Daniela 3:28 - Jinghpaw Common Language Bible 2009

²⁸ Hkawhkam wa gaw, “Shadrak, Meshak hte Abednego hte a Karai Kasang hpe shakawn kungdawn mu! Shi gaw shi a lamu kasa hpe shangun dat nna shi hpe daw jau kamhpa nga ai ndai marai masum hpe hkye mawai la nu ai. Shanhte gaw nye a hkang da ai ga hpe n madat ai sha, shanhte a Karai Kasang hta kaga karai shaje kadai hpe mung n gum dagup ai hte n nawku na matu asak dan hkra galaw ma ai.

Jinghpaw Hanson Version Bible

²⁸ Ya Nebuhkadneza gaw, “Shadrak, Meshak, Abed-nego a Karai Kasang gaw a nga u ga law: shanhte gaw tinang a Karai Kasang hta kaga, hpara shaje hpe n daw n jau, n naw n ku mu ga, shi hpe kamsham nna, hkawhkam wa a ga hpe lale kau let, tinang a hkum hpe pyi ap kau ma ai majaw, shi gaw shi a shangun ma ni hpe hkye hkrang la na matu, shi a lamu kasa hpe shangun dat nu ai.

Daniela 3:28 ပူးပေါင်းရင်းမြစ်များ

NINGPAWT NINGHPANG 9:26

Shem a Karai Kasang dai Madu hpe shakawn mu! Hkanan gaw Shem a mayam tai mat nu ga.

1 HKAWHKAM LABAU 5:20

Shanhte gaw Karai Kasang hpe kam hpa nga ma ai hte karum la na matu shi kaw akyu hpyi nga ma ai majaw shanhte a akyu hpyi ga ni hpe Karai Kasang htan ya nga ai. Hagari masha ni hte shi a jinghku hpyen hpung ni hpe dang kau lu na awng padang shi shanhte hpe jaw ya mu ai.

2 HKAWHKAM LABAU 20:20

Hpang jahpawt manap jau jau aten e, amyu masha ni dai Tekoa mare makau na nam mali de pru sa mat wa ma ai. Shanhte shamu hpang wa ma yang Yehoshahpat gaw ning ngu nna shanhte hpe tsun matsun wu ai: “Yuda mung hte Yerusalem mare na amyu masha ni e, dai Madu nanhte a Karai Kasang hpe kam hpa nga mu; shaloi nanhte ngang grin wa lu na marin dai. Nanhte hpe tsun ai myihtoi ni a ga hpe kam mu, shaloi nanhte awng dang na marin dai.”

2 HKAWHKAM LABAU 32:21

Dai Madu gaw lamu kasa langai mi hpe shangun dat nhtawm hpyenla ni hte Asuri hpyen luksuk a du salang ni hpe sat kau wu ai. Dai rai nna hkawseng wa gaw myi man sum let Asuri mung de nhtang mat wa wu ai. Lani mi na aten hta shi a karai a nawku shara hta nga nga yang, shi a kasha nkau mi mahtang shanhte a nhtu ni hte shi hpe sat kau ma ai.

EZRA 1:3

Karai Kasang gaw amyu masha ni rai nga ai nanhte yawng hte rau nga nga u ga. Nanhte gaw Yerusalem de wa nhtawm Karai Kasang hpe nawku na matu, dai Madu Israela a Karai kasang a Nawku Htingnu hpe bai gaw gap na rai myit dai.

EZRA 6:11

Kadai mung ndai hkang da ai ga hpe n madat ai rai yang, shanhte a nta na hpunngau shaw la nna matu masen nhtawm shi a hkum kata hku dawk bang ya na, ngai kahtap hkang dat nngai. Shi a nta hta mung shanut sumpum shatai kau ya na rai nga ai.

SHAKAWN KUNGDAWN 103:20

Chyahtum Chyalai n-gun hte hpring nga nna Madu a hkang da ai ga ni hpe madat mara hkan sa let, shi tsun ai ga ni hpe madat mara nga ai lamu kasa ni e, shi hpe shakawn kungdawn nga mu.

