Daniela 6:18 - Jinghpaw Common Language Bible 2009

¹⁸ Dai hpang hkawhkam wa gaw shi a hkawhkam htingnu de nhtang mat wa nna, lana mi n lu yup ai sha nga shalai kau wu ai; shat lusha mung n sha, shangwi shapyaw ai lam hpa mung n hkam la nga wu ai.

Jinghpaw Hanson Version Bible

¹⁸ Dai hpang hkawhkam wa gaw shi a htingnu de wa mat nna, shana tup shat n sha nga ai: sumpyi dum ai baw mung, shi hpang de n jashawn wu ai: yup mung n lu sha nga ai.

Daniela 6:18 ပူးပေါင်းရင်းမြစ်များ

2 SAMUELA 19:24

Dai hpang Shawlu a kashu Mehpiboshet mung hkawhkam wa hpe tau la na nga yu sa wa ai. Shi gaw hkawhkam wa Yerusalem mare kaw nna pru mat wa ai aten kaw nna awng padang hte bai nhtang wa ai aten du hkra, lagaw n shin, nhka mun n ahkut, hpun palawng n hkrut ai sha nga nga wu ai.

1 HKAWHKAM 21:27

Elia ga tsun ngut jang, Ahab gaw shi a hpun palawng ni hpe gang je kau nhtawm dai ni hpe raw kau nna lachyit sumpan hpun da wu ai. Shat lusha n sha ai sha, lachyit sumpan ntsa e yup taw nga wu ai; myit htum let mung yawn hkawm nga ai.

ESHTA 6:1

Hkawhkam wa gaw dai shana e n lu yup ai rai nna mungdan e tara shang labau gawn ka matsing da ai ni la shapraw nhtawm shi hpe hti dan na hkang da wu ai.

YOBA 21:12

shupsheng hte tingse dum let mahkawn mangoi nna ka manawt ma ai.

SHAKAWN KUNGDAWN 137:2

Dai makau mayang hkan tu nga ai u byap hpun ni hta anhte a tingse ni hpe noi da nga ga ai.

SHAKAWN KUNGDAWN 77:4

Shi ngai hpe shana tup jasu tawn ai; ngai nau wa myit tsang ai majaw, aga pyi n lu shaga nga nngai.

HPAJI NINGLI 2:8

Ngai up ai mungdan a hkawhkam sut rai ni hta na aja, gumhpraw hpe mung sumpum da nngai. Numsha lasha ni gaw ngai hpe shapyaw ya na matu mahkawn mangoi ma ai. Lasha langai yu ra lu ai numsha ni yawng mung ngai lu nngai.

SHARUNG SHAYAWT 3:53

Shanhte gaw ngai hpe nhkun kata de chyahkrung kabai bang nna nhkun mahka hpe nlung hte pat da ma ai.

Daniela 10:3

Ngai chyawm gaw bat masum lai mat wa hkra, mu mai ai lusha hte ashan hpa mung n sha, sabyi ntsin n lu ai hte kara n masit nngai.

Daniela 2:1

Nebuhkadneza hkaw dung ai lahkawng ning hta, shi yup mang mu wu ai. Dai gaw shi hpe grai wa myit sharu shatsang ya nga ai majaw shi n lu yup nga ai,

Daniela 6:19

Ya hkawhkam wa gaw jahpawt jau jau e rawt nna nhkun de tin tin sa mat wa wu ai.

SHINGRAN 18:22

Nang hta tingse nsen, mahkawn yu ngwi nsen, sumpyi dum ai ni hte pahke dum ai ni a nsen, htawm hpang galoi mung bai na lu sana n rai. Hpaji maka hte hpaga yumga galaw sha ai masha nang hta htawm hpang galoi mung paw pru lu na n rai, htumrin rin ai nsen mung, nang hta htawm hpang galoi mung na lu sana n rai.