Daniela 2:23 - Jinghpaw Common Language Bible 2009

²³ Nye a kaji kawa ni a Karai Kasang e, ngai nang hpe shakawn kungdawn ai hte shagrau sha-a nngai. Nang gaw ngai hpe hpaji byeng-ya hte n-gun jaw ya nga nit dai; nang gaw nye a akyu hpyi ga hpe htan ya nga nit dai hte hkawhkam wa hpe kaning ngu tsun na mung anhte hpe madun dan nga nit dai.”

Jinghpaw Hanson Version Bible

²³ Nye a ji wa ni a Karai Kasang e, nang ngai hpe hpaji byeng-ya hte n-gun atsam jaw nna, anhte hpyi ai hte maren, ngai hpe ya shapraw dan ndai majaw, ngai chyeju dum nna, nang hpe shakawn nngai law; gaja wa, hkawhkam wa hte seng ai lam, nang anhte hpe shapraw shadan dan mi ai,” nga nna tsun ai.

Daniela 2:23 ပူးပေါင်းရင်းမြစ်များ

NINGPAWT NINGHPANG 18:17

Dai Madu gaw, “Ngai galaw na amu Abraham hpe makoi magap da na nngai n rai.

NINGPAWT NINGHPANG 31:42

Nye kaji kawa ni a Karai Kasang ngu ai Abraham, Isak ni a Karai Kasang gaw ngai hte rau she n nga ai rai taw gaw, nang ngai hpe kaman dat dat kau chyalu rai nga ndai. Rai ti mung Karai Kasang gaw ngai hkam sha ai tsin-yam tsindam hte ngai galaw sai amu hpe mu mada ya ni ai majaw, mana e, shi tara daw dan ai lam jaw ya mi ai,” ngu nna tsun wu ai.

1 HKAWHKAM 18:36

Ya shana de hkungga nawng ya na aten hta, myihtoi Elia gaw tawn hkungri de sit sa nna, “Abraham, Isak hte Yaku ni a Madu Karai Kasang e, nang gaw Israela a Karai Kasang rai nga ndai mung, ngai gaw na a shangun ma rai nga nngai mung, na a hkang da ai ga hte sha ndai amu ni yawng hpe galaw nngai mung, ya jang sakse shapraw dan u law.

1 HKAWHKAM 8:57

Anhte a kaji kawa ni hte rau shi nga nga ai zawn dai Madu anhte a Karai Kasang mung anhte hte rau anga nga u ga law; shi anhte hpe galoi mung n kau da ai hte n kabai kau nga u ga.

1 HKAWHKAM LABAU 29:10

Hkawhkam Dawi gaw shawa hpawng ting a man e dai Madu hpe shakawn kungdawn wu ai. Shi gaw, “Dai Madu anhte a kaji kawa Yaku a Karai Kasang e, nang gaw htani htana prat dingsa shakawn kungdawn hkrum ging nga ndai!

1 HKAWHKAM LABAU 29:13

Ya chyawm gaw anhte a Karai Kasang e, anhte nang hpe chyeju dum ga ai, na a hpung shingkang mying ningsang hpe anhte shakawn kungdawn nga ga ai law.

2 HKAWHKAM LABAU 20:6

“O Madu anhte a kaji kawa ni a Karai Kasang e, nang gaw mungkan ga na amyu baw ni yawng hpe sumsing lamu kaw nna up hkang nga ndai. Nang gaw daru magam n-gun hte chyalai n-gun hpring nga ndai majaw kadai mung nang hpe n lu ninghkap lu nga ai.

SHAKAWN KUNGDAWN 21:2

Shi a myit ra sharawng ai hku, nang lajang ya nit dai; shi a hpyi lajin ai lam ni hpe mung nang htan ya nit dai.

SHAKAWN KUNGDAWN 21:4

Shi gaw asak hpyi nu ai hte dai hpe nang jaw ya nit dai; dai gaw prat galu ai hte htani htana asak rai nga ai.

SHAKAWN KUNGDAWN 25:14

Dai Madu gaw shi a ga madat mara nga ai ni a jinghku rai nga nna shi a ga shaka shanhte hte shagrin da nga ai.

SHAKAWN KUNGDAWN 50:14

Chyeju dum shakawn ai gaw Karai Kasang hpe na a shagu hkungga nawng jau ai lam rai nga u ga; Chyahtum Chyalai n-gun rawng ai Madu hpe nang ndat da ai ga sadi yawng hte hpe jaw ya u.

PRU MAT 3:15

Nanhte a nji nwa ni a Karai Kasang, Abraham, Isak hte Yaku ni a Karai Kasang Ngai Madu nan shanhte hpang de nang hpe shangun dat ni ai, ngu nna Israela amyu masha ni hpe tsun dan u; dai gaw htani htana na nye a amying rai nga li ai; du na ra ai ban masha ni yawng mung dai hte maren ngai hpe shaga na mara ai.

GA SHAGAWP 21:22

Zai byeng-ya rawng ai hpyen du kaba wa gaw, n-gun ja ai hpyen ni dap jung dahpran da ai mare hpe ka-up la lu nna, shanhte kam hpa nga ai mare bunghku ni hpe, jahten sharun kau lu nga ai.

