Daniela 5:13 - Jinghpaw Common Language Bible 2009

¹³ Daniela gaw hkawhkam wa a man de kalang lata jashawn la hkrum ai hte hkawhkam wa gaw shi hpe, “Nang gaw nye wa hkawhkam wa e Yuda mung kaw nna ndai ga de woi wa ai Yuda bawng masha Daniela rai nga a ni?

Jinghpaw Hanson Version Bible

¹³ Dai rai nna Daniela hpe hkawhkam wa man e jashawn wu ai. Hkawhkam wa mung, “Nye wa hkawhkam wa gaw, Yuda mung na woi wa nna, Yuda bawng dung ni a kashu kasha ni hta lawm ai, Daniela, nang rai nga n ni?

Daniela 5:13 ပူးပေါင်းရင်းမြစ်များ

EZRA 10:16

Bawng dung ai kaw nna nhtang wa sai ni mung dai yaw shada lam hpe hkap la shajang nga ma ai rai nna, hkinjawng Ezra gaw amyu lakung ningbaw ni kaw na lasha ni hpe san tawn nhtawm shanhte a mying ni hpe ka matsing da wu ai. Shing rai shata shi a shawng shani e, shanhte sawk sagawn hpang wa ma ai rai yang,

EZRA 10:7

Bawng dung ai kaw nna nhtang wa sai ni yawng gaw amyu masha ni a ningbaw ni hkang dat ai hte maren, Yerusalem mare e jawm hkrum na matu Yuda mung hte Yerusalem mare hproi hkra shiga shana dat mu ai.

EZRA 4:1

Yuda hte Benyamin amyu masha ni a gumlau hpyen ni gaw bawng dung ai kaw nna bai nhtang wa sai ni dai Madu Israela a Karai Kasang a Nawku Htingnu hpe bai gaw gap da nga masai shiga na ma ai.

EZRA 6:16

Dai hpang Israela amyu masha ni, hkinjawng ni, Lewi masha ni hte bawng dung ai kaw nna nhtang wa ai kaga ni yawng hte gaw kabu gara ai myit hte dai Nawku Htingnu hpe ap nawng ma ai.

Daniela 1:1

Yuda Hkawhkam Yehoiakim hkaw dung ai masum ning e, Babelon Hkawhkam Nebuhkadneza gaw Yerusalem mare hpe htim gasat nna dai mare hpe wang tawn wu ai.

Daniela 1:2

Madu gaw Hkawhkam Yehoiakim hpe rim la shangun nna, Nawku Htingnu na sut rai nkau mi hpe mazing la shangun wu ai. Shi hte rau bawng masha nkau mi hpe Babelon mung na shi a karai ni a htingnu de woi wa nhtawm lu mazing la ai sut rai ni hpe htingnu sut gawk ni hta tawn da wu ai.

Daniela 1:21

Persi hkawseng Kuru gaw Babelon mung hpe gasat dang la ai aten du hkra Daniela gaw hkawhkam wang e nga nga ai.

Daniela 1:6

Dai ni hta na lata la hkrum ai ni gaw Daniela, Hanania, Mishaela hte Azaria hte rai ma ai. Dai ni yawng gaw Yuda amyu bawsang kaw na hkrai rai ma ai.

Daniela 2:25

Ariok mung Daniela hpe Nebuhkadneza a man de kalang lata woi shang wa nhtawm hkawhkam wa hpe, “Madu hkawhkam mu ai yup mang a lachyum hpe htai dan lu ai Yuda bawng dung masha langai mi hpe ngai mu se ai,” ngu nna tsun wu ai.

Daniela 2:48

Dai hpang shi gaw Daniela hpe shagrau shatsaw let hkik ai kumhpa law law sak jaw wu ai; shi hpe mung Babelon mungdaw hpe woi hpareng na matu mung, hkawhkam wa hpe hpaji jaw ai ni yawng a ningbaw galaw na matu mung san da wu ai.

Daniela 5:11

Chyoi pra ai karai ni a wenyi rawng ai wa langai mi na a mungdan hta nga nga ai. Na nwa hkawhkam galaw nga yang, ndai masha wa gaw karai ni a hpaji hte bung ai mai kaja ai nyan, machye machyang hpaji hte hpaji byeng-ya madun dan nga ai. Na nwa Hkawhkam Nebuhkadneza chyawm gaw shi hpe gumhpan hpan ai ni, mandan lakle sara ni, hpyi lamum sara ni hte jan shata shagan yu ai sara ni a hpa-awn shatai da nga ai.

Daniela 5:14

Nang hta chyoi pra ai karai ni a wenyi rawng nna chye chyang ai nyan hte hpaji byeng-ya kung kyang nga ndai hpe ngai na se ai.

Daniela 5:18

“Tsaw Htum ai Karai Kasang gaw na a nwa Nebuhkadneza hpe hkawhkam kaba shatai nna hpung rawng ai sari sadang hte daru magam hpung dagu jaw ya nu ai.

Daniela 5:2

Shanhte sabyi lu nga ma yang, Belshaza gaw shi a kawa Nebuhkadneza Yerusalem Nawku Htingnu kaw na la wa ai aja gawm, gumhpraw gawm hte ban ni la wa na matu hkang dat wu ai. Hkawhkam wa gaw dai ni hpe la wa shangun wu ai rai nna shi mung, shi a du magam ni, shi a madu jan ni hte shi a lashi num ni dai hta na la lu lu ma ai.

Daniela 6:13

Dai hpang shanhte gaw hkawhkam wa hpe, “Yuda mung na bawng dung masha langai rai nga ai Daniela gaw madu hkawhkam hpe hkrit hkungga ai n rai; nang hkang da ai ga hpe madat ai n rai. Shi gaw lani mi hta masum lang man man akyu hpyi nga wu ai,” ngu nna tsun ma ai.

Daniela 8:1

Belshaza hkaw dung ai masum ning hta, ngai gaw lahkawng ngu na shingran mu nngai.

Daniela 8:27

Ngai gaw myit hten mat ai hte nhtoi law law machyi hkrum nga nngai. Dai hpang ngai bai rawt nna hkawhkam wa ngai hpe lit jaw ai amu de nhtang sa mat wa nngai; rai ti mung dai shingran a majaw ngai mau ung ang ai hte dai hpe n chye na lu nngai.

YAWHAN 7:1

Dai hpang Yesu gaw Galile mung hkan hkawm sa nga ai. Ahkaw ahkang lu ai Yuda masha ni shi hpe sat kau na la nga ma ai majaw Yuda mung e n hkawm mayu wu ai.

YAWHAN 7:3

Dai rai nna, shi a kanu ni gaw, “Nang galaw nga ai amu ni hpe na a sape ni mu lu mu ga, ndai shara na pru nhtawm, Yuda mung de sa wa su.