Daniela 2:30 - Jinghpaw Common Language Bible 2009

³⁰ Ya chyawm gaw, ndai makoi magap ai lam ngai hpe madun dan nga sai, ngai gaw kaga masha hta grau hpaji chye ai majaw n rai, rai ti mung madu hkawhkam na a yup mang a lachyum ni hpe chye la lu nna nang kaw rawng ai myit mang lam ni hpe chye na lu na rai ndai.

Jinghpaw Hanson Version Bible

³⁰ Shinggyim masha kaga hta, ngai wa, hpaji grau rawng ai majaw, ndai makoi magap lam ngai hpe shapraw dan ai, n rai: nang hkawhkam wa gaw, de a ga lachyum chye lu nna, nang myit mang ai lam chye na lu hkra, dai lam ngai hpe shapraw dan ni ai.

Daniela 2:30 ပူးပေါင်းရင်းမြစ်များ

NINGPAWT NINGHPANG 41:16

Yosep gaw, “Hkawhkam wa e, ngai n htai lu na nngai; rai ti mung Karai Kasang gaw ra sharawng ai ga htai langai jaw ya na ra ai,” ngu nna htan wu ai.

SHAKAWN KUNGDAWN 139:2

Ngai galaw ai lam yawng mayawng hte hpe mung, nang chye nga ndai; nye a myit mang ai lam yawng mayawng hpe mung, tsan tsan kaw nna, nang chye nga ndai.

ESAIA 45:4

Ngai lata la sai amyu masha ngu ai nye a shangun ma Israela hpe karum na matu, ngai nang hpe san da nngai. Nang ngai hpe n chye ti mung, ngai nang hpe galu kaba ai arawng sadang jaw ni ai.

Daniela 1:17

Karai Kasang gaw ndai shabrang mali hte hpe laili laika hta chye chyang kung kyang ai nyan hpaji hte sumru hpaji jaw ya wu ai. Dai sha n-ga, shi gaw Daniela hpe yup mang shingran amyu myu chye htai lu ai kung kyang ai nyan mung jaw ya wu ai.

Daniela 2:47

Hkawhkam wa gaw, “Na a Karai Kasang gaw karai ni yawng hta galu kaba htum ai wa rai nna, hkawhkam ni a madu, makoi magap da ai amu ni hpe shadan dan ai wa rai nga ai. Ndai makoi magap ai amu hpe nang tsun shaleng dan lu nit dai majaw ndai lam ngai chye ni ai,” ngu nna tsun wu ai.

Daniela 2:49

Daniela hpyi shawn ai hte maren, hkawhkam wa gaw Babelon mungdaw a amu ni hpe woi hpareng na matu Shadrak, Meshak, Abednego hte hpe san da ya wu ai. Daniela chyawm gaw hkawhkam wang hta anga nga ai.

AMO LAIKA (AMOS) 4:13

Karai Kasang gaw bum ni hpe galaw da ai wa rai nna nbung hpe hpan da nga ai. Shi gaw shi a myit mang lam masha ni hpe chye shangun nga ai; shi gaw nhtoi hpe nsin galai kau nga ai. Shi gaw ginding aga a tsaw ai shara ni hta hkawm nga ai. Ndai gaw shi a amying shingteng rai nga ai: Chyahtum Chyalai N-gun rawng ai Madu Karai Kasang rai nga ai!

MAHTE 24:22

Karai Kasang gaw dai nhtoi ni hpe shayawm kau nu ai; shi shing n di yang gaw, kadai mung hkrung nga lu na ra ai n rai. Rai ti mung shi a lata la ai masha ni a matu mara, Karai Kasang gaw dai nhtoi ni hpe shayawm kau na ru ai.

MARKU 13:20

Dai Madu gaw dai nhtoi hte hpe shayawm shagying kau nu ai; shi shing n di yang gaw kadai mung asak lawt lu na ra ai n rai. Rai ti mung shi lata la ai ni a matu mara, dai nhtoi hte hpe shayawm shagying kau nu ai.

KASA 3:12

Petru dai mu jang shawa masha ni hpe, “Israela amyu masha ni e, ndai wa a lam hpe hpa rai mau nga myit ta? An a dagu atsam, an a tara hkan nna Chyoi Pra ai lam a majaw ndai wa hpe lam hkawm shangun lu ai zawn nawn nga myit ni?

ROMA 8:28

Karai Kasang hpe tsaw ra nna shi a shatawng shada da ai hte maren shaga la hkrum ai ni a matu mara yawng mayawng hta mai kaja ai lam byin wa u ga, Karai Kasang gaw shanhte hte rau amu galaw nga ai hpe anhte chye ga ai.

2 KORINHTU 4:15

Ndai lam ni yawng hte gaw nanhte hta akyu ara byin tai wa na matu rai nga ai; Karai Kasang a chyeju hpe hkam la ai masha ni mung grau grau law wa ai hte maren, Madu a hpung shingkang hpe chyeju dum shakawn shagrau akyu hpyi ai lam ni mung grau nna law htam wa na ra ai.