Daniela 2:48 - Jinghpaw Common Language Bible 2009

⁴⁸ Dai hpang shi gaw Daniela hpe shagrau shatsaw let hkik ai kumhpa law law sak jaw wu ai; shi hpe mung Babelon mungdaw hpe woi hpareng na matu mung, hkawhkam wa hpe hpaji jaw ai ni yawng a ningbaw galaw na matu mung san da wu ai.

Jinghpaw Hanson Version Bible

⁴⁸ Dai hta kaga hkawhkam wa gaw Daniela hpe shagrau shatsaw let, kumhpa kaba amyu myu shi hpe jaw nna, Bebelon mungdaw ting ntsa e up shangun ai hte, Babelon mung na hpaji rawng ai ni mahkra a agyi shatai wu ai.

Daniela 2:48 ပူးပေါင်းရင်းမြစ်များ

2 SAMUELA 19:32

Barazilai chyawm gaw asak matsat shi ning du sai rai nna dingla ugut gu nga sai. Shi gaw grai sut su ai wa rai nna hkawhkam wa Mahanim mare e wa nga nga yang, shi hpe lusha hte hkap daw wu ai.

2 HKAWHKAM 5:1

Suri hpyen luksuk hpe up hkang ai Naman gaw shi a lata hku nna dai Madu Suri masha ni hpe awng padang jaw ya wu ai majaw Suri hkawhkam e shagrau shatsaw ai hte arawng aya kaba hkam la hkrum ai wa rai nga ai. Shi gaw share ninghkrin hpyenla kaba wa rai nga ti mung, manggang ana hkam sha nga wu ai.

YOBA 1:3

sagu hkying sanit, gawla-uk hkying masum, dumsu hkying mi hte lawze manga tsa madu da nga ai. Shi gaw shangun ma law law lu ai rai nna Sinpraw mung hta sut su htum ai wa rai nga ai.

YEREMIA 5:5

Ngai gaw daru magam n-gun rawng ai amyu masha ni kaw sa nna shanhte hte ga shaga na nngai. Shanhte gaw shanhte a Karai Kasang hpa hpyi ai hpe mung, dai Madu shanhte hpe hpa galaw shangun mayu ai hpe mung kaja wa n chye ma ai. Rai ti mung, shanhte yawng gaw dai Madu a ahkang aya hpe shinggan kau nna shi a ga madat na matu ningdang kau ma ai.

Daniela 2:6

Rai ti mung, nanhte mahtang yup mang hte de a lachyum lahkawng yan hpe lu tsun dan myit dai rai yang, nanhte hpe kumhpaw kumhpa ni hte arawng aya kaba jaw shagrau na made ai. Ya chyawm me gaw, yup mang hte de a lachyum hpa rai nga ai lam ngai hpe tsun dan mi,” ngu nna tsun wu ai.

Daniela 3:1

Hkawhkam Nebuhkadneza gaw pe 90 tsaw nna pe 9 kaba ai ja hkrang sumla langai galaw nna, Babelon mungdaw na Dura pa hta shadun da wu ai.

Daniela 3:12

Babelon mungdaw hpe woi hpareng na matu nang san da ai Shadrak, Meshak hte Abednego ngu ai Yuda masha nkau mi chyawm gaw madu a hkang da ai ga ni hpe n madat nga ma ai. Shanhte gaw na a karai hpe n nawku ai hte nang shadun da ai hkrang sumla hpe n gum dagup nga ma ai,” ngu nna tsun ma ai.

Daniela 3:30

Dai hpang hkawhkam wa gaw Shadrak, Meshak hte Abednego hte hpe Babelon ginwang e arawng aya kaba bai jat ya wu ai.

Daniela 4:6

Dai yup mang a lachyum hpa rai nga ai lam ngai hpe tsun dan lu na matu Babelon mung na hpaji jaw masha mahkra hte hpe ngai hpang de woi jashawn sa wa na, ngai hkang dat we ai.

Daniela 4:9

Gumhpan hpan sha ai ni a agyi Belteshaza e, chyoi pra ai karai ni a wenyi nang hta rawng nga ai rai nna makoi magap da ai amu yawng mayawng hpe nang chye na hkawn hkrang nga ndai gaw ngai chye nngai. Ndai gaw nye a yup mang rai nga ai. Ngai hpe de a lachyum tsun dan e.

