Daniela 5:14 - Jinghpaw Common Language Bible 2009

¹⁴ Nang hta chyoi pra ai karai ni a wenyi rawng nna chye chyang ai nyan hte hpaji byeng-ya kung kyang nga ndai hpe ngai na se ai.

Jinghpaw Hanson Version Bible

¹⁴ Chyoi pra ai hpara ni a Wenyi nang hta rawng nna, myit leng ai, chye chyang ai hte nyan kaja nang hta hpring nga ai, nga nna kajai ai shi ngai na nngai.

Daniela 5:14 ပူးပေါင်းရင်းမြစ်များ

NINGPAWT NINGHPANG 41:15

Hkawhkam wa gaw shi hpe, “Ngai yup mang langai mu nngai, dai hpe kadai mung n htai lu ma ai. Nang chyawm gaw yup mang ni hpe htai ya lu nga ndai hpe ngai chye da ni ai,” ngu nna tsun wu ai.

NINGPAWT NINGHPANG 41:38

shi gaw shanhte hpe, “Karai Kasang a Wenyi rawng ai ndai Yosep hta grau kaja ai masha anhte galoi mung mu tam na ga ai n rai,” ngu nna tsun mu ai.

Daniela 2:22

Shi gaw sung ai hte makoi magap da ai arai ni hpe shapraw dan nga ai; shi gaw nsin kata hta makoi magap da ai arai ni hpe chye nga ai, shi hkum nan hpe chyawm gaw nhtoi hte gawan shinggrup da nga ai.

Daniela 4:8

Dai hpang Daniela du shang wa ai. (Shi gaw nye a karai a mying hkan nna Belteshaza ngu shaga hkrum nga ai.) Chyoi pra ai karai ni a wenyi gaw shi hta nga nga ai, dai rai nna ngai mu ai yup mang shi hpe tsun dan we ai. Ngai shi hpe ning ngu tsun nngai:

Daniela 5:13

Daniela gaw hkawhkam wa a man de kalang lata jashawn la hkrum ai hte hkawhkam wa gaw shi hpe, “Nang gaw nye wa hkawhkam wa e Yuda mung kaw nna ndai ga de woi wa ai Yuda bawng masha Daniela rai nga a ni?

Daniela 5:15

Ya ndai ka da ai ga hpe hti nna dai ga a lachyum ngai hpe htai dan na matu hpaji jaw ni hte mandan bau ai ni hpe jashawn la ti mung, de a lachyum shanhte n mu tam lu ma ai.

Daniela 6:3

Kade n na yang, Daniela gaw kaga reng hkang ai marai lahkawng hte munggyi ni hta grau mai kaja ai amu bungli galaw lu wu ai hpe madun dan nga ai. Shi gaw grai laklai ai myit nyan hpaji chye ai wa rai nna hkawhkam wa mung hkawseng mungdan ting hpe woi hpareng na matu shi hpe san da na myit da nga wu ai.