Daniela 6:13 - Jinghpaw Common Language Bible 2009

¹³ Dai hpang shanhte gaw hkawhkam wa hpe, “Yuda mung na bawng dung masha langai rai nga ai Daniela gaw madu hkawhkam hpe hkrit hkungga ai n rai; nang hkang da ai ga hpe madat ai n rai. Shi gaw lani mi hta masum lang man man akyu hpyi nga wu ai,” ngu nna tsun ma ai.

Jinghpaw Hanson Version Bible

¹³ Dai rai nna shanhte gaw, “Hkawhkam wa e, bawng dung ai Yuda kashu kasha ni hta lawm ai, ndai Daniela gaw, nang hpe mung, nang amying dazik shakap ai tara hpe mung, hpa n nawn nna, lani mi hta masum lang lang, akyu hpyi nga ai,” ngu nna hkawhkam wa hpe tsun mu ai.

Daniela 6:13 ပူးပေါင်းရင်းမြစ်များ

ESHTA 3:8

Dai rai nna Haman gaw hkawhkam wa hpe, “Na a hkawseng mungdan na mungdaw shagu hkan amyu baw langai hkran nga ai hpe mu nngai. Shanhte gaw kaga masha ni kadai hte mung n bung ai htung lailen ni hkan nga ma ai. Dai hta grau nna shanhte gaw hkawseng mungdan na tara ni hpe n madat nga ma ai majaw shanhte hpe yu hkam sharang nna mung nang hta hpa akyu mi n hkam la lu na ndai.

Daniela 1:6

Dai ni hta na lata la hkrum ai ni gaw Daniela, Hanania, Mishaela hte Azaria hte rai ma ai. Dai ni yawng gaw Yuda amyu bawsang kaw na hkrai rai ma ai.

Daniela 2:25

Ariok mung Daniela hpe Nebuhkadneza a man de kalang lata woi shang wa nhtawm hkawhkam wa hpe, “Madu hkawhkam mu ai yup mang a lachyum hpe htai dan lu ai Yuda bawng dung masha langai mi hpe ngai mu se ai,” ngu nna tsun wu ai.

Daniela 3:11

dai hpe n gum dagup, n nawku ai wa kadai mung grung nga ai wan htung kata de kabai bang kau ai hkrum na rai nga ai, nga nna madu hkawhkam aming htuk shapraw da nga sai.

Daniela 3:12

Babelon mungdaw hpe woi hpareng na matu nang san da ai Shadrak, Meshak hte Abednego ngu ai Yuda masha nkau mi chyawm gaw madu a hkang da ai ga ni hpe n madat nga ma ai. Shanhte gaw na a karai hpe n nawku ai hte nang shadun da ai hkrang sumla hpe n gum dagup nga ma ai,” ngu nna tsun ma ai.

Daniela 3:8

Dai hpang Babelon masha nkau mi gaw Yuda masha ni hpe jahpoi jahpyak na matu ahkaw ahkang la bang wa nga ma ai.

Daniela 5:13

Daniela gaw hkawhkam wa a man de kalang lata jashawn la hkrum ai hte hkawhkam wa gaw shi hpe, “Nang gaw nye wa hkawhkam wa e Yuda mung kaw nna ndai ga de woi wa ai Yuda bawng masha Daniela rai nga a ni?

KASA 17:7

Shanhte mahkra Yesu ngu ai Hkawhkam kaga langai mi naw nga ai, nga nna tsun ma ai majaw Hkawseng Kehta a tara hte nhtan shai tawt lai ai ni rai nga ma ai,” nga nna jahtau tsun ma ai.

KASA 5:29

Petru hte kaga kasa ni gaw, “Anhte gaw masha a ga madat na hta Karai Kasang a ga hpe mahtang madat lu na ga ai.