Daniela 5:11

Chyoi pra ai karai ni a wenyi rawng ai wa langai mi na a mungdan hta nga nga ai. Na nwa hkawhkam galaw nga yang, ndai masha wa gaw karai ni a hpaji hte bung ai mai kaja ai nyan, machye machyang hpaji hte hpaji byeng-ya madun dan nga ai. Na nwa Hkawhkam Nebuhkadneza chyawm gaw shi hpe gumhpan hpan ai ni, mandan lakle sara ni, hpyi lamum sara ni hte jan shata shagan yu ai sara ni a hpa-awn shatai da nga ai.

Daniela 5:16

Ya chyawm gaw, ndai ga makoi a lachyum ni hte makoi magap ai amu ni a lachyum hpe nang sawk tam lu nga ndai gaw ngai na se ai. Dai rai nna, ndai ka da ai laika hpe nang hti lu ai rai yang, de a lachyum hpa rai nga ai gaw ngai hpe tsun dan e, shaloi nang gaw shaba pu nsam rawng ai hkawhkam palawng galu lu hpun nna na a du hta ja kachyi lu gali ai hte ndai mungdan hta masum ngu na daru magam n-gun rawng ai wa tai na rai ndai,” ngu nna tsun wu ai.

Daniela 5:29

Belshaza gaw Daniela hpe shaba pu nsam rawng ai hkawhkam wa a palawng galu jahpun ya na matu mung, shi a du hta shagrau sha-a ai ja kachyi noi ya na matu mung shi a shangun ma ni hpe dai shaloi jang hkang dat wu ai. Shi gaw Daniela hpe mungdan hta masum ngu na daru magam aya lu ai shara hta tawn da wu ai.

Daniela 5:7

Shi gaw gumhpan hpan ai ni, hpyi lamum sara ni hte jan shata shagan yu ai ni hpe jashawn la na matu marai langai ngai hpe jahtau tsun wu ai. Shanhte du shang wa ai shaloi, hkawhkam wa gaw shanhte hpe, “Ya ndai ka da ai lam hte de a lachyum htai dan lu ai wa kadai hpe mung shaba pu nsam rawng ai hkawhkam wa a palawng galu hpun lu nna shi a du grup grup hta shagrau sha-a ai ja kachyi gali lu nhtawm ndai mungdan hta masum ngu na daru magam n-gun rawng htum ai wa tai lu na rai nga ai,” ngu nna tsun wu ai.

Daniela 8:27

Ngai gaw myit hten mat ai hte nhtoi law law machyi hkrum nga nngai. Dai hpang ngai bai rawt nna hkawhkam wa ngai hpe lit jaw ai amu de nhtang sa mat wa nngai; rai ti mung dai shingran a majaw ngai mau ung ang ai hte dai hpe n chye na lu nngai.

BU HKAWM 24:11

Ya na a nta de wa mat nu! Ngai gaw nang hpe kumhpa jaw shagrau na ga sadi jaw da ni ai; rai ti mung dai Madu gaw kumhpa jaw shagrau hkam la na lam hpe hkum shingdang kau ya nit dai,” ngu nna tsun wu ai.

1 SAMUELA 17:25

Shanhte langai hte langai gaw, “Shi hpe yu yu mu! Shi a grang dakat ai ga madat yu mu! Shi hpe sat lu ai wa hpe kumhpa kaba jaw na ngu na mung, shi a shayi sha hpe hkungran la shangun na ngu nna mung, dai wa a kawa a dinghku masha ni ahkun hkanse lawt lu na lam mung, Hkawhkam Shawlu ga sadi tawn da nu ai,” ngu nna tsun hkat ma ai.

1 SAMUELA 2:8

Shi gaw matsan mayan ni hpe ga nhpu kaw na mung, ra kadawn ai ni hpe shanhte a nni nkri kata kaw na mung sharawt la nga ai. Shi gaw dai ni hpe hkawhkam kasha ni a manang shatai nhtawm shagrau sha-a ai shara ni hta tawn da nga ai. Dai Madu gaw ginding aga a npawt nhpang ni hpe madu da nga ai; dai ni a ntsa e mungkan ga hpe shi gaw da nga ai.

1 SAMUELA 25:2

Hkaleb a lakung lama na Nabala mying ai wa gaw Maon kahtawng na masha langai mi rai nna Hkarmela kahtawng makau e nga ai lamu ga madu da nga ai. Shi gaw grai sut su ai wa rai nna sagu hkying masum, bainam hkying mi madu da ai wa rai nga ai. Shi a madu jan Abigala gaw ahpraw tsawm nna hpaji rawng ti mung, madu wa mahtang n hkru ai hte myit ja ai masha rai nga ai. Nabala gaw Hkarmela mare e sagu mun rep nga yang,