Daniela 3:25 - Jinghpaw Common Language Bible 2009

²⁵ Dai hpang shi gaw, “Dai rai yang, wan kata e marai mali hkawm nga ma ai hpe ngai hpa majaw mu ang nga nngai kun? Ya shanhte gyit da ai hkrum nga ma ai n rai, shanhte hta machyi hkrum ai kumla hpa mung madun nga ma ai n rai; mali ngu na wa mahtang lamu kasa langai zawn san nga ai,” ngu nna san wu ai.

Jinghpaw Hanson Version Bible

²⁵ Hkawhkam wa mahtang, “Yu mu, marai mali n gyit n hkang ai hte, hkala nba n hkrum ai, wan kata e hkawm nga ma ai hpe, ngai mu nngai; mali ngu na wa gaw, hpara kasha nsan nga ai,” nga nna tsun let,

Daniela 3:25 ပူးပေါင်းရင်းမြစ်များ

YOBA 1:6

Sumsing sha ni dai Madu a man de dan pru na nhtoi du jang, Satan mung shanhte hta hkan ganan nang nga ai.

YOBA 38:7

Dai shani a jahpawt nhtoi htoi wa ai aten hta shagan ni rau sha mahkawn shakawn nna, sumsing sha ni kabu gara jahtau garu ma ai.

YOBA 5:19

Shi gaw nang hpe aten mi hte aten mi machyi hkrum ai kaw na hkye mawai la na ra ai;

SHAKAWN KUNGDAWN 34:7

Madu hpe shagrau sha-a ai ni hpe shi a lamu kasa ni bau sin nga ma ai; hkrithpa shara kaw na mung, shanhte hpe mawai la nga ai.

GA SHAGAWP 30:4

Sumsing lamu hte seng ai machye machyang hpaji hpe, kadai wa hkrak dang chye lu nga a ta? Shi a lata hta nbung hpe rim latup da yu sai gaw, kadai wa nga nga yu sata? Sumpan hkyep hte hka hpe makai hkayawp yu sai gaw, kadai wa nga nga yu sata? Ginding aga a jarit ni hpe, kadai wa shangang shagrin da yu sata? Shi gaw kadai wa rai nga a ni? Shi a kasha gaw kadai wa rai nga a ni? Nang chye ai rai yang, tsun u.

ESAIA 43:2

Sung ai hka hku nang rap wa ai shaloi, ngai nang hte rau rai nga na nngai; na a ru yak tsin-yam tsindam ni nang hpe ka-up kau na ra ai n rai. Nang gaw wan hku kabye lai wa ai shaloi, hkru na ndai n rai; dai laja lana re ai chyam dinglik ai gaw nang hpe machyi hkra na ra ai n rai.

YEREMIA 1:8

Shanhte hpe hkum hkrit nga et, ngai gaw nang hpe makawp maga na matu nang hte rau nga nga na nngai. Dai Madu ngai nan tsun ni ai!,” ngu nna tsun wu ai.

YEREMIA 15:21

N hkru ai hte kashun kashe du daw sai hkaw amu galaw ai masha ni a lata kaw na ngai nang hpe mawai la na nngai. Dai Madu ngai nan tsun ni ai,” nga nna tsun htang wu ai.

Daniela 3:18

Rai ti mung, shi lama wa n hkye la ai rai tim, madu hkawhkam, anhte gaw na a karai hpe nawku na ga ai n rai; nang shadun da sai ja hkrang sumla hpe mung anhte gum dagup na ga ai n rai,” ngu nna tsun ma ai.

Daniela 3:24

Nebuhkadneza gaw mau mat ai hte akajawng sha gan rawt nhtawm shi a du salang ni hpe, “Ataw, anhte gaw marai masum hpe sha gyit nna grung ai wan htung kata de shanhte hpe kabai bang kau ga ai n rai ni?,” ngu nna san wu ai. Shanhte gaw, “Rai sa, madu hkawhkam e, anhte galaw saga ai,” ngu nna htan ma ai.

Daniela 3:28

Hkawhkam wa gaw, “Shadrak, Meshak hte Abednego hte a Karai Kasang hpe shakawn kungdawn mu! Shi gaw shi a lamu kasa hpe shangun dat nna shi hpe daw jau kamhpa nga ai ndai marai masum hpe hkye mawai la nu ai. Shanhte gaw nye a hkang da ai ga hpe n madat ai sha, shanhte a Karai Kasang hta kaga karai shaje kadai hpe mung n gum dagup ai hte n nawku na matu asak dan hkra galaw ma ai.

Daniela 6:23

Hkawhkam wa gaw nachying kabu ai hte Daniela hpe nhkun kaw na gang shaw la na matu hkang dat wu ai. Shanhte gang shaw la ngut ai shaloi, Karai Kasang hpe shi kamhpa ai a jaw e, shi hta kachyi mi pyi n machyi hkrum nga ai hpe mu mada nga ma ai.

MARKU 16:18

Shanhte gaw lapu ni hpe hta jum ma ti mung shing n rai hpa baw gung lu ma timung, shanhte hta hpa n hkrum na ma ai; machyi makaw hkrum ai ni a ntsa e shanhte lata ni hpe mara ya nna mai tsai wa shangun na mara ai. ngu nna matsun dat mu ai.’

LUKA 1:35

Dai lamu kasa gaw, “Chyoi Pra ai Wenyi na a ntsa e du nna, Karai Kasang a atsam nang hpe shingnip ka-up na ra ai; dai re ai majaw, shangai wa na ra ai wa hpe Karai Kasang a Kasha ngu nna shamying ai hkam la na ra ai.

KASA 28:5

Rai ti mung Pawlu gaw dai lapu hpe wan mang de ari bang kau nna hpa tsin-yam mung n hkrum ai anga nga ai.

ROMA 1:4

Chyoi Pra ai Karai hkum hku nna Karai Kasang a Kasha nan rai nga ai hpe shadan dan na matu Karai Kasang gaw hpung shingkang kaba hte dai Madu hpe si ai kaw na bai jahkrung sharawt dat nu ai.

1 PETRU 3:13

Nanhte kaja ai lam galaw na matu sharawng awng nga myit yang gaw nanhte hpe kadai sharu shatsang lu na rai ta?