Daniela 6:10 - Jinghpaw Common Language Bible 2009

¹⁰ Dai zawn hkang da ai hta dazik shakap da sai hpe Daniela chye jang, nta de wa mat wa wu ai. Ya shi a nta ntsa gawk hta Yerusalem mare maga de man yawng nna hpaw da ai hkuwawt chyinghka ni nga nga ai. Dai yang e, shi galoi mung galaw nga ai hte maren, hpaw da ai hkuwawt chyinghka ni hta hput di let lani mi masum lang Karai Kasang kaw akyu hpyi nga ai.

Jinghpaw Hanson Version Bible

¹⁰ Dai laika hta amying dazik shakap nga ai hpe, Daniela chye jang, shi gaw shi a nta de shang wa sai; ya, shi a gawk hkuwawt chyinghka ni gaw, Yerusalem mare de ang nna hpaw nga ai: shing rai shi gaw shawoi galaw ai hte maren, lani mi hta masum lang lang, lahput hput di let akyu hpyi nna, shi a Karai Kasang hpe shakawn kungdawn nga ai.

Daniela 6:10 ပူးပေါင်းရင်းမြစ်များ

1 HKAWHKAM 8:30

Nye a akyu hpyi ga ni hpe mung, ndai shara de myi man yawng nna hpyi ai na a amyu masha ni a akyu hpyi ga ni hpe mung na ya e. Sumsing lamu na na a nta hta anhte a akyu hpyi ga hpe madat ya nna anhte hpe mara dat ya mi law.

1 HKAWHKAM 8:38

ana ahkya hte machyi makaw shanhte hta hkrum sha yang, shanhte a akyu hpyi ga ni hpe madat mara ya u. Na a amyu masha Israela hta na kadai rai ti mung tinang a yawn hkyen ai myit hpe shapraw let ndai Nawku Htingnu de shanhte a lata sharawt nna akyu hpyi ai rai yang,

1 HKAWHKAM 8:44

“Shanhte a gumlau hpyen ni hpang de rawt sa na matu na a amyu masha ni hpe nang hkang dat ai hte nang lata san da sai ndai mare de man yawng let, na a matu ngu nna ngai gap da sai ndai Nawku Htingnu de shanhte nga ai shara kaw nna nang hpe akyu hpyi ma ai rai yang,

1 HKAWHKAM 8:54

Shawlumon gaw dai Madu hpe akyu hpyi ngut jang, tawn hkungri man e lahput hput di ai kaw na lata ladawn let rawt tsap wu ai.

2 HKAWHKAM LABAU 6:13

(Shawlumon gaw magri mang pinra langai galaw nhtawm dai hpe wang ka-ang e tawn da wu ai; dai gaw man mali bung nna galu maga de pe matsat, tsaw maga de pe manga rai nga ai. Dai pinra de shi lung nna masha shagu shi hpe mu lu ai shara hta lahput hput di let sumsing lamu de shi a lata sharawt da wu ai.)

2 HKAWHKAM LABAU 6:38

Shanhte gaw dai mungdan e teng teng myit masin kraw lawang asan sha hte myit malai lu wa nhtawm anhte a kaji kawa ni hpe nang jaw da sai ndai mungdan de myi man yawng let nang lata san da sai ndai mare hte na a matu ngu nna ngai gap da ya se ai ndai Nawku Htingnu de nang hpe akyu hpyi ma ai shaloi,

EZRA 9:5

Ya, shana de na shagu hkungga nawng jau na aten du jang, ngai yawn hkyen nga ai shara kaw nna rawt nhtawm, gang je kau sai hpun palawng ni hpe bu hpun ai hte lahput hput di let, dai Madu nye a Karai Kasang hpang de lata ladawn nna akyu hpyi nngai.

NEHEMIA 6:11

Ngai gaw, “Ngai gaw dai zawn hprawng makoi ai baw masha n rai nngai. Nye a asak hpe Nawku Htingnu kata hta makoi let hkye mawai la shakut na zawn nang myit nawn da wu ni? Ngai gaw dai zawn n galaw na nngai,” ngu nna htan wu ai.

SHAKAWN KUNGDAWN 34:1

Ngai gaw dai Madu hpe tut nawng chyeju dum nga na nngai; shi hpe shakawn ai lam, ngai galoi mung jahkring kau na nngai n rai.

