Daniela 2:5 - Jinghpaw Common Language Bible 2009

⁵ Hkawhkam wa gaw shanhte hpe, “Nanhte gaw yup mang dai hpe mung, de a lachyum hpa rai nga ai mung ngai hpe tsun dan lu na rai myit dai, ngu ngai myit da ni ai. Nanhte n lu tsun dan ai rai yang, nanhte hpe kahtum kadaw di kau nna, nanhte a dum nta ni hpe run sumpum kau ya na made ai.

Jinghpaw Hanson Version Bible

⁵ Hkawhkam wa gaw, “Dai yup mang hpe ngai malap kau se ai; rai timung, dai yup mang hte ga lachyum ngai hpe n htai dan yang gaw, nanhte kahtum gadaw di ai hkrum nna, nanhte a nta ni nga hkyi sumpum tai na ra ai.

Daniela 2:5 ပူးပေါင်းရင်းမြစ်များ

2 HKAWHKAM 10:27

Shaloi shanhte gaw chyoi pra ai shadaw hte htingnu hpe run agrawp kau nhtawm htingnu hpe namdum shatai kau mu ai gaw dai ni du hkra naw nga nga ai.

EZRA 6:11

Kadai mung ndai hkang da ai ga hpe n madat ai rai yang, shanhte a nta na hpunngau shaw la nna matu masen nhtawm shi a hkum kata hku dawk bang ya na, ngai kahtap hkang dat nngai. Shi a nta hta mung shanut sumpum shatai kau ya na rai nga ai.

SHAKAWN KUNGDAWN 50:22

“Ngai hpe malap mali rai nga ai wa nang e, ndai ga ni hpe madat yu u: shing n rai, ngai nanhte hpe jahten sharun kau na nngai, nang hpe hkye hkrang la na kadai mung nga na n rai.

SHAKAWN KUNGDAWN 58:7

Shanhte gaw hkyet mat wa ai hka zawn hkoi mat wa mu ga; lam ntsa e tu ai tsing ni hpe zawn shanhte kabye anut kau ai hkrum nga mu ga.

Daniela 2:12

Dai lam a majaw, hkawhkam wa grai n-yun bu ai hte Babelon mung na hkawhkam wa a hpaji jaw masha ni yawng hpe sat shamyit kau na matu hkang dat wu ai.

Daniela 3:29

“Ya chyawm gaw amyu baw shagu, amyu bawsang shagu hte ga amyu myu tsun ai amyu ni hta kadai rai ti mung Shadrak, Meshak hte Abednego ni a Karai Kasang hpe n gawn n sawn di ai rai yang, shi gaw kahtum kadaw di kau ai hkrum nna shi a nta mung run sumpum kau ai hkrum lu na rai nga ai. Ndai zawn hkye mawai la lu ai karai shaje kanang e mung nga nga ai n rai,” ngu nna hkang dat wu ai.

Daniela 4:9

Gumhpan hpan sha ai ni a agyi Belteshaza e, chyoi pra ai karai ni a wenyi nang hta rawng nga ai rai nna makoi magap da ai amu yawng mayawng hpe nang chye na hkawn hkrang nga ndai gaw ngai chye nngai. Ndai gaw nye a yup mang rai nga ai. Ngai hpe de a lachyum tsun dan e.

TARA JAHPRANG 13:16

Dai mare e nga ai masha ni a sut rai yawng mayawng hpe magawn la nhtawm mare lam ka-ang hta sumpum da na rai myit dai. Dai hpang dai Madu nanhte a Karai Kasang hpe hkungga nawng ya ai zawn mare hte hpawn sut rai nlang hte hpe nat kau na rai myit dai. Dai mare gaw prat dingsa hten run mat nna galoi mung bai de lu na n rai.

YAWSHU 6:26

Dai aten hta sadi jaw ai dagam ga Yawshu tsun shapraw dat wu ai: “Yerihko mare hpe bai gaw gap na matu shakut ai wa kadai mung dai Madu a man e dagam dala hkrum nga u ga. Npawt nhpang gaw ai wa kadai mung shi a shadang sha alat mat mat na ra ai; Mare chyinghka gaw ai wa kadai mung shi a kasha hpungdim mat mat na ra ai.”

1 SAMUELA 15:33

Samuela chyawm gaw, “Na a nhtu kanu law law a kasha ni hpe sum kau shangun nit dai zawn, ya na a kanu hpe mung kasha sum kau ai kanu tai kau shangun na rai sai,” ngu nna tsun wu ai. Shi gaw Gilgala shara na tawn hkungri man e Agag hpe kahtum kadaw di kahtam azat kau wu ai.