Daniela 6:14 - Jinghpaw Common Language Bible 2009

¹⁴ Hkawhkam wa dai ga na jang, grai myit n pyaw mat ai hte Daniela hpe hkye mawai la na matu kaja htum ai lam tam galaw yu wu ai. Shi gaw jan shang wa ai aten du hkra ginjang tam shakut nga ai.

Jinghpaw Hanson Version Bible

¹⁴ Hkawhkam wa gaw dai ga na jang, myit grai n pyaw nna, Daniela hpe kaning di mawai la lu na, myit sumru yu ai hte, jan shang ai du hkra shi hpe shalawt dat lu na ginshan tam shakut nga ai.

Daniela 6:14 ပူးပေါင်းရင်းမြစ်များ

ESHTA 3:8

Dai rai nna Haman gaw hkawhkam wa hpe, “Na a hkawseng mungdan na mungdaw shagu hkan amyu baw langai hkran nga ai hpe mu nngai. Shanhte gaw kaga masha ni kadai hte mung n bung ai htung lailen ni hkan nga ma ai. Dai hta grau nna shanhte gaw hkawseng mungdan na tara ni hpe n madat nga ma ai majaw shanhte hpe yu hkam sharang nna mung nang hta hpa akyu mi n hkam la lu na ndai.

Daniela 1:6

Dai ni hta na lata la hkrum ai ni gaw Daniela, Hanania, Mishaela hte Azaria hte rai ma ai. Dai ni yawng gaw Yuda amyu bawsang kaw na hkrai rai ma ai.

Daniela 3:12

Babelon mungdaw hpe woi hpareng na matu nang san da ai Shadrak, Meshak hte Abednego ngu ai Yuda masha nkau mi chyawm gaw madu a hkang da ai ga ni hpe n madat nga ma ai. Shanhte gaw na a karai hpe n nawku ai hte nang shadun da ai hkrang sumla hpe n gum dagup nga ma ai,” ngu nna tsun ma ai.

Daniela 3:13

Dai aten, hkawhkam wa gaw masin pawt nna, dai marai masum hpe shi a man de woi wa na matu hkang dat wu ai.

MARKU 6:26

Hkawhkam wa chyawm gaw, ja ja myit yawn nga timung, rau dung rau hpawng nga ai manam ni a man e shi dagam tsun kau ai ga ni a majaw numsha hpe shi n ningdang kau lu wu ai.