Daniela 5:28 - Jinghpaw Common Language Bible 2009

²⁸ Ga karan mat ai: Na a mungdan gaw ga karan mat nna Medi hte Persi masha ni a lata de ap kau nu ai.”

Jinghpaw Hanson Version Bible

²⁸ Peresa, ngu ai gaw, na a mungdan hpe karan kau nna Medi hte Persi masha ni hpe ap kau nu ai, nga ai, rai nga ai,” ngu nna hkawhkam wa hpe tsun dan wu ai.

Daniela 5:28 ပူးပေါင်းရင်းမြစ်များ

2 HKAWHKAM LABAU 36:23

“Ndai gaw Persi Hkawseng Kuru a hkang da ai ga rai nga ai. Dai Madu Sumsing lamu a Karai Kasang gaw ngai hpe mungkan ga ting hpe up hkang shangun ni ai. Yuda mung Yerusalem mare hta shi a matu Nawku Htingnu langai gap na lit ngai hpe jaw da ni ai. Ya chyawm gaw Karai Kasang a amyu masha ni rai nga myit dai nanhte yawng gaw dai de sa wa manu; dai Madu nanhte a Karai Kasang gaw nanhte hte rau nga nga u ga law.”

ESAIA 13:17

Dai Madu gaw, “Babelon mung hpe gasat na matu Medi masha ni hpe sharawt nga nngai. Shanhte gaw gumhpraw hpe hpa n nawn, aja mung n marin rai ma ai.

ESAIA 21:2

Ngai gaw mazut byin masa ni a shingran, gumle gumlau ai hte jahten shabyak ai shingran ni hpe mu se ai. Elam hpyen luksuk e, htim gasat mu! Medi hpyen luksuk e, mare ni hpe wang tawn mu! Karai Kasang gaw Babelon mung e shabyin nu ai nni nkri hpe jahtum kau na ra ai.

ESAIA 47:11

Tsin yam tsindam gaw na a ntsa e du wa na ra ai, na a mandan lakle hpaji hpa hte mung dai hpe jahkring lu na n rai. Nang galoi mung yup mang n mang yu ai hten run lam gaw nang kaw akajawng sha du wa na ra ai.

YEREMIA 25:13

Ngai gaw Yeremia hku nna tsun ai shaloi, ndai laika buk hta ka matsing da ai tsin-yam tsindam mahkra hte amyu baw ni hpe ngai jahkrit shama na ngu ai hte maren, Babelon mung masha ni hpe ru yak tsin-yam tsindam mahkra hte ari jaw na we ai.

YEREMIA 51:28

Babelon hpe gasat na masha amyu baw ni hpe hkyen da mu. Medi hkawhkam ni, shanhte a ningbaw ni hte du salang ni, shanhte up ai mungdan na hpyen luksuk ni hpe shangun dat mu.

Daniela 2:32

Dai hkrang sumla a baw hpe jet htum ai ja hte galaw da nga ai; de a sinda hte lata lahpum ni hpe gumhpraw hte galaw da nga ai; de a nshang hte magyi pawt daw gaw magri mang,

Daniela 2:39

Na a hpang e nang daram n galu kaba ai hkawseng langai paw pru wa na ra ai. Dai hpang masum ngu na magri mang hkawseng mungdan pru wa nna lamu ga ting hpe up na ra ai.

Daniela 5:31

Medi masha Dari gaw shi a asak kru shi lahkawng ning hta hkawhkam daru magam aya hkam la nga wu ai.

Daniela 6:28

Daniela gaw Dari hkaw dung ai laman hte Persi masha Kuru hkaw dung ai prat e mung galu kaba ngamu ngamai nga ai.

Daniela 6:8

Dai re ai majaw madu hkawhkam wa gaw galoi mung n galai mat lu ai Medi hte Persi masha ni a tara nga ai hte maren, dai tara hpe n hkan n mai shagrin da nna, ta masat dawk nhtawm htuk shapraw u,” ngu nna tsun ma ai.

Daniela 8:20

“Nang mu ai nrung lahkawng tu ai sagu la gaw Medi hte Persi mungdan ni rai nga ai.

Daniela 9:1

Ahasuru a kasha Medi masha Dari gaw Babelon mungdan hpe up nga ai.

KASA 2:9

Anhte gaw Parhti, Medi, Elam, mung na ni hte Mesapotamia mung e nga ai ni, Yuda hte Kapadokia mung, Pontu hte Asi,