Daniela 4:18 - Jinghpaw Common Language Bible 2009

¹⁸ “Hkawhkam Nebuhkadneza gaw, “Da ndai gaw ngai mu ai yup mang rai nga ai. Ya chyawm gaw Belteshaza e, de a lachyum hpa rai nga ai gaw ngai hpe tsun dan e. Nye a hkawhkam wang na hpaji jaw masha ni kadai n lu tsun dan ti mung nang chyawm gaw chyoi pra ai karai ni a wenyi nang hta rawng nga ai majaw htai dan lu na ndai,” ngu nna tsun wu ai.

Jinghpaw Hanson Version Bible

¹⁸ Ngai hkawhkam Nebuhkadneza gaw ndai yup mang mu ni ai: ya nang Belteshaze e, de a lachyum htai dan ya e; nye a mungdan hta hpaji rawng ai ni kadai mung, de a lachyum n htai dan lu timung, chyoi pra ai hpara ni a wenyi nang hta rawng nga ai majaw, nang htai dan lu ndai,” ngu nna Daniela hpe hkai dan nngai.

Daniela 4:18 ပူးပေါင်းရင်းမြစ်များ

NINGPAWT NINGHPANG 40:12

Yosep gaw, “De a lachyum ndai hku rai nga ai. Sabyi lakung masum gaw masum ya rai nga ai.

NINGPAWT NINGHPANG 41:15

Hkawhkam wa gaw shi hpe, “Ngai yup mang langai mu nngai, dai hpe kadai mung n htai lu ma ai. Nang chyawm gaw yup mang ni hpe htai ya lu nga ndai hpe ngai chye da ni ai,” ngu nna tsun wu ai.

NINGPAWT NINGHPANG 41:8

Jahpawt rai jang, shi myit ru nga ai rai nna, Egutu mung na mandan lakle chye ai sara ni hte hpaji byeng-ya chye ai ni yawng hpe shi shaga la nhtawm shi a yup mang hpe hkai dan wu ai. Rai ti mung, shi mu ai yup mang htai ya lu ai masha mi n nga nga ai.

ESAIA 19:3

Ngai gaw Egutu masha ni a hpaji daw maw mawn ai lam ni hte shanhte a myit jasat lam ni hpe jahten sharun kau ya na we ai. Shanhte gaw shanhte a hpara sumla ni hpe karum la na matu hpyi lajin wa na mara ai. Shanhte gaw nat myihtoi ni kaw sa du nna bawng ban jahkrup ai hte hpaji jaw ga a matu si mat sai ni a tsu minla hte ga shaga na lajin wa na mara ai.

Daniela 1:20

Ndai marai mali gaw hkawhkam wa san ai kaning re ai ga san hpe mung, manghkang hpe mung shi a mungdan ting hta nga ai lakle sara ni hte mandan bau ai kadai hta mung htam shi grau nna chye nga ai.

Daniela 2:38

Shi gaw nang hpe lamu ga ntsa na masha nga manga yawng hpe mung, dusat yam nga yawng mayawng hte ntsa malen u ni yawng a ntsa e mung up hkang shangun nga sai. Nang gaw aja baw rai nga ndai.

Daniela 2:7

Shanhte gaw hkawhkam wa hpe, “Madu hkawhkam dai yup mang hpa rai nga ai hpe tsun dan lu ai rai yang, anhte dai hpe htai na ga ai,” ngu nna bai htan ma ai.

Daniela 5:15

Ya ndai ka da ai ga hpe hti nna dai ga a lachyum ngai hpe htai dan na matu hpaji jaw ni hte mandan bau ai ni hpe jashawn la ti mung, de a lachyum shanhte n mu tam lu ma ai.

Daniela 5:8

Hkawhkam wa a hpaji jaw masha ni shawng de sit sa wa ma ai, rai ti mung, kadai mung dai laika hpe n chye hti nga ai; de a lachyum hkawhkam wa hpe n htai dan lu ma ai.

AMO LAIKA (AMOS) 3:7

Tsaw Htum ai dai Madu gaw shi myit mang ai lam, shi a shangun ma myihtoi ni hpe garai n shadan yang, hpa lam hpe mung shi galoi mung n galaw yu nga ai.