GA SHAGAWP 24:5

Hpaji rawng ai wa gaw n-gun ja ai wa hta grau kaja nga ai; rai sa, machye machyang gaw n-gun atsam hta grau ahkyak nga ai.

GA SHAGAWP 8:14

Ngai gaw hpaji daw nna, dai ni hpe galaw shapraw nga nngai; ngai hta chye na hkawn hkrang ai myit rawng nna, n-gun atsam hte hpring nga nngai.

HPAJI NINGLI 7:19

Mare langai a matu up hkang du marai shi jawm galaw lu ai amu hta hpaji byeng-ya rawng ai marai langai mi gaw grau nna galaw lu nga ai.

HPAJI NINGLI 9:16

Ngai chyawm gaw hpaji byeng-ya gaw n-gun atsam hta grau kaja nga ai ngu tut nawng tsun nga ti mung, dai matsan mayan rai nna hpaji rawng ai wa a lam hpe kadai n myit yu ma ai; shi tsun ai ga hpe kadai n madat ya ma ai.

HPAJI NINGLI 9:18

Hpaji byeng-ya gaw hpyen laknak ni hta grau kaja nga ai; rai ti mung yubak kap ai wa mahtang mai kaja ai amu law law hpe jahten kau lu nga ai.

ESAIA 12:1

Amyu masha ni gaw, “Madu e, ngai nang hpe shakawn kungdawn nngai! Nang gaw ngai hpe pawt sindawng nit dai, rai ti mung ya chyawm gaw nang ngai hpe shalan shabran ai hte galoi mung pawt bu na n rai nga ndai.

YEREMIA 33:3

“Ngai hpe shaga e, ngai nang hpe htan ya na nngai; nang hpa mung n chye lu ai mauhpa amu ni hte mau kajawng na zawn re ai amu ni ngai nang hpe tsun dan na de ai.

Daniela 1:17

Karai Kasang gaw ndai shabrang mali hte hpe laili laika hta chye chyang kung kyang ai nyan hpaji hte sumru hpaji jaw ya wu ai. Dai sha n-ga, shi gaw Daniela hpe yup mang shingran amyu myu chye htai lu ai kung kyang ai nyan mung jaw ya wu ai.

Daniela 2:18

Shi gaw shanhte hpe Babelon mung na kaga hpaji jaw ai masha ni hte rau sat kau ai n hkrum mat hkra nga, matsan dum la na hte makoi magap da ai amu sanglang dan na matu sumsing lamu a Karai Kasang kaw akyu hpyi na matu tsun wu ai.

AMO LAIKA (AMOS) 3:7

Tsaw Htum ai dai Madu gaw shi myit mang ai lam, shi a shangun ma myihtoi ni hpe garai n shadan yang, hpa lam hpe mung shi galoi mung n galaw yu nga ai.

MAHTE 11:25

Dai aten hta Yesu gaw, Sumsing Lamu Mungdan hte ginding aga a Madu Wa e, hpaji byeng-ya rawng ai ni hte myit kung hpan ai ni hpe n chye shangun hkra makoi magap da nhtawm, hpaji kata ai ni hpe madun dan ndai majaw, ngai nang hpe shakawn kungdawn nngai.

LUKA 10:21

Dai ahkying hta Yesu gaw Chyoi Pra ai Wenyi a majaw kabu ai myit hte hpring nna, “Sumsing lamu hte ginding aga a Madu, Wa e! Hpaji byeng-ya rawng ai ni hte myit kunghpan ai ni kaw na, nang makoi magap da ai dai teng man ai lam ni hpe hpaji kata ai ni e nang madun dan ndai majaw, ngai nang hpe shakawn kungdawn nngai. Rai sa, Wa e, dai gaw nang tsaw ra ai hku byin shangun mayu ai lam rai nga lit dai.

YAWHAN 11:41

Dai rai nna shanhte gaw dai nlung hpe galau kau mu ai. shaloi Yesu gaw lamu de mada yu nna, “Wa e, nang nye a ga madat ya ndai majaw, ngai nang hpe shakawn nngai law.

YAWHAN 15:15

Ya kaw nna ngai nanhte hpe mayam n ngu na ni ai; hpa majaw nga yang, mayam gaw madu galaw nga ai amu hpe n chye wu ai; nanhte hpe jinghku she ngai ngu na made ai, hpa majaw nga yang, nye Wa kaw na ngai na la ai hte yawng, ngai nanhte hpe tsun dan ma sade ai.

SHINGRAN 1:1

Ndai laika gaw Yesu Hkristu hpe Karai Kasang jaw ai shingran a lam ka matsing tawn ai laika re. Yesu hpe ndai shingran jaw ai lam gaw, gade n na yang byin wa na ra ai lam ni hpe Karai Kasang a shangun ma ni chye lu hkra madun dan na matu rai nga ai. Hkristu gaw shi a shangun ma Yawhan hpang de lamu kasa hpe shangun dat nna, ndai shingran ga shana dan wu ai.

SHINGRAN 5:5

Dai rai nna, salang ni hta na langai mi gaw, “Hkum hkrap et. Yu u! Yuda amyu hta na hkanghkyi ngu ai Dawi a amyu kaba matu mara gaw, awng padang lu nna dai dazik sanit hpe gaw kau nna laika shabawn hpe hpaw lu sai,” nga nna tsun ai.