SHAKAWN KUNGDAWN 147:11

Rai ti mung, shi hpe shagrau sha-a ai ni hte shi a dinggrin tsaw ra myit hta kam hpa nga ai ni hpe shi ra sharawng nga ai.

SHAKAWN KUNGDAWN 33:18

Dai Madu gaw shi hpe hkrit hkungga ai ni hte shi a dinggrin tsaw ra myit hpe kam hpa nga ai ni hpe, sin yu nga ai.

SHAKAWN KUNGDAWN 33:21

Shi a majaw anhte kabu gara nga ga ai; shi a chyoi pra ai mying nsang hta anhte kam ga ai.

SHAKAWN KUNGDAWN 34:22

Dai Madu gaw shi a amyu masha ni hpe hkye hkrang la na ra ai; makawp maga la na matu, shi kaw du sa ai ni chyawm gaw jahti la ai hkrum na mara ai.

SHAKAWN KUNGDAWN 62:8

Nye a amyu masha ni e, aten shagu Karai Kasang hpe kam hpa nga mu. Shi gaw anhte a shingbyi shara rai nga ai, nanhte a ru tsang lam yawng mayawng shi hpe tsun dan mu.

PRU MAT 20:5

Kaning re ai hpara sumla hpe mung hkum kadawng, hkum nawku et. Ngai gaw dai Madu na a Karai Kasang rai nga nngai majaw shingjawng kashun ai hpe ngai hkam sharang nngai n rai; ngai hpe n dawng n yawt ai amyu matu ni hpe ban masum mali du hkra ngai ari jaw nngai.

ESAIA 12:2

Karai Kasang gaw ngai hpe hkye hkrang la ai wa rai nga ai; Ngai shi hpe kam hpa nga na nngai, hkrit kajawng na n rai. Dai Madu gaw ngai hpe daru magam n-gun hte n-gun lagaw jaw ya nga ai; shi gaw nye a hkye la Madu rai nga ai.

ESAIA 37:36

Dai Madu a lamu kasa langai gaw Asuri ni nga ai dap de sa nna hpyenla 185,000 hte hpe sat kau wu ai. Hpang shani jahpawt jau jau aten hta, shanhte yawng gaw dai shara e si taw nga ma ai.

ESAIA 50:10

Dai Madu hpe shagrau sha-a ai nanhte yawng gaw shi a shangun ma wa a n-gup aga ni hpe madat mara nga ai, nang hkawm sa ai lam gaw kaja wa nsin sin chye nga ai, rai ti mung dai Madu hpe kam hpa nna, na a Karai Kasang hta shamyet shanat nga u.

Daniela 2:47

Hkawhkam wa gaw, “Na a Karai Kasang gaw karai ni yawng hta galu kaba htum ai wa rai nna, hkawhkam ni a madu, makoi magap da ai amu ni hpe shadan dan ai wa rai nga ai. Ndai makoi magap ai amu hpe nang tsun shaleng dan lu nit dai majaw ndai lam ngai chye ni ai,” ngu nna tsun wu ai.

Daniela 3:25

Dai hpang shi gaw, “Dai rai yang, wan kata e marai mali hkawm nga ma ai hpe ngai hpa majaw mu ang nga nngai kun? Ya shanhte gyit da ai hkrum nga ma ai n rai, shanhte hta machyi hkrum ai kumla hpa mung madun nga ma ai n rai; mali ngu na wa mahtang lamu kasa langai zawn san nga ai,” ngu nna san wu ai.

Daniela 4:34

Ya sanit ning lai jang, hkawhkam wa gaw, “Sumsing lamu de mada yu nna shi a myit bai grin wa nga ai. Ngai gaw Tsaw Htum ai Karai Kasang hpe shakawn kungdawn ai hte htani htana ahkrung nga ai wa hpe shagrau hkungga let shi a hpung shingkang hpe kungdawn nngai. “Shi gaw htani htana a up nga na ra ai, shi a mungdan prat mi hte prat mi agrin nga na ra ai.

