Daniela 2:28 - Jinghpaw Common Language Bible 2009

²⁸ Rai ti mung makoi magap da ai ni hpe shapraw shadan dan lu ai Karai Kasang gaw sumsing lamu e nga nga ai. Shi gaw du na ra ai aten hta hpa byin wa na lam, madu hkawhkam hpe madun dan nu ai. Ya chyawm gaw nang yup nga yang mu ai yup mang shingran ngai nang hpe tsun dan na we ai.

Jinghpaw Hanson Version Bible

²⁸ rai timung, makoi magap lam shapraw shadan lu ai Karai Kasang gaw, sumsing lamu e dung nga ai; shi gaw, htawm hpang e byin na ra ai lam, hkawhkam Nebuhkadneza hpe madun dan nu ai. Na a yup mang hte, na a yup ku ntsa e nang mu ai shingran gaw, da ndai rai nga ai:

Daniela 2:28 ပူးပေါင်းရင်းမြစ်များ

NINGPAWT NINGHPANG 40:8

Shan gaw, “An yup mang langai hpra mu ga ai. Rai ti mung, dai yup mang a lachyum hpa rai nga ai hpe htai dan lu na masha kadai mung ndai yang e n nga nga ai,” ngu nna htan mu ai. Yosep gaw, “Yup mang ni hpe htai na marai atsam ni hpe Karai Kasang jaw ya nga ai. Dai rai nna nan a yup mang ngai hpe tsun dan yu mi,” ngu nna tsun wu ai.

NINGPAWT NINGHPANG 41:16

Yosep gaw, “Hkawhkam wa e, ngai n htai lu na nngai; rai ti mung Karai Kasang gaw ra sharawng ai ga htai langai jaw ya na ra ai,” ngu nna htan wu ai.

NINGPAWT NINGHPANG 41:25

Yosep gaw hkawhkam wa hpe, “Dai yup mang lahkawng yan a lachyum gaw maren sha rai nga ai. Karai Kasang galaw na amu shi nang hpe tsun dan nu ai.

NINGPAWT NINGHPANG 49:1

Yaku gaw shi a shadang sha ni hpe shaga la nna, “Nang e grup rai wa hpawng yu mu; du na ra ai aten nanhte hta hpa byin wa na lam, ngai nanhte hpe tsun dan made ga:

SHAKAWN KUNGDAWN 115:3

Anhte a Karai Kasang gaw sumsing lamu hta nga nga ai; shi ra ai hku hpa lam hpe mung shi galaw nga ai.

ESAIA 2:2

Du wa na nhtoi ni hta Nawku Htingnu dung ai bum gaw yawng hta grau tsaw htum ai bum tai na ra ai, kawng ni yawng hta grau tsaw na ra ai. Amyu baw ni law law dai shara de yan bang wa na mara ai,

YEREMIA 10:7

Masha amyu baw ni yawng a hkawhkam wa e, nang hpe kadai n shagrau sha-a na rai ta? Nang gaw shagrau sha-a na ging nga ndai. Masha amyu baw ni a hpaji rawng ai masha ni yawng hta mung, hkawhkam ni kadai hta rai tim, nang hte bung ai wa langai mi mung n nga nga ai.

YEREMIA 48:47

Rai ti mung, du na ra ai aten hta, dai Madu gaw Moba hpe kalang mi bai ngamu ngamai shangun na ra ai. Dai Madu tsun ai ndai lam yawng mayawng gaw Moba mung hta byin wa na ra ai.

EZEKELA 28:3

Nang gaw Danela (Daniela) hta grau nna hpaji chye nga ai, na a man e hpa mung makoi magap da lu ai n rai, nga nna nang myit nawn la nga ndai.

EZEKELA 38:16

Nang gaw nye a amyu masha Israela hpe nbung laru ahpawt mat wa ai zawn htim gasat na rin dai. Ngai kadai rai nga nngai hpe masha amyu baw ni mu chye shangun na matu mung, na a jaw e, ngai galaw ai nye a chyoi pra ai amu hpe madun dan na matu mung, dai aten du ai shaloi, nye a mungdan hpe htim gasat na matu ngai nang hpe shangun dat na nngai.

EZEKELA 38:8

Shaning law law lai mat wa ai hpang, masha amyu baw ni law law a lata kaw na rau sha woi nhtang wa nna hpyen majan hpa mung n hkrit n tsang ra sai hte amyu masha ni shanu nga ai mungdan hpe shang gasat na matu ngai shi hpe ahkang jaw ya na nngai. Shi gaw aten na na katsi katsang tai mat nna jahkam da sai rai ti mung, ya, dai mungdan hta amyu masha ni yawng shim lum ai hte shanu nga sai Israela bum ni hpe shang gasat na ra ai.

Daniela 1:20

Ndai marai mali gaw hkawhkam wa san ai kaning re ai ga san hpe mung, manghkang hpe mung shi a mungdan ting hta nga ai lakle sara ni hte mandan bau ai kadai hta mung htam shi grau nna chye nga ai.

Daniela 10:14

Na a amyu masha ni du na ra ai aten hta hpa byin wa na mara ai lam nang hpe chye na shangun na matu ngai sa du nngai. Da ndai gaw du wa na aten hte seng ai shingran langai rai nga ai,” ngu nna tsun wu ai.

Daniela 2:18

Shi gaw shanhte hpe Babelon mung na kaga hpaji jaw ai masha ni hte rau sat kau ai n hkrum mat hkra nga, matsan dum la na hte makoi magap da ai amu sanglang dan na matu sumsing lamu a Karai Kasang kaw akyu hpyi na matu tsun wu ai.

