Daniela 5:16 - Jinghpaw Common Language Bible 2009

¹⁶ Ya chyawm gaw, ndai ga makoi a lachyum ni hte makoi magap ai amu ni a lachyum hpe nang sawk tam lu nga ndai gaw ngai na se ai. Dai rai nna, ndai ka da ai laika hpe nang hti lu ai rai yang, de a lachyum hpa rai nga ai gaw ngai hpe tsun dan e, shaloi nang gaw shaba pu nsam rawng ai hkawhkam palawng galu lu hpun nna na a du hta ja kachyi lu gali ai hte ndai mungdan hta masum ngu na daru magam n-gun rawng ai wa tai na rai ndai,” ngu nna tsun wu ai.

Jinghpaw Hanson Version Bible

¹⁶ Nang mahtang htai dan lu nna, gumwai ga malan lu ai hpe, na a lam ngai na ni ai: ya, ndai ka da ai ga hpe nang hti lu nna, de a lachyum ngai hpe shapraw dan lu yang, hkyeng sawm ai hpun palawng nang bu hpun nna, ja hkachyi gali let, ndai mungdan hta masum ngu na du tai na rin dai,” ngu nna Daniela hpe tsun wu ai.

Daniela 5:16 ပူးပေါင်းရင်းမြစ်များ

NINGPAWT NINGHPANG 40:8

Shan gaw, “An yup mang langai hpra mu ga ai. Rai ti mung, dai yup mang a lachyum hpa rai nga ai hpe htai dan lu na masha kadai mung ndai yang e n nga nga ai,” ngu nna htan mu ai. Yosep gaw, “Yup mang ni hpe htai na marai atsam ni hpe Karai Kasang jaw ya nga ai. Dai rai nna nan a yup mang ngai hpe tsun dan yu mi,” ngu nna tsun wu ai.

NINGPAWT NINGHPANG 41:15

Hkawhkam wa gaw shi hpe, “Ngai yup mang langai mu nngai, dai hpe kadai mung n htai lu ma ai. Nang chyawm gaw yup mang ni hpe htai ya lu nga ndai hpe ngai chye da ni ai,” ngu nna tsun wu ai.

NINGPAWT NINGHPANG 41:42

Hkawhkam wa mung hkawhkam dazik tawk ka da ai lachyawp hpe shi a lata hta chyawp ya wu ai. Dai hta kaga, reng ai lachyit palawng galu hpe mung jahpun ya nhtawm shi a du hta ja saidawng mung gali ya wu ai.

Daniela 2:48

Dai hpang shi gaw Daniela hpe shagrau shatsaw let hkik ai kumhpa law law sak jaw wu ai; shi hpe mung Babelon mungdaw hpe woi hpareng na matu mung, hkawhkam wa hpe hpaji jaw ai ni yawng a ningbaw galaw na matu mung san da wu ai.

Daniela 2:6

Rai ti mung, nanhte mahtang yup mang hte de a lachyum lahkawng yan hpe lu tsun dan myit dai rai yang, nanhte hpe kumhpaw kumhpa ni hte arawng aya kaba jaw shagrau na made ai. Ya chyawm me gaw, yup mang hte de a lachyum hpa rai nga ai lam ngai hpe tsun dan mi,” ngu nna tsun wu ai.

Daniela 5:29

Belshaza gaw Daniela hpe shaba pu nsam rawng ai hkawhkam wa a palawng galu jahpun ya na matu mung, shi a du hta shagrau sha-a ai ja kachyi noi ya na matu mung shi a shangun ma ni hpe dai shaloi jang hkang dat wu ai. Shi gaw Daniela hpe mungdan hta masum ngu na daru magam aya lu ai shara hta tawn da wu ai.

Daniela 5:7

Shi gaw gumhpan hpan ai ni, hpyi lamum sara ni hte jan shata shagan yu ai ni hpe jashawn la na matu marai langai ngai hpe jahtau tsun wu ai. Shanhte du shang wa ai shaloi, hkawhkam wa gaw shanhte hpe, “Ya ndai ka da ai lam hte de a lachyum htai dan lu ai wa kadai hpe mung shaba pu nsam rawng ai hkawhkam wa a palawng galu hpun lu nna shi a du grup grup hta shagrau sha-a ai ja kachyi gali lu nhtawm ndai mungdan hta masum ngu na daru magam n-gun rawng htum ai wa tai lu na rai nga ai,” ngu nna tsun wu ai.

Daniela 6:2

Dai sha n-ga, shi gaw munggyi ni hpe reng hkang na matu mung, hkawhkam wa a amu yu lajang ya na matu mung, Daniela hte kaga marai lahkawng hte hpe lata san da wu ai.

KASA 8:18

Kasa yan a lata mara ai hte kam sham ai ni Wenyi hkam la lu ai hpe Simun mu jang shi gumhpraw sak jaw nna,