Daniela 5:18 - Jinghpaw Common Language Bible 2009

¹⁸ “Tsaw Htum ai Karai Kasang gaw na a nwa Nebuhkadneza hpe hkawhkam kaba shatai nna hpung rawng ai sari sadang hte daru magam hpung dagu jaw ya nu ai.

Jinghpaw Hanson Version Bible

¹⁸ Nang hkawhkam wa e, Tsaw Htum ai Karai Kasang gaw, na nwa Nebuhkadneza hpe mungdan hte hpawn, daru magam, arawng sadang hte hpung shingkang jaw wu ai:

Daniela 5:18 ပူးပေါင်းရင်းမြစ်များ

2 HKAWHKAM 25:28

Ewila-merodak gaw shi hpe matsan dum la wu ai rai nna shi hte rau Babelon mung de bawng dung hkrum nga ai kaga hkawhkam ni hpe shi jaw ya ai hta grau galu kaba ai arawng aya hte shi hpe shagrau sha-a wu ai.

SHAKAWN KUNGDAWN 47:2

Tsaw Htum ai dai Madu gaw hkrithpa wa rai nga ai; shi gaw mungkan yawng hpe up hkang nga ai galu kaba ai hkawhkam wa rai nga ai.

SHAKAWN KUNGDAWN 7:17

Shi a teng man rap ra ai tara a majaw, Madu hpe ngai chyeju dum nga nngai; Ngai gaw Tsaw Htum ai dai Madu hpe mahkawn shakawn na nngai.

SHAKAWN KUNGDAWN 9:2

Na a majaw, kabu gara ai hte ngai mahkawn mangoi nga na nngai; Chyahtum Chyalai n-gun rawng ai Karai Kasang e, ngai nang hpe mahkawn shakawn nga na nngai.

SHAKAWN KUNGDAWN 92:8

Madu e, nang chyawm gaw htani htana agrau nga ai wa rai nga ndai.

YEREMIA 25:9

‘Ngai gaw dingdung maga de na amyu masha ni yawng hte hpe nye a shangun ma Babelon Hkawhkam Nebuhkadneza a matu shangun dat ya na nngai. Ngai gaw Yuda mung hte de a mung masha ni mahkra hte grup yin e nga ai amyu baw ni mahkra hpe mung, gasat kau na matu shanhte hpe woi sa wa na nngai. Shing rai ngai gaw ndai amyu masha ni hte makau grup yin na amyu baw ni hpe lung gasat kau ai hte dai shara ni gaw prat dingsa katsi katsang shara, hkrit hpa hte yu kajawng mat na zawn re ai shara shatai kau na nngai. Dai Madu ngai nan tsun ni ai.

YEREMIA 27:5

“Nye a galu kaba ai daru magam n-gun, lahpum marai hte ngai gaw mungkan ga hpe mung, shinggyim masha hpe mung, ginding aga ntsa e shanu nga ai yam nga mahkra hpe mung, hpan tawn da ni ai; ngai lata la sai masha kadai hpe mung dai ni hpe ngai jaw ya nngai.

YEREMIA 27:7

Masha amyu baw ni yawng hte gaw shi a mungdan hkrat sum mat wa ai aten du hkra shi hpe mung, shi a kasha hpe mung, shi a kashu hpe mung daw jau na mara ai. Dai hpang, shi a amyu ni gaw daru magam n-gun ja ai masha amyu baw ni hte hkawhkam kaba ni hpe daw jau na mara ai.

SHARUNG SHAYAWT 3:35

Shi jaw ya ai ahkaw ahkang hpe anhte ndang kau nga ai hpe shi chye nga ai.

SHARUNG SHAYAWT 3:38

Mai kaja ai hte n mai kaja ai mung shi a hkang da ai ga kaw nna maren sha byin pru nga ai.

EZEKELA 31:11

dai majaw ngai gaw dai hpe ningdang kau ni ai, maigan up hkang du wa e dai hpe ka-up la nu ga. Dai wa gaw de a n hkru n shawp ai a matu lu la ging ai hte maren, dai hpun hpe jaw na ra ai.