SHAKAWN KUNGDAWN 5:7

Rai ti mung, na a galu kaba ai tsaw ra myit a majaw ngai na a nta de sa lu nngai; na a chyoi pra ai Nawku Htingnu hta ngai nawku lu nna nang hpe hkrit hkungga ai hte dingnyawm lu nga nngai.

SHAKAWN KUNGDAWN 55:17

Jahpawt manap, shani ka-ang hte shana na aten ni hta, nye a hpyi aput ai hte madai ai nsen gaw shi kaw hkrang lung wa ai; shi gaw nye a nsen hpe na ya na ra ai.

SHAKAWN KUNGDAWN 86:3

Nang gaw nye a Karai Kasang rai nga ndai majaw, ngai hpe matsan dum la e; ngai shani tup, nang kaw akyu hpyi nga nngai.

SHAKAWN KUNGDAWN 95:6

Sa marit, anhte shi hpe dingnyawm ai hte nawku daw jau ga; anhte a Madu Hpan Wa Ningsang Wa a man e, lahput hput di ga.

Daniela 6:13

Dai hpang shanhte gaw hkawhkam wa hpe, “Yuda mung na bawng dung masha langai rai nga ai Daniela gaw madu hkawhkam hpe hkrit hkungga ai n rai; nang hkang da ai ga hpe madat ai n rai. Shi gaw lani mi hta masum lang man man akyu hpyi nga wu ai,” ngu nna tsun ma ai.

Daniela 9:4

Ngai gaw dai Madu nye a Karai Kasang hpe akyu hpyi let nye a amyu masha ni a yubak mara ni hpe yin la nga nngai. Ngai gaw, “Madu Karai Kasang e, nang gaw galu kaba nga ndai majaw anhte nang hpe shagrau sha-a ga ai. Nang gaw na a ga shaka hta sadi dung nga ndai rai nna nang hpe tsaw ra ai ni hpe dinggrin tsaw ra myit madun dan nna nang hkang da ai hte maren hkan galaw nga ndai.

YONA 2:4

Ngai gaw na a man kaw na shaden kau hkrum ni ai majaw na a chyoi pra ai Nawku Htingnu hpe galoi mung bai n mu lu na sai ngu ngai myit nawn kau nngai.

MARKU 3:3

Yesu gaw dai masha hpe, “Shawa hpawng a man de sa pru tsap rit,” ngu nna tsun wu ai.

LUKA 14:26

“Ngai hpang de sa ai wa kadai rai ti mung, tinang a kanu kawa, tinang a madu jan kasha ni hte tinang hkum nan hpe tsaw ra ai hta ngai hpe grau tsaw ra ai wa sha n rai yang gaw, nye a sape n tai lu ai.

LUKA 22:41

Dai hpang shi gaw, sape ni nga ai kaw nna nlung kabai hkap daram gang hkra sa nhtawm, lahput hput di let,

KASA 10:9

Hpang shani, shanhte lam e sa wa nna Yopa mare de ni wa magang yang, Petru gaw shani ka-ang daram hta akyu hpyi na nga, nta ntsa de lung wa ai.

KASA 2:15

Nanhte zawn nawn ai hku ndai ni sabyi nang nga ma ai n rai. Hpa majaw nga yang ya e jahpawt hkying jahku sha naw rai nga ai.

KASA 20:24

Rai ti mung nye a matu masat da ai amu lit hpe mung Madu Yesu ngai e ap ya da ai magam amu hpe mung, tsep kawp ngut kre hkra gun na lam chyu sha ahkyak madung rai nga ai majaw ngai gaw nye a asak hpe pyi lahpawt nngai n rai. Dai Madu ap ya da ai magam amu ngu ai gaw Karai Kasang a chyeju Kabu Gara Shiga hpe hkaw tsun sakse hkam na lam nan rai nga ai.

KASA 20:36

Shing nga tsun ngut jang, shi lahput hput di nna shanhte mahkra hte rau akyu hpyi nga ai.

KASA 21:5

Nhtoi sanit ya lai jang, anhte bai pru wa ga ai. Shanhte mung madu jan kasha ni hte rau mare shinggan du hkra hkan sa dat ma ai rai nna, hka kau e hput di let, akyu hpyi ga ai.

