Daniela 3:24 - Jinghpaw Common Language Bible 2009

²⁴ Nebuhkadneza gaw mau mat ai hte akajawng sha gan rawt nhtawm shi a du salang ni hpe, “Ataw, anhte gaw marai masum hpe sha gyit nna grung ai wan htung kata de shanhte hpe kabai bang kau ga ai n rai ni?,” ngu nna san wu ai. Shanhte gaw, “Rai sa, madu hkawhkam e, anhte galaw saga ai,” ngu nna htan ma ai.

Jinghpaw Hanson Version Bible

²⁴ Shaloi hkawhkam Nebuhkadneza gaw mau mat nna, gan rawt nhtawm, “Ataw, marai masum hpe sha anhte gyit nna, wan kata de jahkrat bang ai, n rai ni?” ngu nna shi a salang bawng ni hpe san mu ai. Shanhte gaw, “Re ai, hkawhkam wa e,” ngu nna htan mu ai.

Daniela 3:24 ပူးပေါင်းရင်းမြစ်များ

2 HKAWHKAM LABAU 22:4

Shi a kawa si mat ai hpang Hkawhkam Ahab a dinghku masha ni shi a hpaji jaw masha ni tai wa nna, shanhte gaw shi hpe hkrat sum mat hkra lam woi shadam kau ma ai majaw dai Madu hpe shi shut kau nga wu ai.

Daniela 3:17

Anhte daw jau ai Karai Kasang gaw grung nga ai wan htung kaw na anhte hpe hkye mawai la lu na ra ai; shi gaw na a daru magam n-gun kaw na mung mawai la na ra ai.

Daniela 3:23

Dai hpang naw gyit da hkrum nga ai Shadrak, Meshak hte Abednego ni gaw grung nga ai wan kata de hkrat bang mat wa ma ai.

Daniela 3:25

Dai hpang shi gaw, “Dai rai yang, wan kata e marai mali hkawm nga ma ai hpe ngai hpa majaw mu ang nga nngai kun? Ya shanhte gyit da ai hkrum nga ma ai n rai, shanhte hta machyi hkrum ai kumla hpa mung madun nga ma ai n rai; mali ngu na wa mahtang lamu kasa langai zawn san nga ai,” ngu nna san wu ai.

Daniela 4:22

“Madu hkawhkam e, nang gaw tsaw nna n-gun ja ai hpun rai nga ndai. Nang gaw grai galu kaba nga nit dai rai nna lamu de dep nga ndai. Na a daru magam n-gun gaw mungkan ga ting hpe ka-up da nga ai.

Daniela 4:27

Dai rai nna madu hkawhkam e, nye a hpaji jaw ga hta hkan u. Yubak lam hpe kau da nna jaw ai amu galaw u. Matsan mayan masha ni hpe matsan dum u. Shaloi nang gaw matut nna ngamu ngamai wa na rai ndai.”

Daniela 5:18

“Tsaw Htum ai Karai Kasang gaw na a nwa Nebuhkadneza hpe hkawhkam kaba shatai nna hpung rawng ai sari sadang hte daru magam hpung dagu jaw ya nu ai.

Daniela 5:6

Shi gaw myi man hten mat nhtawm grai hkrit kajawng mat ai hte lahput mung gari ashun nga wu ai.

Daniela 6:22

Karai Kasang gaw hkanghkyi ni a n-gup ni hpe pat kau ya na matu shi a lamu kasa hpe shangun dat wu ai rai nna, ngai hpe machyi shangun lu ai n rai. Madu hkawhkam wa e, ngai gaw hpa mara n kap nga ai hte nang hpe mung n shut kau nngai gaw shi chye nga ai majaw ndai amu hpe shi galaw wu ai,” ngu nna htan wu ai.

Daniela 6:7

Anhte yawng ngu na a hkawseng mungdan hpe up hkang nga ai-reng hkang ai ni, munggyi ni, mung du ni hte kaga du salang ni gaw nang madu hkawhkam wa kaw nna n hkan sa n mai re ai tara langai htuk shapraw ya mi ga, myit hkrum da saga ai. Dai gaw nang madu hkawhkam wa hta kaga karai kaw nna mung, masha kaw nna mung, ndai nhtoi sumshi ya laman, arai lama ma hpyi lajin na ahkang kadai hpe mung n lu jaw na lam hkang da u. Dai hkang da ai ga hpe tawt lai ai wa kadai mung hkanghkyi ni hte hpring nga ai nhkun kata de kabai bang ai hkrum lu na ra ai.

KASA 12:13

Shing rai dai nta wang chyinghka akawk wu yang Roda mying ai shangun ma num kasha langai mi gaw shaga ai hpe htan ya na matu chyinghka de sa du ai.

KASA 26:13

Jan pungding madi ai ten hta, Hkawhkam wa e, jan hta grau htoi tu ai nhtoi langai mi gaw dai lam e hkawm sa nga ai ngai hte nye a manang ni a grup yin lamu de na htoi tu pru ai hpe ngai mu nngai.

KASA 26:27

Hkawhkam Agripa e, myihtoi ni a ga hpe nang kam n ni? Nang kam nga ndai hpe ngai chye nga nngai!,” ngu wu ai.

KASA 9:6

Rai ti mung, nang rawt u, mare de shang wa u. Nang galaw na lam dai kaw nang hpe tsun dan shangun na we ai,” nga nna tsun ai.

1 SAMUELA 17:55

Dawi gaw Goliat hpe gasat na nga sa wa ai hpe Shawlu mu jang, shi a hpyen dap hpe up hkang ai Abna hpe, “Abna e, shi gaw kade a kasha rai nga a ta?,” ngu nna san wu ai. Shaloi Abna gaw, “Madu hkawhkam e, “Ngai n chye myit lu nngai,” ngu nna htan wu ai.