Daniela 2:22 - Jinghpaw Common Language Bible 2009

²² Shi gaw sung ai hte makoi magap da ai arai ni hpe shapraw dan nga ai; shi gaw nsin kata hta makoi magap da ai arai ni hpe chye nga ai, shi hkum nan hpe chyawm gaw nhtoi hte gawan shinggrup da nga ai.

Jinghpaw Hanson Version Bible

²² shi gaw, sung htum ai hte makoi magap da ai lam ni hpe, shapraw dan wu ai; nsin hta rawng marawng hpe shi chye nna, nhtoi gaw shi hte rau shanu nga ai.

Daniela 2:22 ပူးပေါင်းရင်းမြစ်များ

NINGPAWT NINGHPANG 41:16

Yosep gaw, “Hkawhkam wa e, ngai n htai lu na nngai; rai ti mung Karai Kasang gaw ra sharawng ai ga htai langai jaw ya na ra ai,” ngu nna htan wu ai.

YOBA 12:22

Shi gaw asin amang re ai si ai shara de nhtoi dat dat nga ai.

YOBA 26:6

Katsan ga gaw Karai Kasang a man e branglang rai nga ai; shi a man kaw nna magap shinggang da lu ai n rai.

SHAKAWN KUNGDAWN 104:2

na a hkum hpe nhtoi hte hpun lawai da nga ndai. Nang gaw sumsing lamu ni hpe sum zawn kahpyan da nna;

SHAKAWN KUNGDAWN 25:14

Dai Madu gaw shi a ga madat mara nga ai ni a jinghku rai nga nna shi a ga shaka shanhte hte shagrin da nga ai.

SHAKAWN KUNGDAWN 36:9

Nang gaw asak yawng a hka hpawk rai nga ndai; na a nhtoi majaw, anhte dai nhtoi hpe mu lu ga ai.

HPAJI NINGLI 8:1

Hpaji rawng ai wa chyu sha arung arai a lachyum hpe teng teng chye lu nga ai. Hpaji byeng-ya gaw shi hpe mani shangun nna n ju ai myi hte yu ai nsam hpe jahkoi kau ya nga ai.

ESAIA 41:22

Ndai de sa nna hpa byin wa na lam tau tsun yu mu, shaloi anhte gaw dai amu galoi byin wa na hpe chye lu na ga ai. Lai sai aten na mabyin lam ni hpe tara rung de tsun shaleng dan mu, shanhte kaning rai lachyum shapraw ai lam anhte hpe tsun dan mi.

ESAIA 41:26

Nang jaw nga ndai ngu anhte chye lu hkra, ndai lam byin wa na re ngu nna nanhte kadai mahtang tau tsun da yu mtit ni? Dai hte seng ai ga hkum mi pyi nanhte hta na kadai mung n tsun nga ai; nang tsun ai lama mi hpe mung kadai n na yu ma ai!

ESAIA 42:9

Ngai tau tsun da ai amu ni gaw ya teng nga sai. Ya chyawm gaw dai lam ni garai n byin hpang ai rai tim, ngai nang hpe amu nnan lam ni tsun dan na nngai.”

ESAIA 45:7

Ngai gaw nhtoi hte nsin hpe hpan nngai; Ngai gaw shaman chyeju hte tsin-yam tsindam hpe shabyin nngai. Dai Madu ngai gaw ndai amu ni yawng mayawng hpe galaw nngai.

YEREMIA 23:24

Kadai mung ngai n mu lu ai shara hta n makoi lu nga ai. Ngai gaw sumsing lamu hte ginding aga ntsa shara shagu hta nga nga nngai hpe nang n chye n ni?

YEREMIA 33:3

“Ngai hpe shaga e, ngai nang hpe htan ya na nngai; nang hpa mung n chye lu ai mauhpa amu ni hte mau kajawng na zawn re ai amu ni ngai nang hpe tsun dan na de ai.

Daniela 2:11

Madu hkawhkam san ai lam gaw grai yak nga ai majaw shinggyim masha ni hte rau n rai nga ai karai ni hta kaga, kadai mung na a matu n dang galaw ya lu nga ai,” ngu nna tsun htang ma ai.

Daniela 2:19

Dai hpang dai shana jang, makoi magap ai yup mang gaw Daniela a shingran hta shapraw shadan dan nga ai; shi gaw sumsing lamu a Karai Kasang hpe shakawn kungdawn wu ai:

Daniela 2:47

Hkawhkam wa gaw, “Na a Karai Kasang gaw karai ni yawng hta galu kaba htum ai wa rai nna, hkawhkam ni a madu, makoi magap da ai amu ni hpe shadan dan ai wa rai nga ai. Ndai makoi magap ai amu hpe nang tsun shaleng dan lu nit dai majaw ndai lam ngai chye ni ai,” ngu nna tsun wu ai.

