Daniela 4:21 - Jinghpaw Common Language Bible 2009

²¹ De a hpun lap ni tsawm htap nga ai rai nna, mungkan ga ting na masha ni sha law hkra dai hta asi si nga ai. Matse labye dusat ni gaw de a npu hta hkring sa nga ai hte ntsa malen u ni de a lakung lakying ni hta tsip tsip nga ma ai.

Jinghpaw Hanson Version Bible

²¹ alap tsawm nna, yawng mayawng sha lu na matu asi law ai, de a npu e ashu ashan ni shanu nga nna ntsa malen u ni lakung lakying ni hta tsip tsip nga ai hpun gaw, nang hkawhkam wa nan rai nga ndai:

Daniela 4:21 ပူးပေါင်းရင်းမြစ်များ

SHAKAWN KUNGDAWN 104:17

Dai shara hta e, ntsa malen u ni shanhte a atsip tsip nna, u kawp ni mung marau hpun ntsa hkan e, atsip galaw da nga ma ai.

EZEKELA 17:23

Israela a tsaw htum ai bum ntsa e mung hkai da na nngai. Dai gaw lakung lakying ni kra wa nhtawm asi si ai hte reng htum ai arit hpun tai na ra ai. U amyu shagu mung dai hpun hta sa shanu na mara ai lakung lakying ni a shingnip ni hta pyen dung shara mu tam na mara ai.

EZEKELA 31:6

De a lakung lakying ni hta ntsa malen u hkum sumhpa atsip tsip ma ai; Matse labye dusat ni shanhte a hkalung ni hpe woi nna dai hpun a shingwung hta nga nga ma ai; Mungkan ga na masha amyu baw ni de a shingnip hta hkring sa la ma ai.

Daniela 2:38

Shi gaw nang hpe lamu ga ntsa na masha nga manga yawng hpe mung, dusat yam nga yawng mayawng hte ntsa malen u ni yawng a ntsa e mung up hkang shangun nga sai. Nang gaw aja baw rai nga ndai.

Daniela 4:11

Dai hpun gaw kaba wa nna sumsing lamu de dep hkra kaba lung wa nga ai; mungkan ga na shinggyim masha shagu hte wa dai hpe mu lu ma ai.

Daniela 4:20

Dai hpun gaw lamu de dep hkra grai tsaw lung wa ai rai nna mungkan ga na masha shagu dai hpe mu lu nga ma ai.

Daniela 4:22

“Madu hkawhkam e, nang gaw tsaw nna n-gun ja ai hpun rai nga ndai. Nang gaw grai galu kaba nga nit dai rai nna lamu de dep nga ndai. Na a daru magam n-gun gaw mungkan ga ting hpe ka-up da nga ai.

LUKA 13:19

Dai gaw ndai hte bung nga ai. Masha langai mi gaw chyinghkrang tum langai mi hpe la nna shi a sun hta gat dat wu ai. Dai tum gaw tu kaba wa ai hte, hpun tai nna ntsa malen u ni dai lakung lakying ni hta u tsip tsip nga ma ai,” ngu wu ai.