe hkye mawai la nga sai. Shi gaw lai sai aten ni hta shanhte hpe galoi mung lanu lahku lai wa nu ai,

YEREMIA 37:18

Dai hpang, ngai gaw, “Nang ngai hpe htawng hta sharen da shangun na daram, nang hpe mung, na a du salang ni hte amyu masha ni hpe mung, ngai hpa baw ru hka amu galaw shut sata?

Daniela 3:28

Hkawhkam wa gaw, “Shadrak, Meshak hte Abednego hte a Karai Kasang hpe shakawn kungdawn mu! Shi gaw shi a lamu kasa hpe shangun dat nna shi hpe daw jau kamhpa nga ai ndai marai masum hpe hkye mawai la nu ai. Shanhte gaw nye a hkang da ai ga hpe n madat ai sha, shanhte a Karai Kasang hta kaga karai shaje kadai hpe mung n gum dagup ai hte n nawku na matu asak dan hkra galaw ma ai.

Daniela 6:20

Shi gaw dai shara de du jang, myit tsang ai hte, “Ja e, ahkrung nga ai Karai Kasang a shangun ma Daniela e! Nang sadi grai dung let daw jau ai Karai Kasang gaw hkanghkyi ni kaw na hkye hkrang la lu nga a ni?,” ngu nna jahtau tsun wu ai.

Daniela 6:23

Hkawhkam wa gaw nachying kabu ai hte Daniela hpe nhkun kaw na gang shaw la na matu hkang dat wu ai. Shanhte gang shaw la ngut ai shaloi, Karai Kasang hpe shi kamhpa ai a jaw e, shi hta kachyi mi pyi n machyi hkrum nga ai hpe mu mada nga ma ai.

Daniela 6:4

Dai hpang kaga reng hkang ai yan hte munggyi ni gaw mungdan ting hpe up hkang nga ai Daniela hta shut ai mara lama mi mu tam lu hkra nga shakut ma ai, rai ti mung Daniela gaw kamhpa mai ai hte myit magaw let galaw shut kau ai amu hpa mung n nga nga ai majaw mara n mu tam ma ai.

Daniela 6:7

Anhte yawng ngu na a hkawseng mungdan hpe up hkang nga ai-reng hkang ai ni, munggyi ni, mung du ni hte kaga du salang ni gaw nang madu hkawhkam wa kaw nna n hkan sa n mai re ai tara langai htuk shapraw ya mi ga, myit hkrum da saga ai. Dai gaw nang madu hkawhkam wa hta kaga karai kaw nna mung, masha kaw nna mung, ndai nhtoi sumshi ya laman, arai lama ma hpyi lajin na ahkang kadai hpe mung n lu jaw na lam hkang da u. Dai hkang da ai ga hpe tawt lai ai wa kadai mung hkanghkyi ni hte hpring nga ai nhkun kata de kabai bang ai hkrum lu na ra ai.

MIHKA 7:7

Rai ti mung ngai gaw dai Madu hpe azi yu nga na nngai; ngai hpe hkye hkrang la ai Karai Kasang hpe kamhpa ai hte ngai ala nga na nngai. Nye a Karai Kasang gaw nye a ga madat ya na ra ai.

BU HKAWM 20:16

anhte hpe karum la na matu dai Madu hpe jahtau ga yang, anhte a jahtau ga hpe na ya wu ai rai nna anhte hpe Egutu mung kaw nna woi wa na matu lamu kasa shangun dat ya mi ai. Ya chyawm gaw na a lamu ga jarit na Kadesha hta e anhte nga nga saga ai.

MAHTE 27:46

Shana de hkying masum daram hta Yesu gaw nsen kaba hte “Elo-i Elo-i lema sabak htani,” nga nna jahtau ai. De a lachyum gaw, “Nye a Karai Wa e, nye a Karai Wa e, hpa rai nang ngai hpe kau da nga n ta?,” nga ai rai lu ai.

KASA 12:11

Ya Petru gaw shi hta hpa baw byin wa sai lam myit dum arai la lu jang, “Madu gaw shi a Lamu kasa hpe shangun dat nna Herod a lata na mung Yuda masha ni ngai hpe katut sha shangun na myit mada nga ma ai kaw na mung, ngai hpe shaw mawai la sai teng nga ai gaw ya ngai chye se ai,” nga nna tsun ai.

KASA 24:16

Dai rai nna ngai gaw Karai Kasang a man e mung, masha a man e mung, ra n rawng ai sha tut nawng htauli htaula myit san pra nga lu hkra atsam htum hkra a shaja nga nngai.

KASA 27:23

Hpa majaw nga yang ngai hpe up ai, ngai nawku daw jau ai Karai Kasang a lamu kasa langai mi mana e nye a makau e sa tsap nna,

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

2 TIMOHTI 4:17

Rai ti mung Madu gaw ngai hte rau nga nna ngai hpe n-gun lagaw shaja ya nga ai majaw ngai gaw maigan amyu masha ni yawng na lu hkra dai Kabu Gara Shiga hpe hkum hkum tsup tsup hkaw dan lu u ga, sat kau na daw dan hkrum ai kaw na mawai la ai hkrum ni ai.

HEBRE 1:14

Dai rai yang gaw, lamu kasa ni gaw kadai ni rai nga ma ta? Shanhte gaw hkye hkrang la ai sali wunli hkam la na ni hpe karum na matu Karai Kasang e shangun dat hkrum ai hte Karai Kasang hpe daw jau nga ai wenyi ni rai ma ai.

HEBRE 11:33

Dai ni gaw kam sham ai hte masha mungdan ni hpe gasat nna dang kau lu ma ai, Shanhte gaw ding hpring ai lam hpe hkan sa galaw nna Karai Kasang ga sadi jaw da ai lam hpe hkam la ma ai. Hkanghkyi ni a n-gup ni hpe pat kau lu ma ai.

1 SAMUELA 17:37

Dai Madu gaw ngai hpe hkanghkyi ni hte tsap ni a lata kaw na mung hkye la ni ai; ya ndai Hpilisti masha wa a lata kaw na mung ngai hpe hkye la na ra ai,” ngu nna tsun wu ai. Shaloi Shawlu gaw, “Mai sa, dai rai yang gaw sa su, Dai Madu gaw nang hte rau a nga nga u ga law,” ngu nna htan wu ai.

1 SAMUELA 26:18

Dawi gaw, “Madu e, na a shangun ma wa hpe nang hpa majaw naw hkan shachyut nga n ta? Ngai hpa baw amu galaw shut kau nga a ni? Ngai hpa baw ru hka amu shut kau nga a ni?