Daniela 4:24 - Jinghpaw Common Language Bible 2009

²⁴ “Dai hpang Madu hkawhkam e, ndai gaw de a lachyum rai nga ai. Dai gaw nang hta byin wa na lam hpe Tsaw Htum ai Karai Kasang tsun da nu ai lam rai nga ai.

Jinghpaw Hanson Version Bible

²⁴ hkawhkam wa e, de a ga lachyum da ndai rai nga ai; Tsaw Htum ai Wa kaw nna, nye madu hkawhkam wa ntsa e jeyang ai ga du nga ai:

Daniela 4:24 ပူးပေါင်းရင်းမြစ်များ

YOBA 20:29

Ndai gaw n hkru ai masha ni a matu sali wunli rai nga ai, dai sali wunli gaw shanhte a matu Karai Kasang san da ya nga ai.

SHAKAWN KUNGDAWN 107:40

shanhte a ntsa e, dip gamyet sha nga ai ni hpe shi matsat kau nga ai lam hpe madun dan nna; shanhte hpe lam n hku ai katsi katsang re ai nam mali de brak hkawm shangun mu ai.

SHAKAWN KUNGDAWN 148:6

na a hkang da ai mungga hte maren, shanhte a shara ni hta htani htana agrin nga ma ai, dai ni gaw hkang da ai mungga hpe n lai lu nga ma ai.

SHAKAWN KUNGDAWN 2:7

Hkawhkam wa gaw, “Madu kaning nga tsun ai lam hpe ngai tsun shabra na nngai,” nga nna tsun ai. Shi gaw ngai hpe, ‘Nang gaw nye a kasha rai nga ndai; dai ni, ngai gaw na a kawa tai nga ni ai.

GA SHAGAWP 16:6

Sadi dung nna kangka rai nga u, shing rai yang Karai Kasang gaw na a yubak hpe raw dat kau ya na ra ai. Dai Madu a ga madat u, shaloi n hkru ai lam hpa mung nang hta byin hkrum hkra wa na n rai.

GA SHAGAWP 20:28

Hkawhkam wa gaw shi a up hkang ai lam hta, ding man ai, teng man ai hte rap ra ai tara ni hte up hkang nga dingsa gaw shi a hkawhkam aya hta agrin nga na ra ai.

ESAIA 23:9

Chyahtum Chyalai N-gun rawng ai dai Madu gaw dai lam hpe shabyin dat nu ai. Shanhte galaw ai amu hta, shanhte a gumrawng gumtawng ai hpe jahtum kau na hte arawng sadang hte hpring ai shanhte a masha ni hpe shagrit kau na matu dai lam shabyin dat nu ai.

Daniela 4:17

Ndai gaw maja let sin yu nga ai lamu kasa ni a daw dan ai lam rai nga ai. Dai rai nna Tsaw Htum ai Karai Kasang gaw masha mungdan ni a ntsa e daru magam n-gun rawng nga ai mung, n ahkyak htum ai masha ni pyi shi lata la ai rai yang, dai ni hpe shi jaw ya nga ai lam mung, shara shagu hkan na masha ni chye la lu mu ga,’ ngu nna tsun ndau wu ai.

Daniela 4:19

Dai aten hta, Belteshaza mying ai Daniela gaw hpa mung n lu tsun mat hkra grai hkrit kajawng mat wu ai. Hkawhkam wa chyawm gaw shi hpe, “Belteshaza e, yup mang hte de a lachyum majaw nang hpe n kajawng shangun u ga,” ngu nna tsun wu ai. Belteshaza mung, “Madu hkawhkam e, yup mang hte de a lachyum htai ai gaw nang hpe n rai; na a gumlau hpyen ni hta mahtang ta tut du wa na, ngai ra sharawng nngai.

Daniela 4:2

Tsaw Htum ai Karai Kasang gaw ngai hpe madun dan sai mauhpa amu hte lamik kumla ni a lam madat yu mu.