Daniela 2:20 - Jinghpaw Common Language Bible 2009

²⁰ “Karai Kasang gaw hpaji rawng ai hte daru magam n-gun rawng nga a hka! Shi hpe htani htana shakawn kungdawn mu.

Jinghpaw Hanson Version Bible

²⁰ Shaloi Daniela gaw sumsing lamu na Karai Kasang a chyeju hpe shagrau sha-a let, “Karai Kasang a amying ningsang gaw, htani htana prat dingsa, a nga u ga law: shi gaw hpaji byeng-ya hte n-gun atsam hpring nga ai.

Daniela 2:20 ပူးပေါင်းရင်းမြစ်များ

NINGPAWT NINGHPANG 14:20

Na a gumlau hpyen ni a ntsa e, nang hpe awng padang jaw ya ai dai Tsaw Htum ai Karai Kasang gaw a nga u ga law!,” nga nna tsun ai. Abram mung shi lu la sai arai mahkra a htam shi hta na htam mi hpe Melhkizedek a lata hta jaw ya wu ai.

1 HKAWHKAM 8:56

“Shi ga sadi tawn da nga ai hte maren shi a amyu masha ni hpe ngwi pyaw sim sa lam jaw ya ai dai Madu hpe shakawn mu law. Shi a shangun ma Mawshe hku nna jaw da sai kaga ga sadi ni yawng hpe shi shatup nga ai.

1 HKAWHKAM LABAU 29:20

Dai hpang Dawi gaw amyu masha ni hpe, “Dai Madu nanhte a Karai Kasang hpe shakawn kungdawn mu!,” ngu nna hkang da wu ai. Shaloi shawa hpawng ting gaw dai Madu shanhte a kaji kawa ni a Karai Kasang hpe shakawn kungdawn nhtawm dai Madu hpe mung, hkawhkam wa hpe mung, shanhte dingnyawm gum dagup nna shagrau hkungga jaw mu ai.

2 HKAWHKAM LABAU 20:21

Shi gaw amyu masha ni hte bawng jahkrup ngut jang mahkawn mangoi chye ai ni hpe chyoi pra ai aten ladaw hta shanhte hpun hpun re ai palawng galu ni hpun nna luksuk a shawng e rawt sa wa nhtawm, “Dai Madu hpe shakawn kungdawn mu! Shi a tsaw ra myit htani htana agrin nga ai!,” ngu mahkawn mangoi na lam shanhte hpe hkang da wu ai.

NEHEMIA 9:5

Lewi masha ni rai nga ai Yeshua, Kadmiela, Bani, Hashabneia, Sherebia, Hodia, Shebania hte Pehtahia hte gaw nawku na matu saw shaga ma ai. Shanhte gaw ning ngu tsun ma ai: “Rawt tsap let, dai Madu nanhte a Karai Kasang hpe shakawn kungdawn mu; shi hpe htani htana shakawn kungdawn mu! Masha shakawn kungdawn ai gaw n kaba nga ti mung, masha shagu gaw shi a hpung shingkang mying nsang hpe shakawn kungdawn nga mu ga.

SHAKAWN KUNGDAWN 113:1

Dai Madu hpe shakawn mu! Dai Madu a shangun ma ni e, shi a mying nsang hpe shakawn mu!

SHAKAWN KUNGDAWN 113:2

Dai Madu a mying nsang hpe ya kaw nna, htani htana shakawn nga mu ga.

SHAKAWN KUNGDAWN 115:18

Rai ti mung, asak hkrung nga ai anhte ni chyawm gaw ya kaw nna, htani htana prat dingsa du hkra, shi hpe chyeju dum shakawn kungdawn nga na ga ai. Dai Madu hpe shakawn mu!

SHAKAWN KUNGDAWN 147:5

Anhte a Madu gaw galu kaba nga nna chyahtum chyalai n-gun hte hpring nga ai wa rai nga ai; shi a nyan hpaji hpe shadawn lu nga ai n rai.

SHAKAWN KUNGDAWN 41:13

Dai Madu Israela a Karai Kasang hpe shakawn mu! Ya kaw nna htani htana shi hpe shakawn ga law! Amen! Amen!

SHAKAWN KUNGDAWN 50:23

Chyeju dum ai shagu hkungga gaw ngai hpe shagrau sha-a ai lam rai nga ai; nye a ga madat mara ai ni yawng hte hpe ngai teng teng hkye hkrang la na nngai.”

SHAKAWN KUNGDAWN 62:11

Madu hta daru magam n-gun rawng nga ai hpe mung, shi a tsaw ra myit dinggrin rai nga ai hpe mung, Karai Kasang tsun ai ga dai hpe law law lang, ngai na ni ai.

GA SHAGAWP 8:14

Ngai gaw hpaji daw nna, dai ni hpe galaw shapraw nga nngai; ngai hta chye na hkawn hkrang ai myit rawng nna, n-gun atsam hte hpring nga nngai.

YEREMIA 32:19

Nang gaw hpaji rawng ai shatawng shada lam ni hpe shachyen nna mauhpa magam bungli ni hpe galaw nga ndai; nang gaw amyu masha ni galaw ai amu baw hkum sumhpa ni hpe mu nga ndai; shanhte galaw shapraw ai amu hte maren, nang shanhte hpe kumhpa jaw ya nga ndai.

EZEKELA 28:3

Nang gaw Danela (Daniela) hta grau nna hpaji chye nga ai, na a man e hpa mung makoi magap da lu ai n rai, nga nna nang myit nawn la nga ndai.

MAHTE 6:13

Agung alau nga ai de anhte hpe n sa shangun ai sha, n kaja ai lam hta na mung shaw la mi law, (N gawn tawa hpe hkang ai ahkang hte hpung shingkang arawng sadang gaw, htani htana nang hta anga nga u ga law) Amen.

YUDA 1:24

Ya chyawm gaw, nanhte kataw katan n rai hkra bau sin lu ai hte shi a hpung shingkang a man e shut hpyit mara n kap nna kabu gara ai lam jaw lu ai,

SHINGRAN 5:12

Shanhte gaw, “Sat kau hkrum ai Sagu Kasha gaw, hpung dagu, sut gan, hpaji atsam, n-gun lagaw arawng sadang, hpung shingkang hte, shakawn kungdawn ai hpe hkam la ging nga ai law!,” nga nna nsen kaba hte shakawn nga ma ai.