Daniela 3:26 - Jinghpaw Common Language Bible 2009

²⁶ Dai rai nna Nebuhkadneza gaw grung nga ai wan htung chyinghka lam de sa wa nhtawm, “Shadrak! Meshak! Abednego! Tsaw Htum ai Karai Kasang a shangun ma ni e, pru wa marit!,” ngu nna jahtau tsun wu ai. Shanhte mung kalang lata pru wa ma ai.

Jinghpaw Hanson Version Bible

²⁶ Nebuhkadneza gaw grung nga ai wan htung mahka de sit sa nhtawm, “Tsaw Htum ai Karai Kasang a shangun ma Shadrak, Meshak, Abed-nego hte e, pru wa marit,” ngu mu ai. Dai rai nna shanhte gaw wan kata de na pru wa ma ai.

Daniela 3:26 ပူးပေါင်းရင်းမြစ်များ

NINGPAWT NINGHPANG 14:18

Tsaw Htum ai Karai Kasang a hkinjawng rai nna, Salem hkawhkam tai nga ai Melhkizedek mung Abram hpang de muk hte sabyi la sa ya nna,

1 HKAWHKAM 8:51

Shanhte gaw Egutu mung grung nga ai wan htung kaw na nang woi shapraw wa ai na a amyu masha majing ni rai nga ai.

EZRA 5:11

“Shanhte gaw, ‘Anhte gaw sumsing lamu hte ginding aga a Karai Kasang a shangun ma ni rai nga ga ai. Daru magam n-gun rawng ai Israela hkawhkam langai mi gaw lai sai shaning law law kaw nna shawng gap hpang da sai Nawku Htingnu hpe bai gap nna ra ai arung arai ni hpe jahting da ga ai.

SHAKAWN KUNGDAWN 66:12

Anhte a gumlau hpyen ni hpe anhte a ntsa e, nang kabye shangun nna; anhte gaw wan hpyen, hka mawru hpyen ni hpe hkrum kadup lai wa saga ai; rai ti mung, ya chyawm gaw, nang anhte hpe shim lum ai shara de woi wa nga nit dai.

ESAIA 28:16

Ya chyawm gaw, ndai lam hte seng nna Tsaw Htum ai dai Madu gaw, “Ngai gaw Ziun Bum ntsa e ngang kang ai hte n-gun ja ai npawt nhpang gaw da na nngai. Ngai gaw dai shara hta, ‘Makam masham gaw ngang grin nga ai hte hkam sharang ai mung rai nga ai,’ ngu ai laika ka shakap da ai ngang ai njut nlung langai jahkrat bang da na nngai.

ESAIA 52:12

Ndai lang chyawm gaw nanhte tin shapun pru mat wa ra na myit dai n rai; nanhte hprawng shakut ra na myit dai n rai. Dai Madu na a Karai Kasang gaw nanhte hpe lam woi nna kade nde nanhte hpe makawp maga na ra ai.

YEREMIA 11:4

Ndai gaw shanhte a matu agrung nga ai wan htung zawn rai nga ai Egutu mung kaw nna shanhte hpe ngai shapraw wa ai shaloi, shanhte a kaji kawa ni hte ngai galaw tawn ai ga shaka rai nga ai. Ngai gaw shanhte hpe nye a ga madat nna ngai hkang da sai lam magup hpe hkan galaw na matu tsun da ni ai. Shanhte nye a ga madat mara ai rai yang, shanhte gaw nye a amyu masha ni tai nna, ngai gaw shanhte a Karai Kasang tai na lam mung, ngai shanhte hpe tsun ni ai.

Daniela 2:47

Hkawhkam wa gaw, “Na a Karai Kasang gaw karai ni yawng hta galu kaba htum ai wa rai nna, hkawhkam ni a madu, makoi magap da ai amu ni hpe shadan dan ai wa rai nga ai. Ndai makoi magap ai amu hpe nang tsun shaleng dan lu nit dai majaw ndai lam ngai chye ni ai,” ngu nna tsun wu ai.

Daniela 3:17

Anhte daw jau ai Karai Kasang gaw grung nga ai wan htung kaw na anhte hpe hkye mawai la lu na ra ai; shi gaw na a daru magam n-gun kaw na mung mawai la na ra ai.

