Daniela 4:14 - Jinghpaw Common Language Bible 2009

¹⁴ Shi gaw nsen ja ja hte, ‘Hpun hpe kran kau nna de a lakung lakying ni hpe krum kau u; de a alap ni hpe ashin kau nhtawm asi ni hpe sharun ayai kau u. De a hpun npu hkan nga ai dusat ni hte lakung lakying hkan dung ai ntsa malen u ni hpe shaden kau u.

Jinghpaw Hanson Version Bible

¹⁴ ‘Hpun hpe kran kau u; lakung lakying ni hpe krum kau mu; asi alap ni hpe sharun ayai kau mu: ashu ashan ni gaw dai hpun npu na pru wa nna, u ni gaw lakung lakying ni hta na pyen mat wa mu ga.

Daniela 4:14 ပူးပေါင်းရင်းမြစ်များ

YOBA 24:20

Ya pyi, shi a kanu shi hpe dum ai n rai; shanhte gaw byet e sha kau hkrum nna agrawp daw mat ai hpun zawn hten za mat nga ma ai.

YEREMIA 27:5

“Nye a galu kaba ai daru magam n-gun, lahpum marai hte ngai gaw mungkan ga hpe mung, shinggyim masha hpe mung, ginding aga ntsa e shanu nga ai yam nga mahkra hpe mung, hpan tawn da ni ai; ngai lata la sai masha kadai hpe mung dai ni hpe ngai jaw ya nngai.

YEREMIA 51:6

Babelon a shut hpyit ai yubak a majaw sat kau ai n hkrum myit ga, Babelon mung kaw nna hprawng mat wa mu! Ngai gaw shanhte hkam la ging ai ari hkam la na matu nye a matai hpe ya dawp na nngai.

YEREMIA 51:9

Dai mung hta shanu nga ai maigan masha ni gaw, ‘Babelon hpe karum la na matu anhte shakut ga ti mung, dai gaw grai hpang hkrat mat sai. Ya chyawm gaw anhte tawn kau da nna tinang a buga dum nta de wa mat saga. Karai Kasang gaw shi a chyalai n-gun mahkra hte Babelon hpe ari jaw nu ai, dai mung hpe atsai awai shamyit kau nu ai,’” ngu nna tsun ma ai.

EZEKELA 31:10

“Dai rai nna, Tsaw Htum ai dai Madu ngai nan sumwi dep hkra tu kaba wa sai hpun hta hpa byin wa na lam, nang hpe tsun dan na we ai. Dai hpun grau tsaw lung wa magang gumrawng gumtawng ai mung grau jat wa rai nga ai;

Daniela 2:21

Shi gaw aten ahkying hte ladaw ni hpe hkang nga ai; shi gaw hkawhkam ni hpe hkaw dung shangun nna bai shayu kau nga ai; shi gaw hpaji byeng-ya hte chye na hkawn hkrang ai nyan jaw ya nga ai.

Daniela 3:4

ga htawn ai wa gaw, “Masha amyu baw ni, amyu bawsang ni hte ga amyu myu shaga ai ni e!

Daniela 4:12

De a hpun lap ni tsawm htap nga ai; dai hta mungkan ga ting sha law hkra asi noi abya nga ai. Matse labye dusat ni mung de a shingnip ni hta sa ra shatai nhtawm, ntsa malen u ni gaw de a lakung lakying ni hta atsip tsip ma ai; hkrung mahkrung baw shagu hte mung de a asi sha ma ai.

Daniela 4:23

Madu hkawhkam sin yu nga yang, lamu kasa langai gaw sumsing lamu kaw nna yu sa nhtawm, ‘Hpun hpe kran kadawng kau nna dai hpe jahten kau u; rai ti mung hpundu hpe mahtang ga hta e tawn da u. Hpri hte magri mang sumri hte dai hpe gyit hkang da u, tsingdu tsingman tu ai sun hta dai hpe tawn da u. Dai masha wa a ntsa e numri hkrat bun u ga. Dai yang e sanit ning tup dusat ni hte rau nga nga u ga,’ ngu nna tsun wu ai.

Daniela 4:29

Shata shi lahkawng a hpang, shi gaw Babelon mung na shi a hkawhkam htingnu numgaw htap e hkawm htinglet nga yang,

Daniela 5:20

Rai ti mung shi mahtang gumrawng gumtawng ai hte du ja nna mazut gumshem nga ai majaw shi a hkawhkam tingnyang kaw na hkrat mat ai hkrum ai hte shi hpe shagrau sha-a ai mung n nga mat nga ai.

Daniela 5:21

Shi a myit masin gaw dusat langai zawn tai mat nna, shinggyim uhpung hta na shapraw kau ai hkrum nga ai. Shi gaw nam na lawze shazai ni hte rau nga nna, dumsu usu zawn tsingdu sha let numri hkrat ai gangbang shara hkan yup nga ai. Hpang jahtum e, shi gaw Tsaw Htum ai Karai Kasang shi lata la sai kadai hpe rai ti mung masha mungdan ni yawng hpe up hkang na ahkang jaw lu nga ai hpe shi yin la nga ai.

MAHTE 3:10

Hpun ni hpe ru npawt kaw nna kran daw kau na matu ningwa hpe hkyen tawn da chyalu rai nna, asi kaja n si ai hpun shagu hpe kran daw kau nna, wan hta kabai bang kau na ra ai.

MAHTE 7:19

Ja ai asi n si ai hpun shagu hpe gaw kran daw kau nna, wan hta kabai bang kau ai hkrum ma ai.

LUKA 3:9

Dai nwa gaw, hpun ni hpe ru kaw nna hkawt kran kau na matu hkyen da chyalu rai nga sai, dai rai nna, asi kaja n si ai hpun shagu hpe kran daw kau nna, wan hta kabai bang kau na rai nga ai,” ai.

SHINGRAN 10:3

hkanghkyi shabam ai zawn, nsen kaba hte jahtau dat wu ai. Shi jahtau dat wu yang, mu ngoi ai mahku sanit hte nsen shapraw nna htan ma ai.

SHINGRAN 18:2

Dai wa gaw nsen kaba hte, “Galu Kaba ai Babelon mare kadawng mat sai! Kadawng mat sai! Dai shara kaw ya nat tsasam ni de nga ai shara, n san n seng ai wenyi shagu a shingwung shara hte n san n seng matsat shabat re ai u amyu myu a shingbyi shara tai mat sai.