Daniela 2:19 - Jinghpaw Common Language Bible 2009

¹⁹ Dai hpang dai shana jang, makoi magap ai yup mang gaw Daniela a shingran hta shapraw shadan dan nga ai; shi gaw sumsing lamu a Karai Kasang hpe shakawn kungdawn wu ai:

Jinghpaw Hanson Version Bible

¹⁹ Dai rai nna shana aten e, shingran hte, Daniela hpe dai lam shapraw dan wu ai.

Daniela 2:19 ပူးပေါင်းရင်းမြစ်များ

YOBA 4:13

Dai gaw ngai yup pyaw nga yang yup dip zawn ngai hpe sharu shatsang nga ai.

SHAKAWN KUNGDAWN 25:14

Dai Madu gaw shi a ga madat mara nga ai ni a jinghku rai nga nna shi a ga shaka shanhte hte shagrin da nga ai.

Daniela 1:17

Karai Kasang gaw ndai shabrang mali hte hpe laili laika hta chye chyang kung kyang ai nyan hpaji hte sumru hpaji jaw ya wu ai. Dai sha n-ga, shi gaw Daniela hpe yup mang shingran amyu myu chye htai lu ai kung kyang ai nyan mung jaw ya wu ai.

Daniela 2:22

Shi gaw sung ai hte makoi magap da ai arai ni hpe shapraw dan nga ai; shi gaw nsin kata hta makoi magap da ai arai ni hpe chye nga ai, shi hkum nan hpe chyawm gaw nhtoi hte gawan shinggrup da nga ai.

Daniela 4:26

Lamu kasa gaw ga e hpundu ngam tawn na hkang da nga ai. Dai gaw mungkan yawng hpe Karai Kasang up nga ai ngu nna nang yin la ai shaloi, nang hkawhkam bai tai wa na lachyum rai nga ai.

Daniela 4:9

Gumhpan hpan sha ai ni a agyi Belteshaza e, chyoi pra ai karai ni a wenyi nang hta rawng nga ai rai nna makoi magap da ai amu yawng mayawng hpe nang chye na hkawn hkrang nga ndai gaw ngai chye nngai. Ndai gaw nye a yup mang rai nga ai. Ngai hpe de a lachyum tsun dan e.

Daniela 7:2

dai shana e ngai mu ai yup mang rai nga ai: Nbung ni man shagu de nna bung wa nhtawm nammukdara hka man ntsa hku ahpawt mat wa nga ai.

Daniela 7:7

Ngai mada yu nga yang, mali ngu na matse labye dusat paw pru wa nga ai. Dai gaw n-gun rawng nna hkrit kajawng na zawn san ai nsam hte jahkrit ai nsam rawng nga ai. De a kaba ai hpri wa gaw tsin-yam hkrum sha nga ai ni hpe agrawp daw kau nna kabye anut kau nga ai. Dai gaw kaga matse labye dusat ni hte n bung ai sha, shi hta nrung shi tu nga ai.

AMO LAIKA (AMOS) 3:7

Tsaw Htum ai dai Madu gaw shi myit mang ai lam, shi a shangun ma myihtoi ni hpe garai n shadan yang, hpa lam hpe mung shi galoi mung n galaw yu nga ai.

BU HKAWM 12:6

dai Madu gaw, “Ya chyawm gaw ngai tsun na ga na la mu! Nanhte hta myihtoi nga ai rai yang ngai hkum nan shanhte hpe shingran hta shadan dan nna yup mang ni hta tsun dan na nngai.

YAWSHU 22:33

Israela amyu masha ni myit pyaw myit dik ai hte Karai Kasang hpe shakawn kungdawn ma ai. Rubin Gad amyu masha ni nga ai mung hpe gasat jahten kau na lam galoi mung n shaga yu manu ai.