Daniela 5:19 - Jinghpaw Common Language Bible 2009

¹⁹ Shi gaw nachying galu kaba nga ai rai nna masha amyu baw ni yawng, amyu bawsang ni hte kaga ga amyu myu shaga ai ni yawng hte gaw shi hpe hkrit gari nga ma ai. Shi gaw marai langai ngai hpe sat kau mayu yang, shi galaw nga ai; marai langai ngai hpe jahkrung mayu yang, jahkrung da nga ai. Shagrau sha-a mayu yang, shi shagrau sha-a nna, shagrit kau mayu ai wa hpe shagrit kau nga ai.

Jinghpaw Hanson Version Bible

¹⁹ shi hpe jaw ai daru magam majaw, masha amyu baw ni hte ga amyu myu tsun ai ni yawng, shi a man e hkrit gari shajang nga ma ai: sat kau mayu ai wa hpe shi sat kau nga ai; jahkrung da mayu ai wa hpe jahkrung da nga ai; shagrau shatsaw mayu ai wa hpe shagrau shatsaw nga ai; shagrit kau mayu ai wa hpe shagrit kau nga ai.

Daniela 5:19 ပူးပေါင်းရင်းမြစ်များ

2 HKAWHKAM 25:28

Ewila-merodak gaw shi hpe matsan dum la wu ai rai nna shi hte rau Babelon mung de bawng dung hkrum nga ai kaga hkawhkam ni hpe shi jaw ya ai hta grau galu kaba ai arawng aya hte shi hpe shagrau sha-a wu ai.

GA SHAGAWP 16:14

Hpaji rawng ai masha wa gaw hkawhkam wa hpe kabu gara shangun na ra ai; hkawhkam wa pawt sindawng wa yang, marai langai ngai asak sum chye nga ai.

HPAJI NINGLI 8:3

Dai hkawhkam wa gaw shi sharawng awng ai amu hpa mung galaw lu nga ai, dai majaw shi a man kaw nna pru mat wa u; dai zawn re ai hkrit tsang shara hta hkum nga nga et.

EZEKELA 31:11

dai majaw ngai gaw dai hpe ningdang kau ni ai, maigan up hkang du wa e dai hpe ka-up la nu ga. Dai wa gaw de a n hkru n shawp ai a matu lu la ging ai hte maren, dai hpun hpe jaw na ra ai.

Daniela 11:12

Shi gaw shi a awng padang hte shi sat kau lu ai hpyenla law law a majaw gumrawng gumtawng wa na ra ai, rai ti mung shi gaw matut nna awng dang lu na ra ai n rai.

Daniela 11:16

Dai gasat shang wa ai Suri masha wa gaw shi myit ra ai hte maren, hkap daw ai lam n hkrum ai sha htim bang wa na ra ai. Shi gaw Ga Sadi Mungdan hta tsap lu nna shi a daru magam n-gun hta dai hpe tsep kawp up lu na ra ai.

Daniela 11:3

“Dai hpang share shagan ai hkawhkam langai gaw pru wa na ra ai. Shi gaw kaba la ai hkawseng mungdan hpe up hkang nna shi ra ai hku galaw na ra ai.

Daniela 11:36

“Suri hkawhkam gaw shi myit ra ai hte maren galaw na ra ai. Shi gaw kaga karai kadai hta mung grau kaba nga ai: Tsaw Htum ai Karai Kasang hta pyi grau kaba nga ai nga nna shi shakawng dan na ra ai. Karai Kasang shi hpe ari jaw ai aten du hkra, shi gaw ndai amu galaw na ra ai. Karai Kasang gaw shi shatawng shada nu ai hte maren tup hkrak galaw na ra ai.

Daniela 3:29

“Ya chyawm gaw amyu baw shagu, amyu bawsang shagu hte ga amyu myu tsun ai amyu ni hta kadai rai ti mung Shadrak, Meshak hte Abednego ni a Karai Kasang hpe n gawn n sawn di ai rai yang, shi gaw kahtum kadaw di kau ai hkrum nna shi a nta mung run sumpum kau ai hkrum lu na rai nga ai. Ndai zawn hkye mawai la lu ai karai shaje kanang e mung nga nga ai n rai,” ngu nna hkang dat wu ai.

Daniela 3:4

ga htawn ai wa gaw, “Masha amyu baw ni, amyu bawsang ni hte ga amyu myu shaga ai ni e!

Daniela 3:6

N gum dagup ai hte n nawku ai wa kadai mung grung nga ai wan htung de kalang lata kabai bang kau ai hkrum lu na ra ai,” ngu nna jahtau tsun wu ai.

Daniela 4:17

Ndai gaw maja let sin yu nga ai lamu kasa ni a daw dan ai lam rai nga ai. Dai rai nna Tsaw Htum ai Karai Kasang gaw masha mungdan ni a ntsa e daru magam n-gun rawng nga ai mung, n ahkyak htum ai masha ni pyi shi lata la ai rai yang, dai ni hpe shi jaw ya nga ai lam mung, shara shagu hkan na masha ni chye la lu mu ga,’ ngu nna tsun ndau wu ai.

Daniela 4:19

Dai aten hta, Belteshaza mying ai Daniela gaw hpa mung n lu tsun mat hkra grai hkrit kajawng mat wu ai. Hkawhkam wa chyawm gaw shi hpe, “Belteshaza e, yup mang hte de a lachyum majaw nang hpe n kajawng shangun u ga,” ngu nna tsun wu ai. Belteshaza mung, “Madu hkawhkam e, yup mang hte de a lachyum htai ai gaw nang hpe n rai; na a gumlau hpyen ni hta mahtang ta tut du wa na, ngai ra sharawng nngai.

Daniela 4:22

“Madu hkawhkam e, nang gaw tsaw nna n-gun ja ai hpun rai nga ndai. Nang gaw grai galu kaba nga nit dai rai nna lamu de dep nga ndai. Na a daru magam n-gun gaw mungkan ga ting hpe ka-up da nga ai.

HABAKU 2:5

Sut gan gaw masu hkalem ai amu rai nga ai. Lawhpa myit marin ai ni gaw gumrawng gumtawng ai hte kadau kadap rai nga ai-shanhte gaw si du zawn galoi mung myit n dik hkraw nga ma ai. Dai re ai majaw, shanhte gaw masha amyu baw mi a hpang masha amyu baw mi hpe shanhte a matu gasat dang la nga ma ai.

YAWHAN 19:11

Yesu gaw, “Nang hpe Karai Kasang e ahkaw ahkang jaw ai majaw sha nye a ntsa e ndai zawn re ai ahkang aya nang lu ndai. Dai majaw ngai hpe nang kaw sa ap ai wa gaw yubak grau kaba lu ai,” ngu nna shi hpe htan wu ai.

ROMA 13:1

Shinggyim masha shagu gaw, daru magam ahkang aya lu ai mungdan up hkang ai ni a ga hpe madat mara nga mu ga, hpa majaw nga yang, ahkang aya lu ai ni mung, Karai Kasang kaw na ahkaw ahkang hte sha n rai yang n nga, n tsap lu ai. Ahkang aya hte nga nga ai ni hpe mung Karai Kasang e san da manu ai.

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.