Daniela 4:2

Tsaw Htum ai Karai Kasang gaw ngai hpe madun dan sai mauhpa amu hte lamik kumla ni a lam madat yu mu.

Daniela 6:20

Shi gaw dai shara de du jang, myit tsang ai hte, “Ja e, ahkrung nga ai Karai Kasang a shangun ma Daniela e! Nang sadi grai dung let daw jau ai Karai Kasang gaw hkanghkyi ni kaw na hkye hkrang la lu nga a ni?,” ngu nna jahtau tsun wu ai.

Daniela 6:21

Daniela gaw, “Madu hkawhkam gaw htani htana hkrung nga u ga law!

Daniela 7:25

Shi gaw Tsaw Htum ai Karai Kasang hpe tsun ninghkap nna, Karai Kasang a amyu masha ni hpe dip gamyet kau na ra ai. Shi gaw shanhte a makam masham tara ni hte lusha poi ni hpe galai kau mayu na ra ai. Karai Kasang a amyu masha ni mung shi a daru magam n-gun npu hta masum ning jan taw nga na mara ai.

KASA 16:17

Dai shangun ma numsha gaw Pawlu hte anhte a hpang hkan nang nna, “Ndai ni gaw law, Tsaw Htum ai Wa a shangun ma ni rai nna nanhte kaning rai hkye hkrang la hkrum na lam tsun shana dan ai ni rai nga ma ai law!” nga nna jahtau htau re ai.

KASA 16:37

Rai ti mung Pawlu gaw, “An Roma mungchying sha she rai nga ga ai hpe hpa mara hte mung garai n san daw dan yang, masha a man e an hpe kayat nna htawng hta jahkrat da myit htawm me, ya atsin sha lagyim dat dat na maw ma hka i? Dai hku an pru mat wa na n rai law! Shanhte hkum lala she sa shapraw la mi ga,” ngu nna shanhte hpe htan dat mu ai.

KASA 27:23

Hpa majaw nga yang ngai hpe up ai, ngai nawku daw jau ai Karai Kasang a lamu kasa langai mi mana e nye a makau e sa tsap nna,

GALATI 1:10

Hpa majaw nga yang, ngai ning nga tsun ai gaw, masha a tau madi shadaw ai hpe lu la na matu shakut nga nngai kun? Dai hku n rai law! Ngai ra sharawng ai lam gaw Karai Kasang a myit hkrum ra sharawng ai lam sha rai nga ai. Ngai gaw masha a man e kajai gumhkawng hkra shakut nga a ni? ngai gaw masha a ra ai lam naw tam shakut nga a yang gaw, Hkristu a ali ama ngai rai na nngai n rai.

TARA JAHPRANG 4:20

Rai ti mung nanhte gaw dai ni rai nga ai hte maren, shi a amyu masha jet tai nga myit ga nga, Egutu mung a grung nga ai wan htung kaw na mawai da ai amyu masha ni rai nga myit dai.

YAWSHU 3:17

Amyu masha ni hkun hkraw ai ga ntsa hku kabye rap nga ma yang, dai Madu a Ga Shaka Sumpu hpai nga ai hkinjawng ni gaw amyu masha ni yawng rap kawt mat wa ai aten du hkra Yawdan hka ka-ang na hkun hkraw ai ga ntsa e tsap nga ma ai.

YAWSHU 4:10

Amyu masha ni galaw na matu dai Madu Yawshu hpe hkang da nu ai amu magup ngut kre ai aten du hkra, Yawdan hka ka-ang e hkinjawng ni tsap nga ma ai. Ndai gaw Mawshe hkang da sai lam rai nga ai. Amyu masha ni chyawm gaw tin tin rap mat wa ma ai.

SHINGRAN 19:5

Bai, dai tingnyang kaw na ngoi pru ai nsen langai mi gaw, “Karai Kasang a shangun ma ni yawng hte, shi hpe hkrit kamyin ai kaji kaba yawng hte e, anhte a Karai Kasang hpe shakawn kungdawn mu law!,” nga nna tsun ai.