Daniela 2:34 - Jinghpaw Common Language Bible 2009

³⁴ Nang dai hpe mada yu nga yang, kadai mung n sa hkra ai nlung kaba gaw ninggam kaw nna daw hkrat wa nhtawm dai hkrang sumla a hpri hte kagam ga lagaw hpe adep hkra nna agrawp mani kau nga ai.

Jinghpaw Hanson Version Bible

³⁴ Nang mada yu nga yang, lata hte n tawk ai nlung langai mi gaw, hpri hte ga kagam rai nga ai sumla lagaw hpe hkra nna, dai yan hpe agrawp mani kau wu ai.

Daniela 2:34 ပူးပေါင်းရင်းမြစ်များ

SHAKAWN KUNGDAWN 118:22

Nta gaw ai ni lata kau sai nlung gaw, yawng hta grau ahkyak htum ai ningjut nlung tai wa ai.

ESAIA 28:16

Ya chyawm gaw, ndai lam hte seng nna Tsaw Htum ai dai Madu gaw, “Ngai gaw Ziun Bum ntsa e ngang kang ai hte n-gun ja ai npawt nhpang gaw da na nngai. Ngai gaw dai shara hta, ‘Makam masham gaw ngang grin nga ai hte hkam sharang ai mung rai nga ai,’ ngu ai laika ka shakap da ai ngang ai njut nlung langai jahkrat bang da na nngai.

ESAIA 60:12

Rai ti mung nang hpe n daw jau ai masha amyu Baw ni gaw tsep kawp shamyit kau hkrum na mara ai.

ESAIA 8:9

Amyu baw ni e, hkrit ai myit hte rau hpawng shinggyin nga mu! Mungkan ga a sumtsan shara na masha ni e, madat mara nga mu. Gasat na matu hkyen da mu, rai ti mung hkrit tsang nga myit! Rai sa, jin jin rai nga ti mung, hkrit tsang nga mu!

EZEKELA 32:28

“Ndai gaw Egutu masha ni mung matu gadoi n hkam ai hte majan e sat kau hkrum ai ni a lapran e kaning rai agrawp taw mat na lam rai nga ai.

EZEKELA 47:5

Shi gaw matut nna pe 1680 du hkra bai shadawn yang, dai hka grai sung sai majaw ngai n lu rap kawt lu ni ai. Dai hka gaw nau sung nga sai majaw hpungyawt rap na hta lai nna kaga lam n nga nga sai.

Daniela 2:33

de a shinglang gaw hpri rai nna, de a lagaw daw chyen mi gaw hpri, daw chyen mi gaw kagam ga rai nga ai.

Daniela 7:27

Ginding aga ntsa na mungdan ni yawng a daru magam n-gun hte galu kaba ai lam gaw Tsaw Htum ai Karai Kasang a amyu masha ni a lata de ap kau ai hkrum na ra ai. Shanhte a hkawhkam daru magam n-gun gaw galoi mung htum mat na ra ai n rai; Ginding aga ntsa na up hkang du ni yawng mayawng mung shi hpe daw jau ai hte shi a ga madat mara na mara ai.

Daniela 8:25

Shi hkalem chye nga ai majaw, shi a masu hkalem ai lam ni hta awng dang wa na ra ai. Shi hkum nan gumrawng gumtawng wa nna sadi jaw ai n nga ai sha masha law law hte hpe jahten kau na ra ai. Shi gaw yawng mayawng hta galu kaba htum ai Hkawhkam wa hpe pyi hkap daw na ra ai. Rai ti mung, shi chyawm gaw masha a n-gun atsam hpa mung n lang ra ai sha, jahten kau ai hkrum na ra ai.

ZEHKARIA 12:3

Rai ti mung, dai aten du jang, ngai gaw Yerusalem hpe li ai nlung langai zawn shatai na nngai. dai hpe hpai ka-aw shakut mayu ai masha amyu baw kadai mung machyi hkrum na rai nga ai. Ndai mungkan na masha amyu baw ni yawng n-gun galung nna shi hpe gasat na mara ai.

ZEHKARIA 4:6

Dai lamu kasa gaw Madu kaw na pru ai ndai mungga Zerubabela hpe jaw ya na matu ngai hpe ning nga nna tsun ai: “Nang gaw hpyen dap n-gun hte mung n rai, na a n-gun atsam hte mung n rai; rai ti mung nye a wenyi hte sha awng dang lu na rai ndai.

MAHTE 16:18

Bai, nang hpe ngai tsun de ga, lunghkrung ngu ai lachyum pru ai Petru rai nga ndai hte dai lunghkrung ngu ai npawt nhpang ntsa e nye a hpung hpe ngai de da na we ai rai nna, si hkrung si htan pyi gaw dai hpe dang kau lu na n rai.

YAWHAN 1:13

Shanhte gaw shingra maka tara hkan nna shinggyim kawa a kasha ni tai ai hku Karai Kasang a kasha ni tai wa ma ai n rai, Karai Kasang e nan, kasha shatai la hkrum ai ni she rai ma ai.

KASA 4:11

Dai Chyum Laika hta tsun da ai, ‘Nanhte nta gap ai ni lata kau ai nlung rai ti mung, ningjut jahtum na nlung bai tai wa sai,’ nga ai ga gaw Yesu hpe lakap nna tsun ai rai nga ai.

2 KORINHTU 5:1

Dinghta ga hta anhte nga nga ai sum nta ngu ai hkum hkrang gaw hten run mat wa ai shaloi, sumsing lamu e Karai Kasang anhte nga na matu shi nan galaw ya ai htani htana grin nga na ra ai nta anhte lu ga ai hpe anhte chye nga ga ai.

HEBRE 9:24

Hpa majaw nga yang, Hkristu gaw kaja wa chyoi pra ai shara majing a kanan rai nga ai masha lata hte galaw ai Chyoi Pra ai Shara de n shang ai sha, sumsing lamu de nan shang nna, ya anhte a malai Karai Kasang a man de dan pru nga sai.

1 PETRU 2:7

Kam sham ai nanhte a matu mara ndai nlung gaw grai hpu ging nga ai; rai ti mung n kam n sham ai ni a matu mara chyawm gaw, “Wahpang gaw ai ni akyu n rawng ai ngu nna sai kau ai nlung gaw, njut jahtum na ahkyak dik ai nlung tai wa sai,” nga ai.

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.

SHINGRAN 17:14

Shanhte gaw Sagu Kasha hpe hpyen gasat na mara ai; rai ti mung dai Sagu Kasha gaw, shi shaga la nna lata la hkrum ai, kangka re ai shi a hpang hkan nang ai ni hte rau awng padang lu na ra ai. Hpa majaw nga yang, shi gaw Madu ni a Madu, Hkawhkam ni a Hkawhkam rai nga ai,” nga nna ngai hpe tsun ai.