Daniela 4:33 - Jinghpaw Common Language Bible 2009

³³ Ya ga dai ni kalang lata teng wa ai rai nna, Nebuhkadneza gaw shinggyim hpawng kaw nna shaden kau ai hkrum nhtawm dumsu zawn tsingdu sha nga ai. Shi a hkum ntsa e numri hkrat bun ai rai nna, shi a kara gaw galang u mun ni zawn galu nna, lamyin ni gaw u lamyin ni zawn galu wa nga ai.

Jinghpaw Hanson Version Bible

³³ Ya dai ahkying hta pyi dai ga hte maren Nebuhkadneza hta byin wa nna, shi gaw masha kaw na shapraw kau hkrum ai hte, shi a kara gaw langda mun zawn, shi a lamyin ni u lamyin zawn galu wa ai du hkra, shi gaw usu zawn tsingdu sha nna, shi a hkumhkrang sumsing lamu na mari hte madi mat nga ai.

Daniela 4:33 ပူးပေါင်းရင်းမြစ်များ

YOBA 20:5

n hkru ai masha ni kadai mung aten na na n kabu lu ma ai.

ESAIA 30:14

Nanhte gaw ga di bu langai zawn ga gamang mat na marin dai, shing rai laja lana ga mat ai majaw, wan n-ga hta na matu mung, ntsin ja na matu mung lang ram na di hkyep pyi ngam nga na ra ai n rai.”

Daniela 4:25

Nang gaw uhpung kaw na gawt shapraw kau ai hkrum nhtawm, matse labye dusat ni hte rau nga na rai ndai. Nang gaw dumsu zawn sanit ning tup tsingdu tsingman sha nna, na a ntsa e numri hkrat bun, gangbang shara hta yup nga na rai ndai. Dai shaloi nang gaw Tsaw Htum ai Karai Kasang gaw masha mungdan yawng hpe up hkang nna, shi lata la ai masha kadai hpe mung shi jaw ya lu nga ai hpe, nang yin la na rai ndai.

Daniela 4:32

Nang gaw shinggyim masha uhpung kaw na shaden kau hkrum ai hte matse labye dusat ni hte rau nga let sanit ning tup dumsu zawn tsingdu tsingman sha na rai ndai. Shaloi Tsaw Htum ai Karai Kasang gaw masha mungdan ni a ntsa e up ai daru magam n-gun lu nna shi lata san da ai kadai hpe mung shi jaw lu nga ai hpe nang yin la na rai ndai,” ngu nna sumsing lamu kaw na nsen ngoi pru nga ai.

Daniela 5:21

Shi a myit masin gaw dusat langai zawn tai mat nna, shinggyim uhpung hta na shapraw kau ai hkrum nga ai. Shi gaw nam na lawze shazai ni hte rau nga nna, dumsu usu zawn tsingdu sha let numri hkrat ai gangbang shara hkan yup nga ai. Hpang jahtum e, shi gaw Tsaw Htum ai Karai Kasang shi lata la sai kadai hpe rai ti mung masha mungdan ni yawng hpe up hkang na ahkang jaw lu nga ai hpe shi yin la nga ai.

Daniela 5:5

Masha langai mi a lata akajawng sha dan pru wa nhtawm pyengdin ni hta grau htoi kabrim nga ai hkawhkam htingnu na engade chya da ai shakum hta ka hpang wa nga ai. Hkawhkam wa gaw laika ka nga ai lata hpe mu dat wu ai.

1 HTESALONI 5:2

Hpa majaw nga yang, Madu bai du sa na nhtoi gaw, shana aten e sa ai lagut zawn du sa na ra ai hpe nanhte nan atsawm sha chye nga myit dai.