Daniela 4:13 - Jinghpaw Common Language Bible 2009

¹³ “Ya ngai dai shingran lam naw myit aru yu nga yang, maja let sin yu nga ai lamu kasa langai sumsing lamu kaw nna yu wa nga ai hpe ngai mu nngai.

Jinghpaw Hanson Version Bible

¹³ “Bai, nye a yup ku ntsa e ngai mu ai shingran hta, yu u, sin langa ngu ai chyoi pra ai wa langai mi sumsing lamu de na yu wa nna, shi gaw,

Daniela 4:13 ပူးပေါင်းရင်းမြစ်များ

YOBA 12:24

Shi gaw shanhte a ningbaw ni hpe angawk shangun nhtawm, aruk arak kashuk kashak brak hkawm shangun let shadam kau wu ai;

SHAKAWN KUNGDAWN 103:20

Chyahtum Chyalai n-gun hte hpring nga nna Madu a hkang da ai ga ni hpe madat mara hkan sa let, shi tsun ai ga ni hpe madat mara nga ai lamu kasa ni e, shi hpe shakawn kungdawn nga mu.

SHAKAWN KUNGDAWN 89:7

Nang gaw chyoi pra ai ni a hpawng hta hkrit hkungga ai lam hkam la lu nga ndai; shanhte yawng hte gaw nang hpe mau mahka let tsap nga ma ai.

Daniela 4:10

“Ngai yup nga yang, hpun kaba langai mi ginding aga a ka-ang hta tu ai hpe shingran mu nngai.

Daniela 4:17

Ndai gaw maja let sin yu nga ai lamu kasa ni a daw dan ai lam rai nga ai. Dai rai nna Tsaw Htum ai Karai Kasang gaw masha mungdan ni a ntsa e daru magam n-gun rawng nga ai mung, n ahkyak htum ai masha ni pyi shi lata la ai rai yang, dai ni hpe shi jaw ya nga ai lam mung, shara shagu hkan na masha ni chye la lu mu ga,’ ngu nna tsun ndau wu ai.

Daniela 4:23

Madu hkawhkam sin yu nga yang, lamu kasa langai gaw sumsing lamu kaw nna yu sa nhtawm, ‘Hpun hpe kran kadawng kau nna dai hpe jahten kau u; rai ti mung hpundu hpe mahtang ga hta e tawn da u. Hpri hte magri mang sumri hte dai hpe gyit hkang da u, tsingdu tsingman tu ai sun hta dai hpe tawn da u. Dai masha wa a ntsa e numri hkrat bun u ga. Dai yang e sanit ning tup dusat ni hte rau nga nga u ga,’ ngu nna tsun wu ai.

Daniela 4:5

Rai ti mung ngai yup nga yang, hkrit kajawng shangun ai yup mang hte hkrit kahpra shangun ai shingran ni hpe mu nngai.

Daniela 7:1

Babelon hkawhkam Belshaza hkaw dung ai shawng shaning hta, ngai gaw yup mang hte shingran hpe shana e mu nngai. Ngai gaw yup mang ka matsing da nngai, ndai gaw

Daniela 7:17

Shi gaw, “Ndai kaba ai matse labye dusat mali gaw ginding aga ntsa hta paw pru wa na ra ai hkawseng mungdan mali rai nga ai.

Daniela 7:23

Da ndai gaw ngai hpe jaw ai sanglang lam rai nga ai: “Mali ngu na matse labye dusat gaw ginding aga ntsa e grin nga na ra ai mali ngu na hkawseng mungdan rai nga ai; dai gaw kaga hkawseng mungdan ni yawng hte shai na ra ai. Dai gaw ginding aga ting hpe agrawp daw kau nna dai hpe kabye anut kau na ra ai.

Daniela 8:13

Dai hpang ngai gaw lamu kasa langai mi gaw kaga wa hpe, “Shingran hta mu lu sai ndai amu ni galoi aten du hkra naw matut byin na rai ta? Shani shagu na shagu hkungga ni a hkang hta hkrit hpa yubak gaw galoi aten du hkra rai na rai ta? Sumsing lamu a luksuk hte Nawku Htingnu gaw galoi aten du hkra kabye anut kau hkrum na rai nga a ta?,” ngu nna tsun ai nsen hpe na nngai.

ZEHKARIA 14:5

Nanhte gaw dai bum yan a lapran kadit lam hku hprawng lawt mat wa na marin dai. Yuda Hkawhkam Uzia lakhtak e, nnang nawn nawn wa yang, nanhte a nji nwa ni hprawng gat ma ai hte maren, nanhte hprawng gat na marin dai. Dai Madu nye a Karai Kasang gaw shi hte rau rai nga ai lamu kasa ni yawng hpe woi sa wa na ra ai.

MAHTE 25:31

“Dai Masha Kasha gaw lamu kasa ni nlang hte rau Hkawhkam hku nna du sa wa ai shaloi shi a hpung shingkang a tingnyang ntsa e dung nga nna,

MARKU 1:24

Dai wa gaw, “Nazaret wa Yesu e, anhte nang hte hpa seng ga ta? Anhte hpe jahten kau na matu nang sa du n ni? Nang kadai re ai hpe ngai chye nga nngai, nang gaw Karai Kasang a Chyoi Pra ai Wa rai nga ndai!,” nga nna marawn jahtau ai.

LUKA 4:34

“Ah! Nazaret wa Yesu e, anhte nang hte hpa seng ga ta? Anhte hpe jahten kau na matu ndai kaw nang sa du nga n ni? Nang kadai re ai ngai chye nga nngai, nang gaw Karai Kasang a chyoi pra ai wa rai nga ndai,” nga ai.

TARA JAHPRANG 33:2

Dai Madu gaw Sina Bum kaw na yu wa nga ai; shi gaw Edom mung a ntsa e ate nga ai jan zawn rawt lung wa nna Paran Bum ntsa kaw na shi a amyu masha ni hpe shadan jahkung nga ai. Lamu kasa mun mi mung shi hte rau nga nga ai rai nna, shi a hkra lata hta grung ai wan tu nga wu ai.

YUDA 1:14

Adam a prat kaw nna ading tawk yu hkrat wa ai prat sanit ngu na Enuk gaw moi chyaloi nhkoi kaw nna ndai masha ni a lam hpe, “Dai Madu gaw shi a chyoi pra ai lamu kasa mun mun sen sen hte du sa nna,

SHINGRAN 14:10

Karai Kasang a pawt sindawng kahtet ngu ai gawm hta hpring hkra ru bang tawn ai grai ja ai pawt bu ngu ai sabyi ntsin hpe lu lu na ra ai. Dai hta n ga, shi gaw chyoi pra ai lamu kasa ni a man e mung, dai Sagu Kasha a man e mung, wan hte kan kayau ai hta nni nkri zingri ai hkrum na ra ai.