KASA 3:1

Lani mi na Petru hte Yawhan gaw akyu hpyi ai ten shana de hkying masum hta Nawku Htingnu de lung wa ma ai.

KASA 4:29

Madu e ya yang shanhte a jahkrit shama ahkrim ai lam ni hpe mu mada ya mi, Madu a shangun ma ni hpe nden ja ai myit hte tsun dan lu hkra karum ya mi law.

KASA 5:20

“Nanhte pru wa nna Nawku Htingnu e wa tsap let, ndai asak hkrung ai lam ningnan hte seng ai ga yawng mayawng shawa masha ni hpe tsun dan mu,” ngu dat wu ai.

KASA 5:29

Petru hte kaga kasa ni gaw, “Anhte gaw masha a ga madat na hta Karai Kasang a ga hpe mahtang madat lu na ga ai.

KASA 7:60

Bai hput di let, “Madu e ndai mara shanhte hpe hkum shagun ya et,” nga nna nsen kaba hte jahtau wu ai, dai tsun ngut jang shi nsa hti mat ai.

KASA 9:40

Petru chyawm gaw shanhte yawng hpe gawk kaw nna shapraw kau nhtawm hput di let kyu hpyi nga ai. Dai hpang dai mang maga de kayin nna, “Tabihta e rawt u!,” ngu wu ai. Tabihta mung myi hpaw nna Petru hpe mu jang, rawt dung nga ai.

EHPESU 3:14

Ndai lam a majaw sumsing lamu hte ginding aga ntsa e nga ai nta dinghku shagu a teng man ai npawt daju rai nga ai

HPILIPI 1:14

Dai hta kaga, ngai bawng dung ai a marang e hpu nau ni malawng maga gaw dai Madu hta makam masham myit nden grau nna rawt wa ai hte Karai Kasang a mungga hpe n hkrit n kang ai sha tsun dan na, grau nna gwi wa ma ai.

HPILIPI 1:20

Ngai gaw galoi mung nye a lit hpe n hprai ai sha, aten shagu hta rai ti mung, grau nna ya e rai ti mung, magrau grang ai atsam marai hte hpring tsup let, ngai hkrung ti mung, si ti mung nye a asak hkrung lam ting hta Hkristu a hpung shingkang dan hkung shangun na gaw nye a ra sharawng dik ai lam hte myit mada ai lam rai nga li ai.

HPILIPI 4:6

Hpa lam hta mung myit hkum ru hkum tsang nga myit; lam shagu hta akyu hpyi nna tawng ban ai hte chyeju dum ai myit masin hte shakawn kungdawn let nanhte a ra mara hpe Karai Kasang kaw shana ya mu.

KOLOSE 3:17

Dai rai nna nanhte hpa galaw ti mung, mung sumtu tsun ai hta, magam bungli lam hta Madu Yesu a mying nsang gang let, yawng mayawng hte hpe agalaw nga nna, shi a marang e Kawa Karai kasang hpe chyeju shakawn nga mu.

HEBRE 13:15

Dai rai nna anhte gaw shi hpe anhte a Madu re ai ngu nna yin la ai n-gup ni hte chyeju shakawn ai anhte a hkungga hpe Yesu a gawp e Karai Kasang kaw tut nawng e nawng ya nga ga.

HEBRE 4:16

Dai rai nna anhte nden ja ai myit hte Karai Kasang a chyeju tingnyang man de sit shang wa ga. Shing rai yang anhte gaw matsan dum ai lam hkam la lu na hte, ra kadawn ai aten hta nan anhte hpe karum ai chyeju lu la na ga ai.

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.

SHINGRAN 2:13

Nang gara shara e nga nga ndai hpe ngai chye nga nngai. Satan a tingnyang dung nga ai shara e nang nga nga ndai. Ngai hta sadi dung ai hte sakse hkam ai Antipa gaw Satan de nga ai shara ngu ai nanhte a ka-ang e Sat kau hkrum ai aten hta pyi, nang gaw ngai hta sadi dung nga nna, ngai hpe kam sham ai na a makam masham hpe n nyet kau ndai.