Daniela 4:17

Ndai gaw maja let sin yu nga ai lamu kasa ni a daw dan ai lam rai nga ai. Dai rai nna Tsaw Htum ai Karai Kasang gaw masha mungdan ni a ntsa e daru magam n-gun rawng nga ai mung, n ahkyak htum ai masha ni pyi shi lata la ai rai yang, dai ni hpe shi jaw ya nga ai lam mung, shara shagu hkan na masha ni chye la lu mu ga,’ ngu nna tsun ndau wu ai.

Daniela 4:19

Dai aten hta, Belteshaza mying ai Daniela gaw hpa mung n lu tsun mat hkra grai hkrit kajawng mat wu ai. Hkawhkam wa chyawm gaw shi hpe, “Belteshaza e, yup mang hte de a lachyum majaw nang hpe n kajawng shangun u ga,” ngu nna tsun wu ai. Belteshaza mung, “Madu hkawhkam e, yup mang hte de a lachyum htai ai gaw nang hpe n rai; na a gumlau hpyen ni hta mahtang ta tut du wa na, ngai ra sharawng nngai.

Daniela 4:2

Tsaw Htum ai Karai Kasang gaw ngai hpe madun dan sai mauhpa amu hte lamik kumla ni a lam madat yu mu.

Daniela 4:32

Nang gaw shinggyim masha uhpung kaw na shaden kau hkrum ai hte matse labye dusat ni hte rau nga let sanit ning tup dumsu zawn tsingdu tsingman sha na rai ndai. Shaloi Tsaw Htum ai Karai Kasang gaw masha mungdan ni a ntsa e up ai daru magam n-gun lu nna shi lata san da ai kadai hpe mung shi jaw lu nga ai hpe nang yin la na rai ndai,” ngu nna sumsing lamu kaw na nsen ngoi pru nga ai.

Daniela 4:34

Ya sanit ning lai jang, hkawhkam wa gaw, “Sumsing lamu de mada yu nna shi a myit bai grin wa nga ai. Ngai gaw Tsaw Htum ai Karai Kasang hpe shakawn kungdawn ai hte htani htana ahkrung nga ai wa hpe shagrau hkungga let shi a hpung shingkang hpe kungdawn nngai. “Shi gaw htani htana a up nga na ra ai, shi a mungdan prat mi hte prat mi agrin nga na ra ai.

Daniela 5:21

Shi a myit masin gaw dusat langai zawn tai mat nna, shinggyim uhpung hta na shapraw kau ai hkrum nga ai. Shi gaw nam na lawze shazai ni hte rau nga nna, dumsu usu zawn tsingdu sha let numri hkrat ai gangbang shara hkan yup nga ai. Hpang jahtum e, shi gaw Tsaw Htum ai Karai Kasang shi lata la sai kadai hpe rai ti mung masha mungdan ni yawng hpe up hkang na ahkang jaw lu nga ai hpe shi yin la nga ai.

Daniela 6:22

Karai Kasang gaw hkanghkyi ni a n-gup ni hpe pat kau ya na matu shi a lamu kasa hpe shangun dat wu ai rai nna, ngai hpe machyi shangun lu ai n rai. Madu hkawhkam wa e, ngai gaw hpa mara n kap nga ai hte nang hpe mung n shut kau nngai gaw shi chye nga ai majaw ndai amu hpe shi galaw wu ai,” ngu nna htan wu ai.

KASA 26:13

Jan pungding madi ai ten hta, Hkawhkam wa e, jan hta grau htoi tu ai nhtoi langai mi gaw dai lam e hkawm sa nga ai ngai hte nye a manang ni a grup yin lamu de na htoi tu pru ai hpe ngai mu nngai.

KASA 26:19

“Dai rai nna, Hkawhkam Agripa e, ngai gaw lamu na shingran dai hpe n madat ai n nga lu nngai.

KASA 7:48

“Rai ti mung Tsaw Htum ai Karai Kasang gaw masha a lata hte sha gap da ai nta kaw rawng ai n rai, dai lam myihtoi wa htawn tsun ai gaw,

TARA JAHPRANG 32:8

Tsaw Htum ai Wa gaw amyu baw ni hpe shanhte a lamu ga ni hpe jaw ya nna, amyu masha ni hpe karan ya ai shaloi; shi gaw Israela a kasha ni a numbat hte maren, amyu masha ni a lamu ga jarit ni hpe masat ya nga ai;