Daniela 3:29 - Jinghpaw Common Language Bible 2009

²⁹ “Ya chyawm gaw amyu baw shagu, amyu bawsang shagu hte ga amyu myu tsun ai amyu ni hta kadai rai ti mung Shadrak, Meshak hte Abednego ni a Karai Kasang hpe n gawn n sawn di ai rai yang, shi gaw kahtum kadaw di kau ai hkrum nna shi a nta mung run sumpum kau ai hkrum lu na rai nga ai. Ndai zawn hkye mawai la lu ai karai shaje kanang e mung nga nga ai n rai,” ngu nna hkang dat wu ai.

Jinghpaw Hanson Version Bible

²⁹ Dai re ai majaw, masha amyu baw shagu hte, ga amyu kaga ga tsun ai amyu ni hta na langai ngai, Shadrak, Meshak, Abed-nego a Karai Kasang hpe shatan yang, dai ni gaw kahtum gadaw di ai hkrum mu ga; shanhte a nta ni nga hkyi sumpum tai u ga, nga nna ngai hkang da ni ai: kaning rai nme law, dai zawn hkye hkrang la lu ai Karai Kasang shaje n nga ai,” nga nna tsun nhtawm,

Daniela 3:29 ပူးပေါင်းရင်းမြစ်များ

2 HKAWHKAM 10:27

Shaloi shanhte gaw chyoi pra ai shadaw hte htingnu hpe run agrawp kau nhtawm htingnu hpe namdum shatai kau mu ai gaw dai ni du hkra naw nga nga ai.

EZRA 6:11

Kadai mung ndai hkang da ai ga hpe n madat ai rai yang, shanhte a nta na hpunngau shaw la nna matu masen nhtawm shi a hkum kata hku dawk bang ya na, ngai kahtap hkang dat nngai. Shi a nta hta mung shanut sumpum shatai kau ya na rai nga ai.

SHAKAWN KUNGDAWN 3:8

Awng padang gaw Madu kaw nna rai nga ai- Shi gaw shi a amyu masha ni a ntsa e, shaman ya nga u ga law.

SHAKAWN KUNGDAWN 76:10

Masha a masin kahtet ai lam gaw na a matu grau nna shakawn na lam chyu sha shabyin ya nga ai; majan ni hta n si ai sha, naw hkrung ngam nga ai ni gaw na a masat da ai poi ni hta kabu gara shang lawm lu na mara ai.

Daniela 1:19

Hkawhkam wa shanhte yawng hte ga shaga yu wu yang, Daniela, Hanania, Mishaela hte Azria hte gaw kaga ni hta jan nna shi hpe myit shang sha shangun nga ma ai. Dai rai nna, shanhte gaw hkawhkam wang na masha ni tai wa masai.

Daniela 1:7

Du salang hpa-awn wa mung shanhte hpe Belteshaza, Shadrak, Meshak hte Abednego ngu nna mying nnan jaw wu ai.

Daniela 2:17

Dai hpang Daniela gaw nta de wa nna shi a manang ni rai nga ai Hanania, Mishaela hte Azaria ni hpe byin mabyin tsun dan wu ai.

Daniela 2:47

Hkawhkam wa gaw, “Na a Karai Kasang gaw karai ni yawng hta galu kaba htum ai wa rai nna, hkawhkam ni a madu, makoi magap da ai amu ni hpe shadan dan ai wa rai nga ai. Ndai makoi magap ai amu hpe nang tsun shaleng dan lu nit dai majaw ndai lam ngai chye ni ai,” ngu nna tsun wu ai.

Daniela 2:49

Daniela hpyi shawn ai hte maren, hkawhkam wa gaw Babelon mungdaw a amu ni hpe woi hpareng na matu Shadrak, Meshak, Abednego hte hpe san da ya wu ai. Daniela chyawm gaw hkawhkam wang hta anga nga ai.

Daniela 2:5

Hkawhkam wa gaw shanhte hpe, “Nanhte gaw yup mang dai hpe mung, de a lachyum hpa rai nga ai mung ngai hpe tsun dan lu na rai myit dai, ngu ngai myit da ni ai. Nanhte n lu tsun dan ai rai yang, nanhte hpe kahtum kadaw di kau nna, nanhte a dum nta ni hpe run sumpum kau ya na made ai.

Daniela 3:12

Babelon mungdaw hpe woi hpareng na matu nang san da ai Shadrak, Meshak hte Abednego ngu ai Yuda masha nkau mi chyawm gaw madu a hkang da ai ga ni hpe n madat nga ma ai. Shanhte gaw na a karai hpe n nawku ai hte nang shadun da ai hkrang sumla hpe n gum dagup nga ma ai,” ngu nna tsun ma ai.

Daniela 3:15

Ya chyawm gaw, nanhte dai pahke, tingse, sumpyi chyingbau, dawraw hte kaga madum sumpyi ni yawng dum ai nsen na ai hte rau hkrang sumla hpe gum dagup let nawku na rai myit dai. Dai zawn n galaw ai rai yang, nanhte hpe grung nga ai wan htung de kalang lata kabai bang kau ai hkrum na marin dai. Nanhte hpe hkye hkrang la lu ai kaga karai naw nga ai zawn nawn da nga myit ni?,” ngu nna tsun wu ai.

Daniela 3:17

Anhte daw jau ai Karai Kasang gaw grung nga ai wan htung kaw na anhte hpe hkye mawai la lu na ra ai; shi gaw na a daru magam n-gun kaw na mung mawai la na ra ai.

Daniela 3:28

Hkawhkam wa gaw, “Shadrak, Meshak hte Abednego hte a Karai Kasang hpe shakawn kungdawn mu! Shi gaw shi a lamu kasa hpe shangun dat nna shi hpe daw jau kamhpa nga ai ndai marai masum hpe hkye mawai la nu ai. Shanhte gaw nye a hkang da ai ga hpe n madat ai sha, shanhte a Karai Kasang hta kaga karai shaje kadai hpe mung n gum dagup ai hte n nawku na matu asak dan hkra galaw ma ai.

Daniela 6:28

Daniela gaw Dari hkaw dung ai laman hte Persi masha Kuru hkaw dung ai prat e mung galu kaba ngamu ngamai nga ai.

TARA JAHPRANG 32:31

Shanhte a gumlau hpyen ni nan, shanhte a hpara ni n-gun kya nga ma ai hpe mung, Israela Karai Kasang zawn chyalai n-gun n rawng nga ai hpe mung shanhte chye ma ai.