Daniela 6:16

Dai re ai majaw hkawhkam wa mung Daniela hpe rim la na matu ahkang jaw dat wu ai; shi gaw hkanghkyi ni hte hpring nga ai nhkun de kabai bang ai hkrum nga nu ai. Shi gaw Daniela hpe, “Nang grai sadi dung let daw jau nga ai na a Karai Kasang gaw nang hpe hkye mawai la u ga law,” ngu nna tsun wu ai.

Daniela 6:26

Nye a mungdan ting hta nga nga ai masha shagu hte gaw Daniela a Karai Kasang hpe hkrit kamyin ai hte hkungga lara ang nga ai ngu, ngai hkang da nngai. “Shi gaw ahkrung nga ai Karai Kasang rai nga ai, shi gaw htani htana up hkang na ra ai. Shi a mungdan galoi mung hten run mat na ra ai n rai, shi a daru magam n-gun galoi mung htum mat na ra ai n rai.

MAHTE 4:10

Shaloi Yesu gaw, “Satan e pru mat wa u! ‘Dai Madu na a Karai Kasang hpe nang nawku lu na rai nna, shi hpe hkrai daw jau lu na re ai!, nga nna she ka da nga ai,” ngu nna shi hpe htan wu ai.

KASA 4:19

Rai ti mung Petru yan Yawhan chyawm gaw, “Karai Kasang a ga madat na hta, nanhte a ga madat yang, Karai Kasang a man e mai n mai gaw, nanhte she daw dan yu mu.

KASA 5:19

Rai ti mung, dai shana e Madu a lamu kasa langai mi gaw, htawng chyinghka ni hpe hpaw kau ya nna shanhte hpe shapraw dat let,

ROMA 12:1

Dai re ai majaw hpu nau ni e, Karai Kasang gaw anhte a ntsa e tsaw ra matsan dum ai myit kaba rawng nga ai majaw shi a amu gun hpai na hte shi sharawng awng ai ahkrung nga ai hkungga tai na matu nanhte a hkum hkrang nawng ya na ngai nanhte hpe shadut jahkat dat made ai. Dai gaw nanhte nawng ya ang ai myit masin a teng man ai daw jau ai lam rai nga ai.

1 KORINHTU 13:3

Ngai lu ai nye a arai yawng hte hpe ngai gam kau nna nye a hkum hpe nat kau na matu ap kau rai ti mung, tsaw ra ai myit n rawng yang gaw, ngai hta hpa akyu nga na n rai.

HPILIPI 1:20

Ngai gaw galoi mung nye a lit hpe n hprai ai sha, aten shagu hta rai ti mung, grau nna ya e rai ti mung, magrau grang ai atsam marai hte hpring tsup let, ngai hkrung ti mung, si ti mung nye a asak hkrung lam ting hta Hkristu a hpung shingkang dan hkung shangun na gaw nye a ra sharawng dik ai lam hte myit mada ai lam rai nga li ai.

HEBRE 1:14

Dai rai yang gaw, lamu kasa ni gaw kadai ni rai nga ma ta? Shanhte gaw hkye hkrang la ai sali wunli hkam la na ni hpe karum na matu Karai Kasang e shangun dat hkrum ai hte Karai Kasang hpe daw jau nga ai wenyi ni rai ma ai.

HEBRE 11:37

Shanhte gaw nlung hte kabai sat ai, zingret hte ret dut sat ai, nhtu hte htau sat kau ai hkrum sha ma ai. Shanhte gaw matsan mayan rai nna zingri zingrat ai, nni nkri aroi arip re ai hkrum let sagu hpyi, bainam hpyi hpun nna htawt hkawm nga ma ai.

1 PETRU 1:21

Madu Yesu hpe si ai kaw na bai hkrung sharawt la nna hpung shingkang ap ya hkrum ai wa a marang e, nanhte Karai Kasang hpe kam sham nga manit dai; shing rai nanhte a makam masham hte myit mada ai lam gaw, Karai Kasang hta jung noi nga ai.

SHINGRAN 12:11

Anhte a hpu nau ni gaw, Sagu Kasha a asai majaw mung, shanhte sakse hkam nga ai teng man ai mungga a majaw mung, Satan hpe awng dang kau lu mu ai rai nna, shanhte gaw si ai du hkra tinang a asak hpe n lahpawt ma ai.