Daniela 3:23 - Jinghpaw Common Language Bible 2009

²³ Dai hpang naw gyit da hkrum nga ai Shadrak, Meshak hte Abednego ni gaw grung nga ai wan kata de hkrat bang mat wa ma ai.

Jinghpaw Hanson Version Bible

²³ Shadrak, Meshak, Abed-nego ngu ai marai masum chyawm gaw, dai grung nga ai wan htung kata de, gyit hkang let, hkrat bang ma ai.

Daniela 3:23 ပူးပေါင်းရင်းမြစ်များ

SHAKAWN KUNGDAWN 34:19

Dai mai kaja ai masha wa gaw ru yak tsin-yam law law hkrum sha nga ai; Madu gaw dai ni yawng hta na shi hpe hkye hkrang la nga ai.

ESAIA 43:2

Sung ai hka hku nang rap wa ai shaloi, ngai nang hte rau rai nga na nngai; na a ru yak tsin-yam tsindam ni nang hpe ka-up kau na ra ai n rai. Nang gaw wan hku kabye lai wa ai shaloi, hkru na ndai n rai; dai laja lana re ai chyam dinglik ai gaw nang hpe machyi hkra na ra ai n rai.

YEREMIA 38:6

Dai rai nna, shanhte gaw ngai hpe woi la nhtawm sumri hte gyit nna hkawhkam wang kata hkawhkam kasha Malhkiya a hka htung kata de ngai hpe shayu dat ma ai. Dai hka htung hta hka n rawng nga ai, hkumpup hkrai rai nga nna, ngai gaw dai hta lup nga nngai.

Daniela 1:7

Du salang hpa-awn wa mung shanhte hpe Belteshaza, Shadrak, Meshak hte Abednego ngu nna mying nnan jaw wu ai.

Daniela 3:24

Nebuhkadneza gaw mau mat ai hte akajawng sha gan rawt nhtawm shi a du salang ni hpe, “Ataw, anhte gaw marai masum hpe sha gyit nna grung ai wan htung kata de shanhte hpe kabai bang kau ga ai n rai ni?,” ngu nna san wu ai. Shanhte gaw, “Rai sa, madu hkawhkam e, anhte galaw saga ai,” ngu nna htan ma ai.

2 KORINHTU 4:17

Bai anhte jahkring jahkra hkrum hkra nga ai tsin-yam tsindam kaji kajaw mahtang gaw anhte hpe ruyak jam jau hta grau kaba ai hte htani htana re hpung shingkang hpe hkam la shangun na ra ai.

HEBRE 11:34

Ja la ai wan nsa ni hpe sat kau lu ma ai. Masha ni a nhtu nshan kaw na mung hprawng lawt lu ma ai. Shanhte n-gun kya ai rai ti mung, n-gun shaja ya ai lu la ma ai majaw majan pa e magrau grang lu ma ai hte masha tsasam ni a hpyen hpung ni hpe dang kau lu ma ai.