Daniela 2:31 - Jinghpaw Common Language Bible 2009

³¹ “Madu hkawhkam e, na a shingran hta, na a man e hkrang sumla kaba tsap nga ai hpe nang mu ndai, dai gaw htoi kabrim tu ala nna yu hkrit hpa nsam pru nga ai.

Jinghpaw Hanson Version Bible

³¹ Hkawhkam wa e, nang gaw sumla kaba hpe mada mu ndai. Dai galu kaba ai hte, kabrim ala tu ai sumla gaw, na a man e tsap nga nna, de a ningchya gaw hkrithpa rai nga ai.

Daniela 2:31 ပူးပေါင်းရင်းမြစ်များ

ESAIA 13:11

Dai Madu gaw, “Ngai gaw ginding aga ntsa de ru yak tsin-yam tsindam jahkrat dat nhtawm n hkru ai masha ni yawng galaw ai shanhte a yubak ni a matu ari jaw na we ai. Ngai gaw gumrawng gumtawng ai masha shagu hte hpe shagrit kau nna, myit tsaw myit dap ai hte mazut ai masha shagu hte hpe ari jaw na nngai.

EZEKELA 28:7

nang hpe gasat na matu, gumshem ai gumlau hpyen ni hpe ngai woi sa wa na nngai. Shanhte gaw na a kung kyang ai hpaji hte hpaji byeng-ya hte lu tawn ai tsawm htap ai arung arai ni yawng hpe jahten sharun kau ya na mara ai.

Daniela 2:36

“Da ndai gaw yup mang rai nga ai. Ya chyawm gaw de a lachyum hpa rai nga ai gaw madu hkawhkam wa hpe ngai tsun dan na we ai.

Daniela 2:37

Madu hkawhkam wa e, nang gaw hkawhkam ni yawng hta galu kaba htum ai wa rai nga ndai. Sumsing lamu a Karai Kasang gaw nang hpe hkawseng shatai nna daru magam n-gun, hpung dagu hte arawng sadang jaw nit dai.

Daniela 3:1

Hkawhkam Nebuhkadneza gaw pe 90 tsaw nna pe 9 kaba ai ja hkrang sumla langai galaw nna, Babelon mungdaw na Dura pa hta shadun da wu ai.

Daniela 4:36

“Nye a myit bai gring wa ai shaloi, nye a arawng sadang, nye a hpung dagu hte nye a mungdan hpung shingkang gaw mi na zawn ngai hpe bai jaw nga ai. Nye a du salang ni hte du magam ni ngai hpe hkap hkalum la ma ai; ngai gaw shawng de na hta pyi grau kaba ai arawng aya hte daru magam n-gun bai hkam la lu nga nngai.

HABAKU 1:7

Shanhte gaw jahkrit ai hte hkrithpa lam shachyam shabra ma ai, shanhte nan tara hkum ni rai nga ma ai majaw, gumrawng nga ma ai.

MAHTE 4:8

Bai, Nat gaw, nachying tsaw la ai bum ntsa de shi hpe woi lung wa da nna, mungkan ga na mungdan ni hte dai ni a hkik hkam ai arawng sadang hpe, shi hpe madun dan nhtawm,

LUKA 4:5

Bai Nat gaw shi hpe woi lung wa nna, mungkan ga na mungdan ni mahkra hpe myi grip mi hta sha madun dan wu ai.