Daniela 2:46 - Jinghpaw Common Language Bible 2009

⁴⁶ Dai hpang Hkawhkam Nebuhkadneza gaw ga de gum dagup nhtawm Daniela a man e shagu hkungga hte wan nat hkungga ni nawng ya na matu hkang da wu ai.

Jinghpaw Hanson Version Bible

⁴⁶ Shaloi hkawhkam Nebuhkadneza gaw myi man gum dagup let Daniela hpe nawku nna, shi hpe kumhpa hte manam pyaw hkungga nawng ya na lam hkang da wu ai.

Daniela 2:46 ပူးပေါင်းရင်းမြစ်များ

EZRA 6:10

Ndai hku galaw na lam rai nga ai, shaloi Sumsing Lamu a Karai Kasang hkap la lu ai shagu hkungga ni hpe shanhte nawng ya lu nna, nye a ntsa e mung, nye a kasha ni a ntsa e mung shi a shaman chyeju hkam la lu na matu mung akyu hpyi ya lu na rai ma ai.

Daniela 3:5

Nanhte gaw pahtau nsen hte rau pahke, tingse, sumpyi, chyingbau hte dawraw hkan dum nang ai nsen ni hpe na lu na rai myit dai. Dai madum sumpyi ni hpe dum hpang dat ai shaloi jang, Hkawhkam Nebuhkadneza shadun da ai hkrang sumla hpe nanhte gum dagup nna nawku lu na rai myit dai.

Daniela 3:7

Dai rai nna shanhte gaw dai madum sumpyi nsen na ai shaloi jang, masha amyu baw ni, amyu bawsang ni hte ga amyu myu shaga ai ni gaw Hkawhkam Nebuhkadneza shadun da nu ai ja hkrang sumla hpe gum dagup let nawku ma ai.

Daniela 8:17

Gabriela gaw nye a makau e sa tsap nga ai rai nna, ngai grai hkrit gari mat ai hte ga de kadawng taw mat nngai. Shi gaw ngai hpe, “Si chye ai masha wa e, lachyum chye na u. Dai shingran gaw mungkan ga a jahtum aten hta byin wa na lam rai nga ai,” ngu nna tsun wu ai.

JAW JAU 26:31

Nanhte hpe grau sawng mat hkra matsat kau mawe ai majaw nanhte a mare ni hpe ngai hpya ayai kau nhtawm nawku ai shara ni hpe jahten sharun kau na we ai. Nanhte a shagu hkungga ni hpe hkap la na we ai n rai.

LUKA 17:16

Yesu a lagaw nhpang e dingnyawm dagup let, shi a chyeju hpe shakawn ya wu ai, dai wa gaw Samari masha rai nga ai.

KASA 10:25

Ya Petru shang wa na hkyen yang, Korneli hkap tau la let shi a lagaw nhpang e dingnyawm nawku wu ai.

KASA 14:13

Dai mare shinggan e nga ai Zeu hpara jawng na hkinjawng wa mung, mare chyinghka de usu hte nampan shanghkawng ni la sa nna, shawa masha ni hte rau kasa ni hpe hkungga jaw mayu ma ai.

KASA 28:6

Shanhte gaw shi hkum bum wa na ra ai, shing n rai shi jahkring sha hta kadawng si na ra ai, nga nna la yu nga ma ai. Rai ti mung shanhte na na wa la yu nga ma yang, shi hta hpa mung n byin wa ai hpe mu jang shanhte myit bai galai nna ndai wa gaw, “Hpara langai mi she rai nga ai,” nga nna bai tsun ma ai.

SHINGRAN 11:16

Shaloi, Karai Kasang a man e tinang a tingnyang ni hta dung nga ai salang hkun mali gaw, ga de gum dagup kadawng taw let Karai Kasang hpe nawku nna,

SHINGRAN 19:10

Shaloi, ngai gaw shi hpe nawku na ngu, shi a lagaw nhpang e dingnyawm dagup dat nngai. Rai ti mung, dai lamu kasa gaw, “Shing hkum rai et! Ngai gaw nang hte na nhpu nnau ni hte hpawn, Madu Yesu shadan dan ai dai teng man ai mungga hta jung noi nga ai ni a shingdep shingtau shangun ma manang she rai nngai. Karai Kasang hpe nawku u!” Hpa majaw nga yang, Madu Yesu sakse hkam shadan shaleng dan ai dai teng man ai mungga nan myihtoi ni hpe shung ya nga ai.

SHINGRAN 22:8

Ngai Yawhan gaw, ndai lam ni yawng hpe na lu ai hte mu lu ai wa rai nga nngai. Ndai hte hpe mu lu ai hte na lu ngut jang, ndai lam ni ngai hpe madun dan ai lamu kasa a lagaw nhpang e, shi hpe nawku na matu ngai dingnyawm dagup nngai.