Daniela 5:11

Chyoi pra ai karai ni a wenyi rawng ai wa langai mi na a mungdan hta nga nga ai. Na nwa hkawhkam galaw nga yang, ndai masha wa gaw karai ni a hpaji hte bung ai mai kaja ai nyan, machye machyang hpaji hte hpaji byeng-ya madun dan nga ai. Na nwa Hkawhkam Nebuhkadneza chyawm gaw shi hpe gumhpan hpan ai ni, mandan lakle sara ni, hpyi lamum sara ni hte jan shata shagan yu ai sara ni a hpa-awn shatai da nga ai.

Daniela 5:14

Nang hta chyoi pra ai karai ni a wenyi rawng nna chye chyang ai nyan hte hpaji byeng-ya kung kyang nga ndai hpe ngai na se ai.

MAHTE 13:13

Shanhte hpe ga shadawn hku ngai hpa majaw tsun ra a ta? nga yang, shanhte yu ti mung n mu ma ai; madat ti mung n na ma ai; shing n rai n chye na ma ai.

YAWHAN 1:9

Dai nhtoi gaw mungkan ga de du sa nna, masha nlang hte a ntsa e jahtoi ya ai nhtoi majing rai nga ai.

YAWHAN 21:17

Bai masum lang ngu na Yesu gaw, “Yawhan a kasha Simun e, nang ngai hpe tsaw ra nga n ni?,” ngu nna shi hpe san wu ai majaw, Petru myit yawn nna, “Madu e, nang gaw yawng mayawng hpe chye nga ndai ngai nang hpe tsaw ra nga nngai gaw, nang chye nga ndai!,” ngu nna htan wu ai. Yesu gaw, “Nye a sagu ni hpe bau rem nga u.

YAWHAN 8:12

Yesu shanhte hpe bai tsun mu ai gaw, “Ngai gaw mungkan ga a nhtoi rai nga nngai. Nye a hpang hkan nang ai wa gaw asak a nhtoi hpe lu la na ra ai rai nna nsin hta galoi mung n hkawm n sa na ra ai,” ngu mu ai.

1 KORINHTU 4:5

Dai re ai majaw, aten hkrak garai n du yang, kadai hpe mung hkum jeyang myit. Hpang jahtum na jeyang daw dan ai lam hpe, dai Madu bai du sa ai nhtoi shani du hkra la nga lu na rai nga ai; Shi gaw nsin hta makoi magap da ai nga manga hte hpe mung, masha a myit kraw lawang kata hta makoi magap da ai myit mang yaw shada ai lam ni hpe mung, shapraw shadan dan na ra ai. Dai shaloi e langai hte langai gaw tinang hte ging dan ai hte maren Karai Kasang kaw na shakawn shagrau ai hpe hkam la na ra ai.

EHPESU 3:5

Lai wa sai ten hta ndai sung htum ai lam shinggyim masha ni hpe n tsun dan yu ai, rai ti mung Karai Kasang gaw ya e shi a chyoi pra ai kasa ni hte myihtoi ni hpe dai Wenyi hku nna shadan dan mu ai.

TARA JAHPRANG 29:28

Dai Madu a masin kahtet let pawt sindawng ai gaw grung wa ai rai nna, de a majaw shanhte hpe mungdan kaw nna shaw shapraw kau nhtawm maigan mung de gawt shapraw kau wu ai rai nna dai yang e dai ni du hkra nga nga ma ai,’ ngu nna htan na rai ma ai.

1 TIMOHTI 6:16

Shi chyu sha n si n mat ai wa rai nna, shi gaw kadai mung n shani sa lu ai nhtoi hta shanu nga ai. Kadai mung shi hpe n mu yu ai hte kadai mung shi hpe n mu lu nga ai. Shi hta arawng sadang hte htani htana hpung shingkang a nga nga u ga law! Amen.

HEBRE 4:13

Karai Kasang n mu n chye hkra makoi magap da lu ai hpa mung n nga ai; yawng mayawng gaw shi a man e dan leng nga ai rai nna anhte galaw ai lam shagu shi hpe jahpan dan lu na rai nga ga ai.

YAKU 1:17

Mai kaja ai hte hkum tsup re ai chyeju kumhpaw kumhpa nlang hte gaw, sumsing nhtoi hkum ni hpan da ai hte ningsin hpe gale galau di nna n kayin shangun ai sumsing lamu e nga ai Karai Kasang kaw na yu wa sai rai nga ai.

1 YAWHAN 1:5

Karai Kasang gaw nhtoi rai nga ai hte shi hta nsin hpa mung n rawng nga ai. Ndai mungga hpe shi a Kasha kaw na anhte na yu saga ai majaw nanhte hpe gawn dan ga ai.