Daniela 3:14 - Jinghpaw Common Language Bible 2009

¹⁴ Shi gaw shanhte hpe, “Shadrak, Meshak, hte Abednego hte e, nanhte gaw nye a karai hpe n nawku hkraw ai hte ngai shadun da ai ja hkrang sumla hpe n gum dagup myit dai gaw teng nga myit ni?

Jinghpaw Hanson Version Bible

¹⁴ Shing rai Nebuhkadneza gaw, “Shadrak Meshak, Abed-nego hte e, nanhte gaw gaja wa nye a hpara hpe dingsa n daw n jau ai hte, ngai shadun da ai ja sumla hpe, n nawku hkraw nga myit ni?

Daniela 3:14 ပူးပေါင်းရင်းမြစ်များ

ESAIA 46:1

Ndai gaw Babelon karai ni a matu jahtum rai nga ai! Bela hte Nebo yan hpe lang mi nawku yu masai, rai ti mung, ya chyawm gaw dai ni gaw lawze ni a ntsa e daw mara ai hte, hki ba ai yam nga shingma a matu lit rai nga sai.

YEREMIA 50:2

“Masha amyu baw ni hpang de shiga tsun shana mu! Dai hpe htawn tsun mu! Masat kumla sharawt mu, shiga ndau shana mu! Dai lam hpe hkum ip da myit! Babelon gaw hkrat sum mat sahka! Shi a Marduk karai daw gamang mat sai! Babelon a hpara sumla ni kaya kahpa hkrum masai; shi a matsat shabat re ai gawkngu sumla ni agrawp ayai mat sai!

Daniela 3:1

Hkawhkam Nebuhkadneza gaw pe 90 tsaw nna pe 9 kaba ai ja hkrang sumla langai galaw nna, Babelon mungdaw na Dura pa hta shadun da wu ai.

Daniela 4:8

Dai hpang Daniela du shang wa ai. (Shi gaw nye a karai a mying hkan nna Belteshaza ngu shaga hkrum nga ai.) Chyoi pra ai karai ni a wenyi gaw shi hta nga nga ai, dai rai nna ngai mu ai yup mang shi hpe tsun dan we ai. Ngai shi hpe ning ngu tsun nngai: