Daniela 2:35 - Jinghpaw Common Language Bible 2009

³⁵ Hpri, kagam ga, magri mang, gumhpraw hte aja ni agrawp mani mat nna ginhtawng ta, chyarang pa ntsa e taw ai ga nhpu zawn tai mat nga ai. Dai gaw nbung e ahpawt kau ai n rai; ahkang ngam ai n rai. Rai ti mung dai nlung gaw bum tai wa nna lamu ga ting hpe ka-up kau nga ai.

Jinghpaw Hanson Version Bible

³⁵ Shing rai, ahpri, ga kagam, magri, gumhpraw hte aja gaw, agrawp mani mat nna, nmut ta chyarang na nbun zawn tai mat ai hte, nbung e ahpawt kau nna, de a matu nga shara n nga ai: dai sumla hpe hkra ai nlung chyawm gaw, galu kaba ai bum tai wa nna, lamu ga ting kapat nga ai hpe, nang mu ndai.

Daniela 2:35 ပူးပေါင်းရင်းမြစ်များ

YOBA 6:17

kahtet ai shaloi, byawng mat wa nna, hka lam ni dawng pru wa ai hte hkun hkraw mat nga ai.

SHAKAWN KUNGDAWN 103:16

Dai hpang, de a ntsa e, nbung bung ahpawt wa nna, dai gaw mat mat nga ai; dai hpe kadai mung bai mu lu nga ai n rai.

SHAKAWN KUNGDAWN 22:27

Amyu baw ni yawng hte gaw Madu hpe dum na mara ai. Mungkan shara shagu de na masha ni shi kaw kayin wa na mara ai; Masha amyu baw yawng hte mung, shi hpe nawku daw jau na mara ai.

SHAKAWN KUNGDAWN 37:10

Tara n lang ai ni gaw kade nna yang, hkoi mat wa na mara ai; nang shanhte hpe tam yu ti mung, shanhte hpe mu tam na n rai.

SHAKAWN KUNGDAWN 37:36

rai ti mung, kade n na ai aten hta ngai lai wa yu ai shaloi dai shara hta shi n nga sai; shi hpe ngai tam yu tim, shi hpe n mu lu mat ni ai.

SHAKAWN KUNGDAWN 46:9

Shi gaw mungkan ga na majan ni yawng hpe shazim kau nna; ndan ni hpe shi shadaw kau let, ri ni hpe jahten kau nhtawm, hpyen ninggang ni hpe wan hta nat kau nga ai.

SHAKAWN KUNGDAWN 66:4

Ga ntsa e shanu nga ai masha shagu hte gaw nang hpe nawku daw jau ma ai; shanhte gaw nang hpe mahkawn shakawn nga ma ai, na a mying nsang hpe shanhte mahkawn shakawn nga ma ai,” nga nna Karai Kasang hpe tsun ma ai.

SHAKAWN KUNGDAWN 86:9

Nang hpan tawn da ai masha amyu baw ni yawng hte gaw nang kaw sa nna dingnyawm wa na mara ai; shanhte gaw na a galu kaba ai lam hpe shakawn na mara ai.

ESAIA 11:9

Karai Kasang a chyoi pra ai kawng ngu ai Ziun ntsa e machyi tsin-yam hte n hkru ai amu hpa mung nga na ra ai n rai. Panglai ni gaw hka hte hpring nga ai zawn dai Madu a machye machyang hpaji gaw mungkan ting hta pri rai na ra ai.

ESAIA 8:9

Amyu baw ni e, hkrit ai myit hte rau hpawng shinggyin nga mu! Mungkan ga a sumtsan shara na masha ni e, madat mara nga mu. Gasat na matu hkyen da mu, rai ti mung hkrit tsang nga myit! Rai sa, jin jin rai nga ti mung, hkrit tsang nga mu!

Daniela 2:44

Ndai mung du ni up hkang ai aten hta, sumsing lamu a Karai Kasang gaw galoi mung htum ngu n nga ai mungdan langai de da na ra ai. Dai gaw galoi mung ka-up la hkrum na ra ai n rai, rai ti mung dai gaw ndai hkawseng mungdan ni yawng hpe tsep kawp shamyit kau ai hpang e sha htani htana agrin nga na ra ai.

HOSEA 13:3

Dai rai nna ndai masha ni gaw jahpawt manap na sai wan zawn mung, shani jau jau hkoi mat ai numri zawn mung, mat mat na ra ai. Shanhte gaw bungsha hte poi mat wa ai chyarang pa na mam nsan zawn mung, wan hkut shadaw na pru ai wan hkut zawn mung rai ma ai.

MIHKA 4:13

Dai Madu gaw, “Yerusalem masha ni e, rawt sa nna na a gumlau hpyen ni hpe ari jaw u! Hpri nrung hte magri mang lahkru rawng ai usu zawn ngai nang hpe n-gun shaja ya na nngai. Nang gaw masha amyu baw law law ni hpe adup mani kau na ra ai; shanhte kashun kashe rai lu la ai sut gan hpe mungkan ting a Madu rai nga ai, ngai hpang de sa sak ya na mara ai,” ngu nna tsun ai.

ZEHKARIA 12:3

Rai ti mung, dai aten du jang, ngai gaw Yerusalem hpe li ai nlung langai zawn shatai na nngai. dai hpe hpai ka-aw shakut mayu ai masha amyu baw kadai mung machyi hkrum na rai nga ai. Ndai mungkan na masha amyu baw ni yawng n-gun galung nna shi hpe gasat na mara ai.

1 KORINHTU 15:25

Hpa majaw nga yang Hkristu gaw Karai Kasang e gumlau ni yawng mayawng hpe dang kau nna Hkristu a lagaw lahpan npu e tawn da ya ai ten du hkra up hkang nga na rai nga ai.

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.

SHINGRAN 12:8

Rai ti mung baren numraw sum mat nna, shi hte shi a ali ama ni gaw sumsing lamu e nga na ahkang n lu mat masai.

SHINGRAN 20:11

Dai hpang, galu kaba ai tingnyang ahpraw mung, dai hta e dung nga ai wa hpe mung ngai mu nngai. Dai Madu a man na aga hte lamu gaw hkoi mat wa nna, dai yan hpe n mu yu mat sai.