Daniela 2:22

Shi gaw sung ai hte makoi magap da ai arai ni hpe shapraw dan nga ai; shi gaw nsin kata hta makoi magap da ai arai ni hpe chye nga ai, shi hkum nan hpe chyawm gaw nhtoi hte gawan shinggrup da nga ai.

Daniela 2:44

Ndai mung du ni up hkang ai aten hta, sumsing lamu a Karai Kasang gaw galoi mung htum ngu n nga ai mungdan langai de da na ra ai. Dai gaw galoi mung ka-up la hkrum na ra ai n rai, rai ti mung dai gaw ndai hkawseng mungdan ni yawng hpe tsep kawp shamyit kau ai hpang e sha htani htana agrin nga na ra ai.

Daniela 2:45

Nang gaw kadai mung n jum hkra ai nlung langai mi kaning rai ninggam kaw nna daw hkrat wa nhtawm hpri, magri mang, kagam ga, gumhpraw hte aja hte galaw ai hkrang sumla hpe adawt hkra ai hpe mu nga ndai. Galu kaba ai Karai Kasang gaw du na ra ai aten hta hpa byin wa na lam madu hkawhkam hpe tsun nga ai. ngai gaw nang mu nit dai yup mang hpe tup hkrak tsun dan ni ai. De a teng man ai lachyum ngai nang hpe jaw ni ai.”

Daniela 2:47

Hkawhkam wa gaw, “Na a Karai Kasang gaw karai ni yawng hta galu kaba htum ai wa rai nna, hkawhkam ni a madu, makoi magap da ai amu ni hpe shadan dan ai wa rai nga ai. Ndai makoi magap ai amu hpe nang tsun shaleng dan lu nit dai majaw ndai lam ngai chye ni ai,” ngu nna tsun wu ai.

Daniela 4:5

Rai ti mung ngai yup nga yang, hkrit kajawng shangun ai yup mang hte hkrit kahpra shangun ai shingran ni hpe mu nngai.

HOSEA 3:5

Ndai lam zawn, Israela amyu masha ni gaw dai Madu shanhte a Karai Kasang hte shanhte a Hkawhkam Dawi a amyu matu na langai, hpang de lang mi bai kayin wa ai aten du wa na mara ai. Dai hpang shanhte gaw dai Madu hpe hkrit hkungga wa nna, shi kaw na chyeju kumhpa ni hkam la lu na mara ai.

AMO LAIKA (AMOS) 4:13

Karai Kasang gaw bum ni hpe galaw da ai wa rai nna nbung hpe hpan da nga ai. Shi gaw shi a myit mang lam masha ni hpe chye shangun nga ai; shi gaw nhtoi hpe nsin galai kau nga ai. Shi gaw ginding aga a tsaw ai shara ni hta hkawm nga ai. Ndai gaw shi a amying shingteng rai nga ai: Chyahtum Chyalai N-gun rawng ai Madu Karai Kasang rai nga ai!

BU HKAWM 24:14

Balam gaw Balak hpe, “Ya chyawm gaw nye a amyu masha ni nga ai de ngai mahtang wa na ni ai; rai ti mung ngai garai n pru wa yang, ndai Israela amyu masha ni htawm hpang de na a masha ni hpe hpa galaw na ra ai gaw ngai nang hpe sadi jaw na we ai,” ngu nna tsun wu ai.

MAHTE 6:9

Dai rai nna nanhte ning ngu akyu hpyi mu: ‘Sumsing lamu na anhte a Wa e, Na a mying nsang chyoi pra nga lit ga,

TARA JAHPRANG 31:19

“Ya chyawm gaw ndai mahkawn mangoi ga hpe ka tawn nna Israela amyu masha ni hpe sharin ya mu, shaloi dai gaw shanhte a matu sakse tai na mara ai.

TARA JAHPRANG 4:30

Nanhte hta ndai lam ni yawng byin wa nna ru yak kyin dut hkrum sha myit dai shaloi, kaning n di, dai Madu hpang de kayin wa nhtawm shi a ga madat lu na marin dai.

2 TIMOHTI 3:1

Hpang jahtum nhtoi ni hta yak la ai aten ni du na ra ai hpe dum nga mu.

HEBRE 1:1

Moi prat hta Karai Kasang gaw anhte a ji wa ni hpe ga shaga ai lam law law lang, lai ladat amyu myu hku nna myihtoi ni a n-gup hte htawn tsun lai wa sai.

2 PETRU 3:3

Dai jahtum ai nhtoi ni hta tinang a hkum shan a kayut ai a myit ra ai hku hkan let asak hkrung ai masha ni paw pru na mara ai hpe yawng a shawng e nanhte chye na da ra myit dai. Shanhte gaw nanhte hpe jahpoi asawng let, “Dai Madu bai du sa na nga nna ga sadi jaw da ai n rai ni? Ya shi kanang rai nga a ta?

SHINGRAN 1:1

Ndai laika gaw Yesu Hkristu hpe Karai Kasang jaw ai shingran a lam ka matsing tawn ai laika re. Yesu hpe ndai shingran jaw ai lam gaw, gade n na yang byin wa na ra ai lam ni hpe Karai Kasang a shangun ma ni chye lu hkra madun dan na matu rai nga ai. Hkristu gaw shi a shangun ma Yawhan hpang de lamu kasa hpe shangun dat nna, ndai shingran ga shana dan wu ai.