Daniela 3:27 - Jinghpaw Common Language Bible 2009

²⁷ Hkawhkam kasha ni, munggyi ni, mung du ni hte kaga du salang ni gaw wan kata e hpa machyi n hkrum nga ai marai masum hpe jawm yu let hpawng nga ma ai. Shanhte a kara singgawng langai mi pyi katip mat ai n rai; shanhte a bu hpun palawng ni hkru mat ai n rai, dai ni hta wan sama pyi n manam nga ai.

Jinghpaw Hanson Version Bible

²⁷ Shing rai, munggyi ni, du ni, hpyen du ni hte hkawhkam a mung bawng salang ni gaw zuphpawng nna, dai marai masum hpe jawm yu ma ai: wan gaw shanhte a hkum hpe n hkru ai hte, shanhte a kara singgawng langai mi pyi hkru magyi ai n rai; shanhte a hpun palawng mung n shai ai hte, wan sama pyi n manam ai hpe, mu mu ai.

Daniela 3:27 ပူးပေါင်းရင်းမြစ်များ

1 HKAWHKAM 13:28

Shi jawn mat wa yang, nmaw lam ntsa e myihtoi wa a moi mang taw nga ai hpe, de a makau e lawze hte hkanghkyi tsap nga ai hpe mung sa mu wu ai. Dai hkanghkyi chyawm gaw moi mang mung n sha, lawze hpe mung n amya rai nga la ai.

2 HKAWHKAM 19:19

Ya chyawm gaw anhte a Madu Karai Kasang e, anhte hpe Asuri ni a lata kaw nna mawai la mi; shaloi mungkan ga na masha amyu ni yawng hte gaw nang chyu sha Madu Karai Kasang rai nga ai hpe chye wa na mara ai,” ngu nna hpyi wu ai.

SHAKAWN KUNGDAWN 83:18

Nang chyu sha Madu rai nga ai lam hte ga ntsa ting hta e, Tsaw Htum ai Wa rai nga ai lam hpe shanhte chye na la mu ga law.

ESAIA 26:11

Nang gaw na a gumlau hpyen ni hpe ari jaw na ra ai lam hpe shanhte n chye ma ai. Madu e, shanhte hpe kaya kahpa jahkrum nna nni nkri hkam sha shangun u; nang hkyen da ya sai ari ahpri shanhte hpe hkam sha shangun u. Na a amyu masha ni hpe nang kade daram tsaw ra nga ndai gaw, shanhte hpe madun dan u law.

ESAIA 43:2

Sung ai hka hku nang rap wa ai shaloi, ngai nang hte rau rai nga na nngai; na a ru yak tsin-yam tsindam ni nang hpe ka-up kau na ra ai n rai. Nang gaw wan hku kabye lai wa ai shaloi, hkru na ndai n rai; dai laja lana re ai chyam dinglik ai gaw nang hpe machyi hkra na ra ai n rai.

Daniela 3:21

Dai re ai majaw shanhte gaw dai masha ni hpe hpun palawng ni, palawng galu ni, lagup ni yawng hte hpawn gyit nna grung nga ai wan htung kata de kabai bang kau ma ai.

Daniela 6:23

Hkawhkam wa gaw nachying kabu ai hte Daniela hpe nhkun kaw na gang shaw la na matu hkang dat wu ai. Shanhte gang shaw la ngut ai shaloi, Karai Kasang hpe shi kamhpa ai a jaw e, shi hta kachyi mi pyi n machyi hkrum nga ai hpe mu mada nga ma ai.

Daniela 6:7

Anhte yawng ngu na a hkawseng mungdan hpe up hkang nga ai-reng hkang ai ni, munggyi ni, mung du ni hte kaga du salang ni gaw nang madu hkawhkam wa kaw nna n hkan sa n mai re ai tara langai htuk shapraw ya mi ga, myit hkrum da saga ai. Dai gaw nang madu hkawhkam wa hta kaga karai kaw nna mung, masha kaw nna mung, ndai nhtoi sumshi ya laman, arai lama ma hpyi lajin na ahkang kadai hpe mung n lu jaw na lam hkang da u. Dai hkang da ai ga hpe tawt lai ai wa kadai mung hkanghkyi ni hte hpring nga ai nhkun kata de kabai bang ai hkrum lu na ra ai.

MAHTE 10:30

Nanhte a baw na kara singgawng mahkra hpe pyi gaw hti da nu ai.

KASA 26:26

Hkawhkam Agripa e ndai amu lam ni hpe nang chye nga ndai majaw, na a man e ngai nden ja ai hte tsun dan nngai. Dai amu lam gaw shingjut shingnaw hkan e sha byin ai n re ai majaw dai byin mabyin hpe hkawhkam wa nang n chye ai mi n nga na re ngu nna ngai kam nga nngai.

KASA 27:34

Dai re ai majaw, lusha lama ma sha mu, dai gaw nanhte hkrung nga na matu ra ahkyak ai lam rai nga ai. Nanhte a kara singgawng langai mi pyi sum hkrum na n rai, ngu nna shalan wu ai.

HEBRE 11:34

Ja la ai wan nsa ni hpe sat kau lu ma ai. Masha ni a nhtu nshan kaw na mung hprawng lawt lu ma ai. Shanhte n-gun kya ai rai ti mung, n-gun shaja ya ai lu la ma ai majaw majan pa e magrau grang lu ma ai hte masha tsasam ni a hpyen hpung ni hpe dang kau lu ma ai.